Yuda 1:25 - The Holy Bible In Alur (Lur) Revised Orthography

²⁵ ni Mungu m’e kende ma Jalar mwa, ni kum Yesu Kristu ma Rwoth mwa, ire yung, ku dwong’, ku kero man tego, m’ugambre por con, kawono de, man cil rondo ku rondo. Amen.

Yuda 1:25 ပူးပေါင်းရင်းမြစ်များ

I Lemkei 29:11

E Yehova, dit, man tego, man yung, man aloci, ku dwong’ en e peri: kum gin ceke ma ni i polo ku ma ni i ng’om en e peri; ker en e peri, E Yehova, man judodi calu wie wi gin ceke.

Zaburi 104:24

E Yehova, tic peri ku diti! Itimogi ceke ku rieko: Ng’om upong’ ku giracwia peri.

Zaburi 147:5

Rwoth mwa e dwong’, man e tek i tego; Man ng’eyothelembe pare mukerone mbe.

Zaburi 78:20

Nen, egoyo cana, ketho pi thwogre woko, Man kulo pong’ hau; Ecopo mio kwen bende? Ebimio ring’o ni dhanu pare?

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 45:21

Wuyer, man wuwodhe woko; eyo, wek gipor lembe karacelo: ng’a m’unyutho maeni ugambre i nindo ma coni? ng’a m’uyero maeni ugambre coni? an ungo, Yehova? man Mungu mange mbe m’umeda, Mungu ma pwe man Jalar; ng’atu moko mbe m’umeda.

Daniel 4:37

Kawono, an a Nebukadnezar, apaku man afoyo man ayungo Ubimo m’i polo; kum tic pare ceke en e andha, man yo pare pwe; e ju m’uwotho ku kuhaya ecopo jwigo.

Matayo 6:13

Kud iterwa i abidhe, ento ilarwa ni ng’atu ma rac.

Luka 1:47

Man anyong’a nego cwinya kum Mungu Jalarna.

Yohana 4:22

Wurwo ni gin ma wung’eyo ngo: wan re warwo ni gin ma wang’eyo; kum both uai ba Juyahudi.

Yohana 5:44

Wucopo yio nenedi ma wujolo dwong’ ng’atuman ba wadi man ba wadi, man wuyenyo dwong’ ungo m’uai ba Mungu m’e kende?

Jurumi 11:33

Ei karamb thuth mi lonyo mi rieko ku ng’eyong’ec pa Mungu mire ma! karamb pokolembe pare ma yenjre ngo, man yo pare de ma lure ngo!

Jurumi 11:36

Kum gin ceke ai i bang’e, man ni kume, man ire. Dwong’ ma rondo ku rondo ubed ire. Amen.

Jurumi 16:27

ni Mungu ma riek e kende, ni kum Yesu Kristu, dwong’ ma rondo ku rondo ubed ire. Amen.

Juefeso 1:8

m’eketho usagre i bang’wa i rieko ceke ku riu de,

Juefeso 3:10

kara kwond rieko pa Mungu ma dupa ung’eire kawono ni ker man tego i ka mi polo ni kum kanisa,

Juefeso 3:21

dong’ dwong’ ma i kanisa ku ma i Kristu Yesu ubed ire cil ku dhanum’utuk ceke rondo ku rondo de. Amen.

1 Timoteo 1:17

Nie dong’ yung ku dwong’ bende ubed ni Ubimo rondo ku rondo, m’etho ngo, m’enen ungo, m’e Mungu e kende, rondo ku rondo. Amen.

1 Timoteo 2:3

Maeni e ber eyire de i wang’ Mungu ma Jalar mwa;

Tito 2:10

ku gibed ma cing’gi boco, ento ginyuth mandha ma ber ceke; kara giruk lemponji pa Mungu ma Jalar mwa i gin ceke.

Tito 2:13

ma wabekio ko genogen mi mugisa man nyuth mi dwong’ pa Mungu ma dit ma Jalar mwa Yesu Kristu;

Tito 3:4

Ento ka bedober pa Mungu Jalar mwa, man mer pare m’emaru ko dhanu, uwoki,

Juebrania 13:8

Yesu Kristu bedo calacel nyaworo ku tinuni, man rondo ku rondo de.

1 Petro 4:11

tek ng’atu moko yero, eyer calu en e wec pa Mungu; tek ng’atu moko timo, etim calu mi tego ma Mungu mio: kara juyung Mungu i gin ceke ni kum Yesu Kristu, ma dwong’ ku kero ubedo pare rondo ku rondo. Amen.

2 Petro 1:1

Simon Petro, jamiru man jakwenda pa Yesu Kristu, ni ju ma ginwang’u yioyic ma calacel ma pire tek karacelo kudwa i bedopwe pa Mungu mwa man Jalar Yesu Kristu:

2 Petro 3:18

Ento wudong i bero ku ng’eyong’ec pa Rwoth mwa man Jalar Yesu Kristu. Dwong’ ubed ire kawono man rondo ku rondo. Amen.

Lembanyutha 1:6

man eketho wabed ni ker, julam ni Mungu pare man Won; dwong’ ku kero bed ire rondo ku rondo. Amen.