Ywak 2:14 - The Holy Bible In Alur (Lur) Revised Orthography

¹⁴ Jubila peri gineno iri ginmawokiwang’ mi ndra man mi kasegu; Man giyabu kier peri ngo, kara gidwok ng’eca peri, Ento giewo lembajoga mi ndra iri ku lembe mi dak.

Ywak 2:14 ပူးပေါင်းရင်းမြစ်များ

Isaya 58:1

Kok ma tek, kud ikwer, ting’ dwendi calu agwara, man iyer ni dhanu para pi gondri migi, man ni ot pa Yakobo pi dubo migi.

Yeremia 2:8

Julam upenjo ngo kumae, Yehova ni kaai? e ju ma timo cik de ging’eya ngo: jubim bende gidubo ira, man jubila giewo ni kum Bal, man gilubo tok gin ma kulokane mbe.

Yeremia 20:6

Man in, Pacur, ku dhanu ceke m’ubedo i ot peri wubicidho i ng’eca; e ibibino i Babeli, man ibitho kuca, jubiyiki de kuca, in, ku jurimbi ceke, m’iewo igi ku ndra.

Yeremia 23:22

Ento tek gicungo i lembapora para, kuno di giketho dhanu para winjo lembe para, man kuno di gilokogi kud i yo migi ma rac, man kud i dubo mi giratima migi.

Yeremia 23:36

E wubiwacu pi ewolembe pa Yehova kendo ngo: kum ku ba dhanu ku ba dhanu ng’atuman lembe pare ma dbe bibedo ewolembe pare; kum wuloko iembo pa Mungu ma kwo, pa Yehova mir udul ma Mungu mwa.

Yeremia 28:15

E jabila ma Yeremia lund uwacu ni Hanania ma jabila kumae, Kawono winji, Hanania: Yehova ori ngo; ento iketho dhanu maeni gigeno ndra.

Yeremia 29:21

Yehova mir udul, Mungu mir Israel, uwacu kumae pir Ahab ma wod Kolaya, man pi Zedekia ma wod Maseya, m’uewo ndra iwu ku nyinga; Nen, abimiogi i cing’ Nebukadrezar m’ubimo mi Babeli; e ebinegogi i weng’wu;

Yeremia 37:19

Kawono jubila mu m’uewo lembe iwu ni kani, m’uwacu kumae, Ubimo mi Babeli bibino i kumwu ngo, kadi i ng’om maeni?

Yeremia 5:31

jubila giewo ku ndra, man julam ubimo ni kum piny migi; e dhanu para gimaru ebed kumeno: e wubitimo ang’o i kajikne?

Ywak 4:13

En e kum dubo mi jubila pare, ku kier mi julam pare, M’ucwiro rimo mi ju ma pwe i kinde.

Ezekiel 13:22

Kum ku ndra wunyayu can i adunde ju ma pwe, m’aketho can uneggi ngo, man wumio tego ni cing’ jadubo, kara kud edwog kud i yo pare ma rac, man kud eboth ma kwo;

Ezekiel 22:25

Jubilane giripo lembe mi rop i kinde, calu umvor m’uberundo m’eyeco ko yec: gicamu ng’eyong’ec; gimaku piny m’akana ku gin ma pire tek; giketho mon ma coggi tho doko dupa i kinde,

Ezekiel 22:28

Man jubilane gifuyo pigi kud uza, ma gineno ko ginmawokiwang’ mi ndra, ku ewo girang’eya mi ndra igi, ma giwacu ko kumae, Rwoth Yehova wacu kumae, ma Yehova ke kuwacu ngo.

Ezekiel 23:36

Yehova wacu ira kendo kumae: Wod dhanu, ibipoko lembe wi Ohola kud Oholiba? ka kumeno yer igi ginmajudagu migi.

Hoseya 9:7

Ceng’ mi lieu wok; Israel bing’eyo maeni: jabila en e jakasegu, ng’atu ma won tipo en e abelu, kum sagri mi dubo peri, man kum adegi dit.

Mika 2:11

Tek dhanu m’ubewotho i tipo mi ndra cwayu ndra, ewacu kumae, Abiewo iri pi pigulok man pi giramadha ma lake tek; ebibedo jabila mi dhanu maeni.

Mika 3:8

Ento an, apong’ ku tego ku Tipo pa Yehova, man ku pokolembe, man ku tego, kara ayer ni Yakobo pi gondri pare, man ni Israel pi dubo pare.

Zefania 3:4

Jubila pare kitgi mbe man gi weg ambili; julam pare gicido kamaleng’, gigondo cik.