Ywak 1:6 - The Holy Bible In Alur (Lur) Revised Orthography

⁶ Man dwong’ pa nya Sayuni uweke ceke: Judongomawijo pare doko calu ruda ma nwang’u kacemo ngo. Man giringo ma tego mbe kugi i wang’ jariem.

Ywak 1:6 ပူးပေါင်းရင်းမြစ်များ

2 Ubimo 19:21

Maeni lembe ma Yehova yero pire: Nyasayuni ma sumba ucei man eng’ieri cil ma lewic umeki ko; Nyayerusalem uyengo wie i kumi.

2 Ubimo 25:4

Gilund gimoro adhurane, man dhanu mir ali ceke giringo ku diewor ku yo dhugang’ i kind gang’kidi ario, ma ni i ng’et podho p’ubimo (nwang’u Jukaldayo gibedo kum adhurane gbur); man ubimo cidho yo ba Araba.

2 Ubimo 25:5

Ento njuru asikari mi Jukaldayo gilubo tok ubimo, man girube i pambu mi Yeriko; e njuru asikari pare ceke gilal i kume.

Zaburi 50:2

Kud i Sayuni, ma en e leng’ ma njwa, Mungu rieny.

Zaburi 96:9

A wurwo ni Yehova i bero mi leng’: Kumwu miel i wang’e, wu ng’om ngung’.

Isaya 1:21

Adhura mandha doko ni won asara mire ma! en ma naka epong’ ku pokolembe mire! naka bedopwe gonjo i ie, ento kawono junek.

Isaya 12:6

Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Isaya 4:5

Man Yehova biewio afuru ku yiro ma ku dieceng’, man rieny mi lebmac ma ku diewor; wi kabedo dho mi got Sayuni, man wi cokri pare; kum jubipedho girauma wi dwong’ne ceke.

Yeremia 13:18

Wac ni ubirao ku min ubimo kumae, Wujwigri giwu, wubed piny kum giiatwia mu m’i wic ugonjie, en e jamkermiwic mi dwong’ mu.

Yeremia 29:4

Yehova mir udul, Mungu mir Israel, uwacu kumae ni ng’eca ceke, m’aketho juyaku ni ng’eca kud i Yerusalem ucidho Babeli:

Yeremia 47:3

Ni badwal mi nyon mir utweng jupare ma tek, ni cori mi magali pare, ni badwand ukobrene, wego gineno yor i ng’eigi ngo ba nyithindho migi ni ng’ic m’i cing’gi;

Yeremia 48:41

jumaku Kirioth, man jumaku ka ma tek, man adunde jurukara mi Moab i ceng’ maeca bibedo calu adunde dhaku i remokum pare.

Yeremia 52:11

Man eloyo wang’ Zedekia; man ubimo mi Babeli twic ku gwang’, man etere i Babeli, man ekethe i odkol cil i ceng’ mi tho pare.

Yeremia 52:13

Man ewang’u ot pa Yehova, ku ot p’ubimo, ku udi ceke mi Yerusalem, en e udi ma dongo kubang’e kubang’e, ewang’u ku mac.

Ezekiel 24:21

Yer ni ot mir Israel kumae, Rwoth Yehova wacu kumae: Nen, abicido kamaleng’ para, kuhaya mi tego mu, yeny ma weng’wu yenyo, man gin ma ngisi nego ng’eyong’ec mu i kume; e wotwu ku nyigwu ma wuweko yor i ng’eiwu bipodho ku palamularu.

Ezekiel 24:25

Man in, wod dhanu, ebibedo ngo i ceng’ m’akabu ie tego migi, kud anyong’a mi dwong’ migi, man yeny ma wang’gi yenyo, ku gin ma giketho cwinygi i kume, wotgi man nyiggi,

Poi Mi Cik 28:25

Yehova biketho jugoi i wang’ judegi peri; ibiwok i yo acel i wigi, man ibiringo i yo abiro i wang’gi: man jubikethi kun ku kun i kind thek ceke mi ng’om.

Poi Mi Cik 32:30

Ng’atu acel copo riemo rubanga nenedi, Man juario tugo rubanga apar ku ng’wec nenedi, Tek Cana migi ku ng’iewogi ngo, Man Yehova miogi ngo?