Yuda 1:24 - The Holy Bible In Alur (Lur) Revised Orthography

²⁴ Nie ni ng’atu ma copo kurowu kara kud wukier, m’ecopo kethowu wang’ dwong’ pare ma lembe mbe i wiwu i mutoro ma dit,

Yuda 1:24 ပူးပေါင်းရင်းမြစ်များ

Zaburi 21:6

Kum iketho mugisa m’usagu ukwanye mi nja; Inyayu mutoro i ie ku mutoro mi weng’i.

Zaburi 43:4

Abilund cidho ba pemblam pa Mungu, Ba Mungu ma mutoro para ma dit; Man abipeki kud adungu, E Mungu, Munguna.

Lembe Mi Julawi 14:11

E jalam m’udwoke leng’ biketho ng’atu ma jubidwoke leng’, ku gin maeno, i wang’ Yehova, i dhugola mi hema mi cokri.

Matayo 16:27

Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare.

Matayo 19:28

E Yesu wacu igi kumae, Andha awacu iwu, Nia wun ma wulubo ng’eya, i nyol ma nyen ka Wod dhanu bijany wi komker mi dwong’ pare, wun bende wubijany wi komker apar wi ario, ma wupoko ko lembe ni suru apar wi ario mir Israel.

Matayo 25:31

Ento ka Wod dhanu bibino i dwong’ pare, ku malaika ceke gikugi, ebilund jany wi komker mi dwong’ pare:

Matayo 5:12

Anyong’a negwu, ku mutoro ma dit de: kum sukulia mu e dit i polo: kum ginyayu ragedo kum jubila m’ular uwok iwu bende.

Luka 9:26

Kum ng’atu ma tek lewic binege i kuma kum lembe para de, Wod dhanu de lewic binege i kume, kan ebino i dwong’ pare, ku dwong’ pa Wego, ku mi malaika maleng’.

Jurumi 14:4

In i ng’a m’ipoko lembe wi jatic pa ng’atu mange e? ni Rwoth pare gire ecungo kadi epodho. Eyo, jubiketho ecungo: kum Rwoth tego pare nuti m’eketho ecungo ko.

Jurumi 8:31

Wabilund yero ang’o kum gin maeni? Tek Mungu en e jabang’wa, ng’a ke ma goyo kore i kumwa?

2 Jukorinto 11:2

Kum ngiri benega piwu en e ngiri ma ayi Mungu ni i kume: kum adhumowu ni nico acel, kara aterwu ni Kristu calu nyaku ma leng’ ma sumba.

2 Jukorinto 4:14

ma wang’eyo ko nia ng’atu m’uketho Rwoth Yesu cer ebiketho wacer bende karacelo ku Yesu, man ebiketho wa i wang’e wakudu.

2 Jukorinto 4:17

Kum can mwa ma yot, ma nyagwil, etimo iwa ter mi dwong’ ma nja ku nja ma sagu dit apila;

Juefeso 3:20

Nie ni ng’atu m’ecopo timo dit apila ma sagu gin ceke ma wapenjo kadi ma wapido pire, calku tego m’ubetimbre i iwa,

Juefeso 5:27

kara ethier ire gire kanisa ma en e dwong’, ma poyo de mbe kadi bel de mbe kadok wagi gin ma kumeno de; ento kara ebed leng’ ma mulima de mbe.

Jukolosai 1:22

ento kawono re dong’ ekwiowu i kum mi ring’kume ni kum tho, kara ethierwu i wang’e gire ma wu leng’ ma poyo de mbe adote de mbe:

Jukolosai 1:28

ma wayero pire, wacikujuko ko dhanu kubang’gi kubang’gi man waeikuponjo ko dhanu kubang’gi kubang’gi i rieko ceke, kara wathier dhanu kubang’gi kubang’gi ma gibedo ndhu cu i Kristu;

Jukolosai 3:4

Ka Kristu, ma kwo mwa, binyuthre, e wun bende wubilund nyuthru wukugi i dwong’.

2 Timoteo 4:18

Man Rwoth bibodha ni tic ma rac ceke, man ebigwoka cil i ker pare m’i polo: dwong’ ubed ire rondo ku rondo. Amen.

Yakobo 2:10

Kum ng’atu ma tek biworo cik kpo, e kan acel ukier ire, meca edoko jadubo mi cik kpo.

1 Petro 4:13

ento kum wu jurib mi sendri pa Kristu, anyong’a negwu; kara i nyuth mi dwong’ pare bende anyong’a negwu kud anyong’a ma dit apila.

2 Petro 1:10

Kum kumeno, umego, wutim kud amora m’usagu kara wuketh lwong’o mu ku goyo nyingwu cung tek: kum tek wutimo gin maeni, wubikier ki ngo:

Yuda 1:21

wukuru giwu i mer pa Mungu, ma wubekio ko kisa pa Rwoth mwa Yesu Kristu ni kwo ma rondo ku rondo.

Lembanyutha 14:5

Man junwang’u ndra ngo i dhoggi: lembe de mbe i wigi.