Ywak 1:11 - The Holy Bible In Alur (Lur) Revised Orthography

¹¹ Dhanu pare ceke gamu cwinygi, giyenyo kwen; Gimio gin ma ber migi pi cemo kara udwok cwinygi: Nen, E Yehova man ing’i; kum adoko ni gin ma jucayu.

Ywak 1:11 ပူးပေါင်းရင်းမြစ်များ

2 Ubimo 6:25

E ndru ma dit ni i Samaria: man, nen, gitieke kud ali, maram jumaku ng’iewo ko wi kana ku cekel mi mola ma tar pier abora, man ng’et mukero mir ang’wende mi weyo mir akuru mi cekel mi mola ma tar abic.

Kitabu Pa Yob 40:4

Nen, an a gin moko ngo; abiloko ang’o iri? Aketho cinga wi dhoga.

Zaburi 79:4

Wadoko ni cac ni judhugola mwa, Cac ku ng’iero ni ju m’utiekowa.

Yeremia 15:19

Ka kumeno Yehova wacu kumae, Tek idwogo, abilund keli kendo, kara icung i wang’a; man tek ikabu piny ma pire tek kud i piny ma ng’ic, ibibedo calu dhoga: gibidwogo i beng’i, ento ibidwogo i bang’gi ngo.

Yeremia 19:9

Man abiketho gicamu ring’kum wotgi ku ring’kum nyiggi; man kubang’gi kubang’gi ng’atuman bicamu ring’kum jarimbe, i atiek mir ali man i can, ma judegi migi, ku ju m’uyenyo kwo migi, gisendogi kudo.

Yeremia 38:9

Rwoth para m’ubimo, dhanu maeni gitimo rac i gin ceke ma gitimo kum Yeremia ma jabila, ma gibolo i vur; man emaru tho i ka m’eni i ie, kum ndru; kum kwen umbe i adhura.

Yeremia 52:6

I dwi mir ang’wende, i ceng’ mir abung’wende mi dwije, can cemo dit i adhurane, ketho nia kwen moko mbe ni dhanu m’i ng’ombe.

Ywak 1:8

Yerusalem udubo dit; ka kumeno edoko calu gin m’ucido; Dhanu ceke m’uyunge gicaye, kum gineno muneru pare: Eyo, egamu cwinye, man elokre cen.

Ywak 1:9

Cilo pare ni i kendi pare; epoi ungo kum kajik pare ma cen: Ka kumeno eloro piny ku wang’uic: jajuk pare mbe: E Yehova, nen masendi para; kum jadegi dodre gire.

Ywak 2:11

Wang’a ol ku piwang’, cwinya ng’abre; Cwiny mi kuma konjre woko wi ng’om, kum nyoth pa nya dhanu para, Kum ju ma nyithindho ku mukere givoc i gengi mir adhura.

Ywak 2:12

Giwacu ni meggi kumae, Cam ku pigulok ni kani? Kinde ma givoc calu ju m’unwang’u lero i gengi mir adhura, Kinde ma ng’eyong’ec migi konjre woko i kor meggi.

Ywak 2:20

Nen, E Yehova, man nen ng’a m’itimo kumeno i kume! Mon bicamu nying’gi, en e nyithindho ma juthang’u i cing’i? Jubinego jalam ku jabila i kamaleng’ pa Rwothi?

Ywak 5:1

Poi, E Yehova, pi gin m’uwok i kumwa: Ng’i man inen cac mwa.