Ywak 2:2 - The Holy Bible In Alur (Lur) Revised Orthography

² Rwoth umwonyo kabedo ceke pa Yakobo, man ngisi nege ngo: Eredho ka ma tek pa nya Yuda piny ku kwinyo pare; Eredhogi piny i ng’om; ecido ker ku judongomawijone.

Ywak 2:2 ပူးပေါင်းရင်းမြစ်များ

Kitabu Pa Yob 2:3

E Yehova wacu ni Jok kumae, Ii pido pi jatic para ma Yobi? kum ng’atu moko mbe ma calu en i ng’om, ng’atu ma ndhu cu man atira, ng’atu ma lworo Mungu, man ma lokre cen ni dubo: e emoko asu kum bedocu pare, kadok ithuba kude, ketho anyothe ma lembene mbe.

Zaburi 21:9

Ibikethogi calu uka mi mac i nindo mi ng’ecwiny peri: Yehova bimwonyogi i kwinyo pare, Man mac bicamugi.

Zaburi 74:7

Gicwinyo kamaleng’ peri; Gicido kabedo mi nyingi ku redhe i ng’om.

Isaya 22:5

Kum en e ceng’ mi tagu, man mi nyonopiny, mir ang’abacwiny de, m’uai ba Rwoth, Yehova mir udul, i poga mi ginmawokiwang’; rwombri mi gang’kidi, man ywak ma ba gudi.

Isaya 23:9

Yehova mir udul ukeco maeni, kara ucid kuhaya mi dwong’ ceke, kara ukel weg yung m’i ng’om ceke i cac.

Isaya 25:12

Man ebirwombo ot ma tek mi gang’kidi peri piny, apedha piny, aredha de i ng’om, cil i utur.

Isaya 26:5

Kum ejwigo ju m’ubedo malu piny, adhura m’utingre: eredhe piny, eredhe piny kpe i ng’om; ekele cil i utur.

Isaya 27:11

Kinde ma jange ner, jubiturogi; mon bibino, man gibicwinyogi ku mac; kum en e dhanu ma ng’eyong’ec umbe kugi: ka kumeno ng’atu m’ucwiogi ngisi binege ngo i kumgi, man ng’atu m’ucwiogi binyutho igi bero ngo.

Isaya 43:28

Ka kumeno abicido judongomawijo mi kamaleng’; man abidwoko Yakobo ni kwong’, man Israel ni cac.

Isaya 47:6

Kwinyo nega kum dhanu para, acido aba para, man amiogi i cingi: kisa negi ngo i kumgi; iketho mberembere peri pek hai wi ju m’uti.

Yeremia 13:14

Man abirwadugi acel kum wadi, en e wego ku wodo karacelo, Yehova wacu: kisa binega ngo, kadi abiweko de ngo, kadi kisa de binega ngo, kara kud anyothgi.

Yeremia 19:15

Yehova mir udul, Mungu mir Israel, uwacu kumae, Nen, abikelo lem ma rac ceke m’angolo wi adhura maeni man wi pacune ceke; kum gidwoko ng’utgi tek, kara ku giwinj lem para.

Yeremia 21:7

Man yo ku ng’eye, Yehova wacu, Abimio Zedekia m’ubimo mi Yuda, ku jutic pare, man dhanu, en e wadi ju m’udong’ i adhura maeni ni thong’om, ni palamularu, man ni ndru, i cing’ Nebukadrezar m’ubimo mi Babeli, man i cing’ judegi migi, man i cing’ ju m’uyenyo kwo migi: man ebigoyogi ku lak palamularu; ebiwekogi ngo, kadok ngisi de binege ngo, kadi kisa de.

Yeremia 5:10

Wuidh malu wi gang’kidi pare, man wunyothi; ento kud wujig ma gwei: wukab jange cen; kum gi pa Yehova ngo.

Ywak 2:17

Yehova timo maeno m’ekeco; etimo lembe pare kakare m’eng’olo i nindo ma con; Eredho piny, man ngisi nege ngo: Man eketho anyong’a nego jadegi i kumi; eyungo tung pa jusend peri.

Ywak 2:21

Jalawobi ku ng’atu m’uti givuto i ng’om i gengi; Nyir para ma ng’won kud awobi para m’aradu gipodho ku palamularu: Inegogi i ceng’ mi ng’ecwiny peri; inego, man ngisi negi ngo.

Ywak 2:5

Rwoth udoko calu jadegi, emwonyo Israel; Emwonyo udi mi ker pare ceke, enyotho ka ma tek pare; Man emedo ywak ku goyonduru i nya Yuda.

Ywak 3:43

Iumbri ku ng’ecwiny man iriemowa; inego, ngisi negi ngo.

Ezekiel 5:11

Kum kumeno, calu abedo kwo, Rwoth Yehova wacu, andha, kum icido kamaleng’ para ku gin ma rac peri ceke, man ku ginmajudagu peri ceke, ka kumeno abijigo wii bende; kadi wang’a de biweko ngo, man ngisi bende binega ngo.

Ezekiel 7:4

Man wang’a biweki ngo, kadok ngisi de binega ngo; ento abikelo yo peri i wii, man ginmajudagu peri bibedo i kindi: e wubing’eyo nia an a Yehova.

Ezekiel 7:9

Man wang’a biweko ngo, kadok ngisi de binega ngo: abikelo i wii calku yo peri; man ginmajudagu peri bibedo i kindi; man wubing’eyo nia an, an a Yehova, agoyo.

Ezekiel 8:18

Ka kumeno an bende abitimo ku kwinyo; wang’a biweko ngo, kadok ngisi de binega ngo; man kadok giywak i itha ku dwandgi ma tek, ento abiwinjogi ngo.

Ezekiel 9:10

Man pi an bende, wang’a biweko ngo, kadok ngisi de binega ngo, ento abikelo yo migi i wigi.

Mika 5:14

e abikabu mungu m’araga peri kud i kindi; man abinyotho adhura peri.

Malaki 1:4

Kadok Edom uwacu kumae, Junyonowa piny, ento wabidwogo man wabigomo ka m’udong’ ni uvuru; Yehova mir udul uwacu kumae, Gibigomo, ento abirwombo piny; man dhanu bilwong’ogi kumae, Kieu mi dubo, man kumae, Dhanu ma ng’ecwiny unego Yehova i kumgi nja.

Matayo 18:33

in ke emaku ngo itim ku ngisi kum jatic wedu, cil calu atimo ku kisa i kumi?

2 Jukorinto 10:4

kum jamtho mwa mi lwiny gi mi kum ungo, endre gi tek apila i wang’ Mungu ma giredho ko gin ma tek piny;

Poi Mi Cik 28:52

E gibitieki kud ali i dhugang’ peri ceke, cil ma gang’ peri ma tek ma wiu de birwombre ko, m’igeno gen ni kume, i ng’om peri ceke mba mba; e gibitieki kud ali i dhugang’ peri ceke i ng’om peri ceke mba mba, ma Yehova Mungu peri mio iri.

Poi Mi Cik 32:22

Kum mac uopo i ng’ecwiny para, Man ewang’ cil kum liel ma piny, Man ecamu ng’om ku nyai pare, Man ecwinyo the gudi.