Ywak 1:3 - The Holy Bible In Alur (Lur) Revised Orthography

³ Yuda cidho i ng’eca kum masendi, man kum muli ku tic m’akeca; Ebedo kind thek, enwang’u yom ungo: Jusend pare ceke girube i ka ma diny.

Ywak 1:3 ပူးပေါင်းရင်းမြစ်များ

2 Ubimo 25:11

Man dong’ dhanu m’udong’ i adhura, ku ju m’upiei, m’umondo ni ubimo mi Babeli, ku dong udul dhanu, Nebuzaradan ma jego mi jukur uterogi ni ng’eca.

2 Ubimo 25:21

Man ubimo mi Babeli ugoyogi, man enegogi i Ribla i ng’om mi Hamath. Kum kumeno juyaku Yuda ni ng’eca kud i ng’om pare.

2 Ubimo 25:4

Gilund gimoro adhurane, man dhanu mir ali ceke giringo ku diewor ku yo dhugang’ i kind gang’kidi ario, ma ni i ng’et podho p’ubimo (nwang’u Jukaldayo gibedo kum adhurane gbur); man ubimo cidho yo ba Araba.

2 Ubimo 25:5

Ento njuru asikari mi Jukaldayo gilubo tok ubimo, man girube i pambu mi Yeriko; e njuru asikari pare ceke gilal i kume.

Yeremia 13:19

Adhura ma yor ariwa ma piny juciko, man ng’atu moko mbe ma yabugi: juyaku Yuda ni ng’eca, kare ceke; juyake dho ni ng’eca.

Yeremia 16:16

Nen, abilwong’o junam dupa, Yehova wacu, e gibijakugi; man yo ku ng’eye abilwong’o judwar dupa, man gibidwarugi ku ba gudi man ku bang’ ungulu gudi kubang’e kubang’e, man kud i odng’om m’i cana.

Yeremia 24:9

abimiogi kara juthorgi kun ku kun i kind thek ceke m’i ng’om mi lem ma rac; kara gibed mi cac man koi, mi lele man kwong’, i ka ceke m’ariemogi i ie.

Yeremia 39:9

Nebuzaradan ma jego mi jukur ulund uyaku dong’ dhanu m’udong’ i adhurane, eterogi i Babeli ni ng’eca, ju m’umondo bende m’upodho cen i bang’e, ku dong’ dhanu m’udong’.

Yeremia 52:15

Nebuzaradan ma jego mi jukur elund etero kind dhanu ma jucan ni ng’eca, man dong’ dhanu m’udong’ i adhurane, ku ju m’upodho cen, m’umondo ni ubimo mi Babeli, ku dong’ dhanu mir udul.

Yeremia 52:8

Ento njuru asikari mi Jukaldayo gilubo tok ubimo, man girubo Zedekia i pambu mi Yeriko; man njuru asikari pare ceke lal i kume.

Ywak 2:9

Dhugang’ pare mwony i ng’om; enyotho man eturo utwindine: Ubimo pare ku judongomawijo pare gini i kind thek ka ma cik umbe i ie; Eyo, jubila pare gineno ginmawokiwang’ ungo m’uai ba Yehova.

Ywak 4:15

Wuai, gikok i bang’gi, Leng’ ungo! wuai, wuai, kud wumul! Kinde ma giringo man giwiri, dhanu wacu kumae, i kind thek, Gibibedo keni kendo ngo.

Ywak 5:5

Juriemwa ni i ng’utwa: Waol man yom umbe iwa.

Ezekiel 5:12

Ng’eti mir adege bitho ku thong’om, man gibithum i kindi ku ndru; man ng’eti mir adege bipodho ku palamularu i ng’eti gbur; man ng’eti mir adege abiketho ba yamu ceke, man abiwodho palamularu i tokgi.

Poi Mi Cik 28:48

ka kumeno ibitimo ni judegini ma Yehova bioro i wii, ku kec, man ku rieu, man ku muneru, man ku canpiny mi gin ceke: e ebiketho mberembere mi nyunyu i ng’uti, cil m’enyothi ko.