Ywak 2:21 - The Holy Bible In Alur (Lur) Revised Orthography

²¹ Jalawobi ku ng’atu m’uti givuto i ng’om i gengi; Nyir para ma ng’won kud awobi para m’aradu gipodho ku palamularu: Inegogi i ceng’ mi ng’ecwiny peri; inego, man ngisi negi ngo.

Ywak 2:21 ပူးပေါင်းရင်းမြစ်များ

2 Lemkei 36:17

Ka kumeno ekelo ubimo mi Jukaldayo i wigi, m’unego awobi migi ku palamularu i ot mi kamaleng’ migi, man ngisi pare mbe kum jalawobi kadi nyaku ma sumba, dhanu m’uti kadi ng’atu ma wie ju lwar: emiogi ceke i cinge.

Ester 3:13

Juoro waragane ku jukwenda i kind ng’etker ceke p’ubimo, ya junyoth, juneg, man jurwiny, Juyahudi ceke, awobi ku judongo, nyithindho ma thindho ku mon, i ceng’ acel, en e i ceng’ apar wi adege mi dwi apar wi arionde, ma en e dwi Adar, man nia jugam piny migi ni amaci.

Isaya 27:11

Kinde ma jange ner, jubiturogi; mon bibino, man gibicwinyogi ku mac; kum en e dhanu ma ng’eyong’ec umbe kugi: ka kumeno ng’atu m’ucwiogi ngisi binege ngo i kumgi, man ng’atu m’ucwiogi binyutho igi bero ngo.

Yeremia 11:22

ka kumeno Yehova mir udul uwacu kumae, Nen, abisendogi: awobi bitho ku palamularu; wotgi ku nyiggi bitho ku ndru;

Yeremia 13:14

Man abirwadugi acel kum wadi, en e wego ku wodo karacelo, Yehova wacu: kisa binega ngo, kadi abiweko de ngo, kadi kisa de binega ngo, kara kud anyothgi.

Yeremia 18:21

Ka kumeno mi nyithindhgi ni ndru, man imigi ni tego mi palamularu; man wek mon migi bed umbe nyithindho, man mon ma coggi tho; man wek tho neg coggi, man jugoi awobi migi ko palamularu i lwiny.

Yeremia 21:7

Man yo ku ng’eye, Yehova wacu, Abimio Zedekia m’ubimo mi Yuda, ku jutic pare, man dhanu, en e wadi ju m’udong’ i adhura maeni ni thong’om, ni palamularu, man ni ndru, i cing’ Nebukadrezar m’ubimo mi Babeli, man i cing’ judegi migi, man i cing’ ju m’uyenyo kwo migi: man ebigoyogi ku lak palamularu; ebiwekogi ngo, kadok ngisi de binege ngo, kadi kisa de.

Yeremia 4:31

Kum awinjo dwal calu pa dhaku m’ubenyol, ndiba calu pa ng’atu m’ubenyolo nyathin pare ma kayu, en e dwal pa Nyasayuni, m’uyuyo kara eyui, m’uthang’u cinge, m’uwacu kumae, Can i wia kawono mire! kum ng’eyong’ec para voc i wang’ junek.

Yeremia 51:22

man abituro magali ku ng’atu m’uwotho i ie nziki nziki ni kumi; man abituro co ku mon nziki nziki ni kumi; man abituro jadit kud aradu nziki nziki ni kumi; man abituro jalawobi ku nyaku ma sumba nziki nziki ni kumi;

Yeremia 6:11

Ka kumeno apong’ ku kwinyo pa Yehova; aol ku ciro lembe: konje woko wi nyithindho ni gengi, man wi cokri mi dhanu m’aradu karacelo; kum jubimaku cil nico karacelo ku dhaku, jadit karacelo ku ng’atu ma nindo pare pong’o.

Yeremia 9:20

Ento wuwinj lembe pa Yehova, E wu mon, man wuwek ithwu jol lembe m’i dhoge; man wuponj nyigwu ku goyo nduru, man ku ba dhanu ku ba dhanu ng’atuman uponj wadi ku wejawu.

Yeremia 9:21

Kum tho idho malu i wang’ udi mwa, emondo i udi ma beco mwa; kara ukab nyithindho ku woko, man awobi kud i gengi.

Ywak 1:15

Rwoth udwoko dhanu para ma jukero ceke i kinda; Elwong’o cokri mi rwo i kuma kara ung’eny awobi para: Rwoth unyono nya Yuda ma ng’won calu i pany mir ulok.

Ywak 1:18

Yehova e pwe; kum ajai kum lembang’ola pare: Wuwinji, akwayuwu, wu kodhidhanu ceke, man wunen can para: Nyir para ma ng’won kud awobi para gicidho i ng’eca.

Ywak 1:4

Yo mi Sayuni ywak, kum ng’atu moko mbe m’ubino ba cokri mi rwo; Dhugang’ pare ceke bedo kende, julam pare gamu cwinygi: Jusendo nyir pare ma ng’won, man en gire eni i adra.

Ywak 2:17

Yehova timo maeno m’ekeco; etimo lembe pare kakare m’eng’olo i nindo ma con; Eredho piny, man ngisi nege ngo: Man eketho anyong’a nego jadegi i kumi; eyungo tung pa jusend peri.

Ywak 2:2

Rwoth umwonyo kabedo ceke pa Yakobo, man ngisi nege ngo: Eredho ka ma tek pa nya Yuda piny ku kwinyo pare; Eredhogi piny i ng’om; ecido ker ku judongomawijone.

Ywak 3:43

Iumbri ku ng’ecwiny man iriemowa; inego, ngisi negi ngo.

Ezekiel 24:21

Yer ni ot mir Israel kumae, Rwoth Yehova wacu kumae: Nen, abicido kamaleng’ para, kuhaya mi tego mu, yeny ma weng’wu yenyo, man gin ma ngisi nego ng’eyong’ec mu i kume; e wotwu ku nyigwu ma wuweko yor i ng’eiwu bipodho ku palamularu.

Ezekiel 5:11

Kum kumeno, calu abedo kwo, Rwoth Yehova wacu, andha, kum icido kamaleng’ para ku gin ma rac peri ceke, man ku ginmajudagu peri ceke, ka kumeno abijigo wii bende; kadi wang’a de biweko ngo, man ngisi bende binega ngo.

Ezekiel 7:4

Man wang’a biweki ngo, kadok ngisi de binega ngo; ento abikelo yo peri i wii, man ginmajudagu peri bibedo i kindi: e wubing’eyo nia an a Yehova.

Ezekiel 7:9

Man wang’a biweko ngo, kadok ngisi de binega ngo: abikelo i wii calku yo peri; man ginmajudagu peri bibedo i kindi; man wubing’eyo nia an, an a Yehova, agoyo.

Ezekiel 8:18

Ka kumeno an bende abitimo ku kwinyo; wang’a biweko ngo, kadok ngisi de binega ngo; man kadok giywak i itha ku dwandgi ma tek, ento abiwinjogi ngo.

Ezekiel 9:10

Man pi an bende, wang’a biweko ngo, kadok ngisi de binega ngo, ento abikelo yo migi i wigi.

Amos 4:10

Aoro thong’om i kindwu calu mi Misiri: anego awobi mu ku palamularu, man ayaku riuni mu; man aketho ng’wic piny ma rac mi kagonjo mu idho malu cil i odiumwu: ento wudwogo ngo i bang’a, Yehova wacu.

Amos 8:13

I ceng’ maeca nyir ma wang’gi leng’ kud awobi bivoc ni rieupi.

Zekaria 11:6

Kum kisa binega kendo ngo kum dhanu m’ubedo i ng’om, Yehova wacu; ento, nen, abiketho dhanu kubang’gi kubang’gi i cing wadi, man i cing ubimo pare; man gibigoyo ng’om, e abibodhogi ngo kud i cing’gi.

Poi Mi Cik 28:50

thek ma wang’e tek, ma biparu pi wang’ judongo ngo, kadi binyutho bero de ngo ni awobi,

Poi Mi Cik 32:25

Yo woko palamularu bikelo can, Man i kusika ndiri; Ebinyotho awobi ku nyaku ma sumba, Mukere ku ng’atu ma wie ju lwar.

Yocuwa 6:21

E ginyotho gin ceke ma ni i adhura kot, co ku mon bende, nyithindho ku judongo de, man dhiang’ ku rombe, ku kana ginegogi ceke ku lak palamularu.

1 Samwil 15:3

Kawono icidh igoi Amalek, man inyoth gin ceke ma gibedo ko kot, man kud iwekgi; ento wuneg co ku mon bende, nyithindho ku mukere, koni dhiang’ man rombo, ngamia ku kana.