Ywak 1:16 - The Holy Bible In Alur (Lur) Revised Orthography

¹⁶ Kum gin maeni aywak; wang’a, wang’a molo pi; Kum jajuk ma maku udwok ng’eyong’ec para ni bor kuda: Nyithindha gibedo kendgi, kum jadegi sagu.

Ywak 1:16 ပူးပေါင်းရင်းမြစ်များ

Zaburi 106:42

Judegi migi bende gisendogi, Man jujwigogi the cing’gi.

Zaburi 119:136

Kulo mi pi mol kud i wang’a, Kum giketho cwinygi ngo kum cik peri.

Zaburi 69:20

Cac uturo adundena; man lembe nura hai: Man aneno nyo jumoko bedo ku ngisi, ento jumoko mbe; Man pi jujuk, ento anwang’u moko ngo.

Eklizia 4:1

Alund adwogo man aneno masendi ceke ma jutimo the ceng’: man, nen, piwang’ mi wadi ju ma jusendogi, man jajuk moko mbe igi; man tego nuti yo ba jusend migi; ento jajuk moko mbe igi.

Isaya 54:11

E in ma jusendi, ma juting’i ku wavuvu, ma jujuki ngo, nen, abiketho kitpiny ma ber kum kidi peri, man abiketho thepiny peri ku kidi ma tek ma ie nen uluga.

Yeremia 13:17

Ento tek wubiwinjo maeni ngo, ng’eyong’ec para biywak mung’ mung’ pi kuhaya mu; man wang’a biywak hai, man ebimolo piwang’, kum juyaku udul pa Yehova.

Yeremia 14:17

Man ibiwacu lembe maeni igi kmnae, Wek wang’a mol piwang’ diewor ku dieceng’, man ku gicoki; kum nya dhanu para ma sumba tur ku tur ma dit, ku lero ma rac dit.

Yeremia 15:5

Kum ng’a ma kisa binege i kumi, E Yerusalemi? kadi ng’a ma biywegi? kadi ng’a ma bilokre cen kara epenj pi bedober peri?

Yeremia 8:18

A tek acopo jukra gira ni can! adundena voc yor i ia.

Yeremia 9:1

A tek wia bedo pi, man wang’a kulo mi piwang’, kara aywak dieceng’ ku diewor kum ju ma junego pa nya dhanu para mire!

Yeremia 9:10

Abimoc ywak ku goyonduru pi gudi, man awu pi kakwae m’i langa, kum giwang’ kot, ketho nia ng’atu moko kadhu ngo kud i ie; kadi dhanu de copo winjo dwand lim ungo; winyo ma kor polo ku yedi de giringo, gimbe.

Yeremia 9:21

Kum tho idho malu i wang’ udi mwa, emondo i udi ma beco mwa; kara ukab nyithindho ku woko, man awobi kud i gengi.

Ywak 1:2

Eywak hai ku diewor, man piwang’e ni wi limbe; Kind jumer pare ceke moko mbe m’ujuke: Jurimbe ceke gitimo kud abombi i kume; gidoko judegine.

Ywak 1:9

Cilo pare ni i kendi pare; epoi ungo kum kajik pare ma cen: Ka kumeno eloro piny ku wang’uic: jajuk pare mbe: E Yehova, nen masendi para; kum jadegi dodre gire.

Ywak 2:11

Wang’a ol ku piwang’, cwinya ng’abre; Cwiny mi kuma konjre woko wi ng’om, kum nyoth pa nya dhanu para, Kum ju ma nyithindho ku mukere givoc i gengi mir adhura.

Ywak 2:18

Adundegi lwong’o ba Rwoth: E gang’kidi pa nya Sayuni, wek piwang’ umol piny calu kulo ma dit dieceng’ ku diewor; Kud iyom giri; kud iwek nying weng’i ling’.

Hoseya 9:12

Kadok gitungo nyithindhgi, ento abimayugi, ketho nia ng’atu moko mbe ma bidong’; eyo, can i wigi bende kinde m’awekogi!