Ywak 1:1 - The Holy Bible In Alur (Lur) Revised Orthography

¹ E adhura bedo kende, ma naka pong’ ku dhanu mire! Edoko calu dhaku ma cware tho, ma naka bedo dwong’ i kind thek mire! En ma naka e nyar ubimo i kind ng’etker edoko jami ajok mire!

Ywak 1:1 ပူးပေါင်းရင်းမြစ်များ

1 Ubimo 4:21

Man Suleman ubimo wi ker ceke ugambre Kulo cil kum ng’om mi Jufilisti, man kum kieu mi Misiri: gikelo ajok, man gitimo ni Suleman i nindo ceke mi kwo pare.

2 Ubimo 23:33

Man Farao-neko kethe i kol i Ribla i ng’om Hamath, kara kud ecam ker i Yerusalem; man egoyo ajok wi ng’ombe talanto mi mola ma tar dak acel, man talanto mi mola ma kwar acel.

2 Ubimo 23:35

Man Yehoiakim umio mola ma tar ku mola ma kwar ni Farao; ento ebolo ajok wi ng’om kara emi sente calku lembang’ola pa Farao: egamu mola ma tar ku mola ma kwar ba dhanu m’i ng’om ku ba dhanu ceke calkud ajok pare, kara emie ba Farao-neko.

2 Lemkei 9:26

Man ebimo wi ubimo ceke ugambre Kulo cil kum ng’om mi Jufilisti, man kum kieu mi Misiri.

Ezra 4:20

Naka ubimo ma tek de nuti wi Yerusalem, ma gibimo wi ng’om ceke loka Kulo; man ajok, ku jamng’om, ku piny, jumio igi.

Nehemia 5:4

Jumoko nuti bende m’uwacu kumae, Wagamu banja pir ajok p’ubimo, man waketho pothi mwa ku pothi mwa mir ulok ni mukwatu.

Nehemia 9:37

Man ecego nyinge dit ni ubimo m’iketho i wiwa kum dubo mwa: gibedo ku tego wi kumwa bende, man wi lim mwa, calu igi yenyo, e wani i lembarida.

Zaburi 122:4

Ka ma suru idho i ie, en e suru pa Yehova, Pi lembapoka ni Israel, Kara jufoi nying’ Yehova.

Isaya 14:12

Ipodho kud i polo, E cero mi dieceng’, wod kugweno mire ma! juredhi piny i ng’om, in ma naka iredho thek piny mire ma!

Isaya 22:2

E in m’ipong’ ku kok, adhura mi yakni, adhura mi mutoro; juperi ma junego junego ku palamularu ngo, kadok i ali de githo ngo.

Isaya 3:26

E dhugang’ pare biywak ku goyonduru; e jubidwoke ni uvuru man ebibedo wi ng’om.

Isaya 49:21

Ibilund wacu i adundeni kumae, Ng’a in’unyolo ira maeni, kum nyithindho para tho, man abedo a kenda, ng’atu ma judaku, m’abegondra kun ku kuni? man ng’a m’utungo maeni? Nen juweka a kenda; maeni, naka gini kani?

Isaya 50:5

Rwoth Yehova yabu itha, man ajai ungo, kadi alokra cen de ngo.

Isaya 52:2

Yengri giri ku i utur; ai, jany wi komker peri, E Yerusalem; gonjri giri kud i twic m’i ng’uti, E Nyasayuni ma ng’eca.

Isaya 52:7

Tiend ng’atu m’ukelo rwonglembe ma ber wi gudi ber mire ma, m’urieyo kwiocwiny, m’ukelo rwonglembe ma ber mi gin ma ber m’urieyo pi both, m’uwacu ni Sayuni kumae, Mungu peri camu ker mire!

Isaya 54:4

Lworo kud unegi; kum lewic binegi ngo: kadok cwinyi de kud ung’abre; kum jubinyayu lewic i wii ngo: kum wii biwil kum lewic mir aradu peri; man ibipoi kendo ngo pi cac mi bedo mbe co peri.

Yeremia 31:7

Kum Yehova wacu kumae, Wuwer ku mutoro pi Yakobo, man wukok pi jadit mi thek: wurwei lembe, wupak pak, man wuwac kumae, E Yehova, bodh dhanu peri, ma dong Israel.

Yeremia 40:9

Man Gedalia ma wod Ahikam ma wod Cafan, ukwong’o kwong’ igi man ni dhanu migi, ewacu kumae, Lworo timo ni Jukaldayo kud unegwu: wubed i ng’om, man wutim ni ubimo mi Babeli, e ebibedo ber iwu.

Yeremia 42:2

man giwacu ni Yeremia ma jabila kumae, Wakwei, wek kwac mwa thiere i weng’i, man ikwai iwa ba Yehova Mungu peri, en e pi dong’ dhanu maeni ceke (kum wadong’ nok ma naka wa dupa, calu weng’i benenowa),

Yeremia 44:2

Yehova mir udul, Mungu mir Israel, uwacu kumae: Wuneno lem ma rac ceke m’akelo wi Yerusalem, man wi adhura mi Yuda ceke; man, nen, tin gin uvuru, e ng’atu moko mbe m’ubedo i ie,

Yeremia 44:6

Kum kumeno kwinyo para ku ng’ecwiny para konjre woko, man ecwinjre i adhura mi Yuda man i gengi mi Yerusalem; e ginyothri gin uvuru, calu tin.

Yeremia 50:23

Nyondro mi ng’om yu ng’eny man etur mire! Babeli doko ni uvuru i kind thek mire!

Yeremia 9:11

Man abidwoko Yerusalem ni udhuru, ni kabedo mir utho; man abidwoko adhura mi Yuda ni uvuru, ma ng’atu moko mbe m’ubedo i ie.

Ywak 1:19

Alwong’o jumerna, ento gibomba: Julam para ku judongo para gimwonyo cwinygi i adhura, Kinde ma giyenyo cemo igi kara udwok ng’eyong’ec migi.

Ywak 2:1

E rwoth uumo nya Sayuni kud afuru i ng’ecwiny pare mire! Ebayu gin ma ber mir Israel piny i ng’om kud i polo, Man epoi ungo kum kom mi tiende i ceng’ mi ng’ecwiny pare.

Ywak 2:10

Judongo pa nya Sayuni bedo wi ng’om, gibedo ling’; Gikiro utur i wigi; gitwiri gigi ku gonia; Nyir ma ng’won mi Yerusalem gikulo wigi i ng’om.

Ywak 4:1

Mola ma kwar urieny ungo mire! mola ma kwar ma leng’ m’usagu lokre mire! Kidi mi kamaleng’ ukonjre woko i gengi kubang’e kubang’e.

Ywak 5:16

Jamkermiwic upodho kud i wiwa: Can i wiwa, kum wadubo!

Ezekiel 26:16

Judongomawijo ceke mi nam biloro piny ku wi komker migi, man gibiwanyu kendi migi cen, man gibiwanyu kendi migi ma juruko: gibironjri gigi ku mielkum; gibibedo wi ng’om, e kumgi bimiel ku ba kinde ma nyathigi, man igi biwang’ lii i kumi.

Ezekiel 26:2

Wod dhanu, kum Turo wacu kum Yerusalem kumae, Aha, etur ma naka e dhugang’ mi kodhidhanu; elokre i bang’a; abipong’, kawono kum judwoke ni uvuru:

Ezekiel 5:5

Rwoth Yehova wacu kumae: Maeni Yerusalem; akethci kind thek, man ng’om utieke gbur.

Lembe Mi Julawi 26:31

Man abidwoko adhura mu ni uvuru, abikelo kamaleng’ mu de ni nyoth, man abing’wio ng’wic mido mu ma ng’ar ungo.

Lembe Mi Julawi 26:33

E abikethowu i kind thek, man abirieyo palamularu i tokwu: man ng’om mu bibedo ni nyoth, adhura mu de bibedo ni uvuru.

Zefania 2:15

Maeni adhura mi mutoro ma paru lembe moko ngo, m’uwacu i adundene kumae, Anuti, man ng’atu moko mange mbe an a kenda: aka thwo dwok ma judwoke ko ni uvuru mire ma, kabedo mi yedi ma givuto i ie! ku ba dhanu ceke m’ukadhu kud i vute biewie, man ebiyengo cinge.

Lembanyutha 18:7

Wumi ire ndiba ku can kumeni ma rom ku yung m’eyungre ko, man dhetho mi yeny ma ie yenyo: kum ewacu yo i adundene kumae, Abedo ubimo ma dhaku, man an a dhaku ma cwara tho ngo, man abineno can ki ngo.