Ywak 2:17 - The Holy Bible In Alur (Lur) Revised Orthography

¹⁷ Yehova timo maeno m’ekeco; etimo lembe pare kakare m’eng’olo i nindo ma con; Eredho piny, man ngisi nege ngo: Man eketho anyong’a nego jadegi i kumi; eyungo tung pa jusend peri.

Ywak 2:17 ပူးပေါင်းရင်းမြစ်များ

1 Ubimo 9:7

abilund kabu Israel woko kud i ng’om m’amio igi; man ot maeni, m’adwoko leng’ pi nyinga, abibayu woko kud i wang’a; man Israel bibedo ni lembabola ku koi i kind kodhidhanu ceke.

Zaburi 35:24

Pok lembe para, E Yehova Munguna, calku bedopwe peri; Man kud iyi anyong’a neggi i kuma.

Zaburi 35:26

Wek lewic kud ang’abacwiny de mak ju ma mutoro negogi kum can para: Wek lewic ku jwig umak ju ma gidodri gigi i kuma.

Zaburi 38:16

Kum awacu kumae, Anyong’a maru negogi i kuma: Kinde ma tienda kier, giyungri gigi i kuma.

Zaburi 89:42

Idodo cing’ jusend pare ma yor acwic; Iketho anyong’a nego judegi pare ceke.

Zaburi 89:43

Eyo, iloko lak palamularu pare cen, Man iketho ecungo ngo i lwiny.

Isaya 14:29

Anyong’a kud unegi, E Filistia ceke, kum uluth m’ugoi tur; kum bunyo biwok kud i ulag thwol, man nyinge bibedo thwol mi mac ma ringo.

Yeremia 18:11

Ka kumeno kawono, yer ni dhanu mi Yuda, man ni ju m’ubedo i Yerusalem, wac kumae, Yehova wacu kumae: Nen, atheko lem ma rac i kumwu, man aporo lembapora i kumwu: wudwog kawono kubeng’wu kubeng’wu ng’atuman kud i yo pare ma rac, man wuyik yo mu ku giratima mu.

Yeremia 4:28

Pi maeni ng’om biywak, man polo ma malu bibedo col; kum ayero maeni, akeco maeni, e aloko cwinya ngo, kadi abilokra cen de ngo ni maeni.

Yeremia 40:3

e Yehova kele, man etimo calku lembe m’eyero: kum wudubo ni Yehova, man wuworo dwande ngo, e ka kumeno lembe maeni wok i kumwu.

Ywak 1:5

Jusend pare doko ni wie, lembe bedo miero ni judegine; Kum Yehova sende kum udul gondri pare: Nyithindho pare ma thindho gicidho i ng’eca i wang’ jasend.

Ywak 2:8

Yehova keco ya enyoth gang’kidi pa nya Sayuni; Erieyo thol, edolo cinge ngo ni nyoth; Eketho ka ma tek ku gang’kidi giywak; cwinygi dieng’ karacelo.

Ywak 3:43

Iumbri ku ng’ecwiny man iriemowa; inego, ngisi negi ngo.

Ywak 4:11

Yehova daru kwinyo pare, ekonjo ng’ecwiny pare ma lake tek woko, Man ecwinyo mac i Sayuni, m’uwang’u there.

Ezekiel 5:11

Kum kumeno, calu abedo kwo, Rwoth Yehova wacu, andha, kum icido kamaleng’ para ku gin ma rac peri ceke, man ku ginmajudagu peri ceke, ka kumeno abijigo wii bende; kadi wang’a de biweko ngo, man ngisi bende binega ngo.

Ezekiel 8:18

Ka kumeno an bende abitimo ku kwinyo; wang’a biweko ngo, kadok ngisi de binega ngo; man kadok giywak i itha ku dwandgi ma tek, ento abiwinjogi ngo.

Ezekiel 9:10

Man pi an bende, wang’a biweko ngo, kadok ngisi de binega ngo, ento abikelo yo migi i wigi.

Daniel 9:12

Man etimo lembe pare kakare, m’eyero i kumwa, man i kum jupoklembe mwa ma gipoko lembe i wiwa, ku kelo lembe ma’rac dit i wiwa; kum the polo ceke gin moko mbe m’utimbre calu m’utimbre kum Yerusalem.

Mika 2:3

Ka kumeno Yehova wacu kumeni, Nen, apido lembe ma rac kum juot maeni, ma wubikabu ng’utwu ngo kud i bang’e, kadok ku kuhaya de wubiwotho ngo; kum en e nindo ma rac.

Zefania 1:2

Abijigo wi gin ceke pet kud i wang’ ng’om, Yehova wacu.

Zekaria 1:6

Ento lembe para ku cik para, m’ang’olo ni jutic para ma jubila, ginwang’u kwaruwu ngo? man gilokri giwacu kumae, Calu i Yehova mir udul upido ya etim iwa, calku yo mwa, man calku giratima mwa, e etimo kumeca i bang’wa.