Ywak 2:5 - The Holy Bible In Alur (Lur) Revised Orthography

⁵ Rwoth udoko calu jadegi, emwonyo Israel; Emwonyo udi mi ker pare ceke, enyotho ka ma tek pare; Man emedo ywak ku goyonduru i nya Yuda.

Ywak 2:5 ပူးပေါင်းရင်းမြစ်များ

2 Ubimo 25:9

Man ewang’u ot pa Yehova ku ot p’ubimo; ku udi ceke mi Yerusalem, en e udi ceke ma dongo kubang’e kubang’e, ewang’u ku mac.

Kitabu Pa Yob 13:24

Pirang’o ipanu weng’i Man ikwana calu jadegini?

Kitabu Pa Yob 19:11

Eopo kwinyo pare bende i kuma, Man ekwana ire calu kind jasendne acel.

Zaburi 89:40

Itong’o arara pare ceke piny; Idwoko ka ma tek pare ni nyoth.

Zaburi 89:41

Dhanu ceke m’ukadhu kud i yoje giyake: Edoko ni cac ni judhugola pare.

Isaya 29:2

abilund sendo Ariel, e ywak ku goyonduru bibedo nuti; e ebibedo ira calu Ariel.

Isaya 63:10

Ento gijai, man ginyayu can i Tipo pare ma leng’: ka kumeno elokre ni jadegi migi, man en gire ekiedo i kumgi.

Yeremia 15:1

Yehova lund uwacu ira kumae, Kadok Musa giku Samwil gicungo i wang’a, ento kuno di pidoia bedo yo ba dhanu maeni ngo: baigi woko kud i wang’a, man wek gici cen.

Yeremia 21:4

Yehova, Mungu mir Israel, uwacu kumae, Nen, abiloko jamtho mir ali ma ni i cingwu, ma wukiedo ko kum ubimo mi Babeli, man kum Jukaldayo m’utiekowu, yo ng’ei gang’kidi; man abicokogi i die adhura maeni.

Yeremia 30:14

Jumer peri ceke wigi wil i kumi; giyenyi ngo: kum atong’o lero i kumi ku lero pa jadegi, ku ponji pa ng’atu ma kisa mbe kude, kum dit mi kier peri, kum dubo peri nyai.

Yeremia 52:13

Man ewang’u ot pa Yehova, ku ot p’ubimo, ku udi ceke mi Yerusalem, en e udi ma dongo kubang’e kubang’e, ewang’u ku mac.

Ywak 2:2

Rwoth umwonyo kabedo ceke pa Yakobo, man ngisi nege ngo: Eredho ka ma tek pa nya Yuda piny ku kwinyo pare; Eredhogi piny i ng’om; ecido ker ku judongomawijone.

Ywak 2:4

Egomo atum pare calu jadegi, ecungoku cinge ma yor acwic calu jasend, Man enego dhanu ceke ma nyayu mutoro i wang’: I hema pa nya Sayuni ekonjo kwinyo pare calu mac.

Ezekiel 2:10

man epedhe i wang’a: man jugoro yor i ie ku yo woko; man jugoro ywak, ku goyonduru, ku can yor i ie.

1 Samwil 28:16

Man Samwil uwacu kumae, Kum kumeno ipenja nedi, kum Yehova ai i beng’i, man edoko ni jadegi peri?