Yuda 1:20 - The Holy Bible In Alur (Lur) Revised Orthography

²⁰ Ento wun, jumer, ma wugombru giwu wi yioyic mu ma leng’ kwe, ma wuberwo ko i Tipo Maleng’,

Yuda 1:20 ပူးပေါင်းရင်းမြစ်များ

Zekaria 12:10

Man abikonjo tipo mi bero ku kwac wi ot pa Daudi, man wi ju m’ubedo i Yerusalem; man gibineno i bang’a ma gicobo; e gibiywak pire, calu ng’atu ma ywak pi wode ma kulong’, man can binegogi pire, calu ng’atu ma can nego pi kayu pare.

Tic Mi Jukwenda 15:9

man ekoyowa tung’ wakugi ngo, elonyo adundegi de ni kum yioyic.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Tic Mi Jukwenda 6:7

E lembe pa Mungu nyai: wel mi julub de medre dit apila i Yerusalem; udul julam de giworo yic nini.

Tic Mi Jukwenda 9:31

Ka kumeno kanisa m’i ng’om ceke mi Yahudi ku mi Galilaya man Samaria de gibedo ma cwinygi kwio, e giteng’ni; e ka gibewotho i lworo pa Rwoth man i jukojuk pa Tipo Maleng’, gimedri.

Jurumi 15:2

Ku ba dhanu ceke m’i kindwa dong’ ng’atuman unyai mutoro i wadi pi maeno m’e ber, mi teng’oteng’.

Jurumi 8:15

Kum wujolo tipo mi ng’eca kendo ngo ni lworo, ento wujolo tipo mi dwok ma judwoko kowu ni nyithindho, ma walwong’o ko kumae, Abba, Vwa.

1 Jukorinto 1:8

m’ebiketho wunyang’ bende cil i kajikne, kara lembe bed umbe i wiwu i ceng’ pa Rwoth mwa Yesu Kristu.

1 Jukorinto 10:23

Cik uyio gin ceke; ento gin ceke ber ungo ya jutim. Cik uyio gin ceke; ento gin ceke teng’o jo ngo.

1 Jukorinto 14:15

Ka nenedi ke? Abirwo ku cwinya, man abirwo ku ng’eyong’ec bende: man abiwero wer ku cwinya, abiwero wer de ku ng’eyong’ec bende.

1 Jukorinto 14:26

Ka ke ang’o, umego? Ka wucokru karacelo, kubeng’wu kubeng’wu ng’atuman ubedo ku zaburi, ubedo ku lem ponji, ubedo ku lembanyutha, ubedo ku dhok ma tung’, ubedo ku lok ma juloko ko dhokne. Dong’ jutim gin ceke mi teng’oteng’.

Jugalatia 4:6

Man kum wubedo wote, Mungu oro Tipo pa Wode i adundewa, m’uywak kumae, Abba, Vwa.

Juefeso 4:12

pi teng’ni mi jumaleng’ ni tic mi timotim, ni gomogom mi kum kanisa:

Juefeso 4:16

kud i bang’e kum dho moko karacelo man eribre ber ni kum maeno ma ujonje ceke kelo calku timo mi mukero mi wathkum kubang’gi kubang’gi, uketho kum unyai ni gomogom gire i mer.

Juefeso 4:29

Dong’ sosiwec kud uai kud i dhogwu, ento wagi wec ma calu e ber pi teng’oteng’ calu cande bedo, kara emi bero ni ju m’uwinjo.

Juefeso 6:18

ku rwo man kwayukwac ceke ma wuberwo ko ku ba nindo ceke i Tipo, ma wubekuro bang’e awe, ku kwayu kwac de pi jumaleng’ ceke,

Jukolosai 2:7

ma ulegwu nyang’ ma wugombru de i ie, ma wunyang’ i yioyic mu de, cil calu juponjowu, ma wusegru ko i foyofoc bende.

1 Jutesaloniki 5:11

Kum kumeno dong’ wujukxu, man wutengru, cil calu wubetimo bende.

1 Timoteo 1:4

kadi ku giwinj lembuda man kathekdhanu ma thum ungo, ma nyayu penji mi piem re, ma sagu kuro lembe pa Mungu ma jukuro i yioyic.

2 Timoteo 1:5

m’apoi ko pi yioyic ma abombi mbe i ie ma ni ii; m’ular ubedo i wang’u ma Lois, man i meru ma Eunike; man, ang’eyo andhandha ya eni ii bende.

Tito 1:1

Paolo, jamiru pa Mungu, man jakwenda pa Yesu Kristu calku yioyic mi ju ma Mungu goyo nying’gi, man ng’eyong’ec mi lemandha ma en e calku bedo ma ayi Mungu ni i kume,

Yakobo 2:22

Ineno ngo ya yioyic utimbre ku tic pare, man ku tic yioyic udoko ndhu cu?

2 Petro 1:1

Simon Petro, jamiru man jakwenda pa Yesu Kristu, ni ju ma ginwang’u yioyic ma calacel ma pire tek karacelo kudwa i bedopwe pa Mungu mwa man Jalar Yesu Kristu:

1 Yohana 5:4

Kum gin ma tek Mungu nyolo eloyo ng’om: man maeni en e aloci m’uloyo ng’om, en e yioyic mwa.

Yuda 1:3

Jumer, kinde m’abeponjo k’amora ya agor iwu pi both mwa ma wan ceke waribra i ie karacelo, e ia wacu ya akoagor iwu be m’abethoko kowu ya wuii aiia pi yioyic ma jumio wang’ acel pii ni jumaleng’.

Lembanyutha 13:10

Tek ng’atu moko en e jathebkol, e ecidho i kol: tek ng’atu moko binego ku palamularu, en de jubikonege be ku palamularu. Twiocwiny ku yioyic mi jumaleng’ ni keni.