Yuda 1:16 - The Holy Bible In Alur (Lur) Revised Orthography

¹⁶ Joni gi jung’ur, gi jupir, ma gilubo tok awanya migi ma rac (ma dhoggi yero lembe ma dit ma yenyo) ma dhanu bedo tung’ tung’ i wang’gi ni kum kuloka.

Yuda 1:16 ပူးပေါင်းရင်းမြစ်များ

Kitabu Pa Yob 32:21

Akwayuwu, kud wuyi anen wang’ dhanu; Kadok nying’ mi pak mananu de abimio ngo ni ng’atu moko.

Kitabu Pa Yob 34:19

M’uneno wang’ judongomawijo ngo, Kadi m’uneno ba julonyo ngo ma sagu jucan; Kum gin ceke gi tic mi cinge.

Zaburi 106:25

Ento ging’ur i hema migi, Man gi winjo dwand Yehova ngo.

Zaburi 15:4

I wang’e ng’atu ma rac jujwige, Ento m’eyungo ju ma lworo Yehova; Ng’atu ma kwong’o kwong’ ma time rac, man elokre ngo;

Zaburi 17:10

Gitwio adundegi: Giyero kuhaya ku dhoggi.

Zaburi 73:8

Gicayu cac, man giweco lembe ma rac mi dim: Giweco lembe mi tingri.

Lembrieko 28:21

Bedo tung’ tung’ i wang’ jo e ber ungo; Kum dhanu bikier pi ng’et kwen.

Isaya 29:24

Ju m’ukier i tipo bende gibitundo ba ng’eyong’ec, man ju m’ung’ur bijolo ponji.

Lembe Mi Julawi 19:15

Kud wutim gondri i lembapoka: kud inen wang’ jacan ber, kadi kud iyung wang’ ng’atu ma jatego; ento ipok lembe pa wedu pwe.

Kitabu Mir Ang’wende Pa Musa Wel 14:36

Man dhanu, ma Musa oro nilibo, ng’ombe, m’udwogo man giketho udul ceke ging’ur i kume, ku kelo rwonglembe ma rac pi ng’ombe,

Kitabu Mir Ang’wende Pa Musa Wel 16:11

Ka kumeno in ku njuru dhanu peri ceke wucokru karacelo wi Yehova: man Harun, en e ng’a ma wung’ur i kume?

Kitabu Mir Ang’wende Pa Musa Wel 16:41

Ento urwone udul ceke mi nyithindho mir Israel, ging’ur kum Musa man kum Harun, giwacu kumae, Wunego dhanu pa Yehova.

Luka 15:2

Man Jufarisayo ku jugorcik ging’ur, giwacu kumae, Ng’atuni jolo judubo, ecamu kugi de.

Luka 19:7

Ka gineno maeni, kagi ceke ging’ur, giwacu kumae, Emondo nibedo ku ng’atu ma jadubo.

Luka 5:30

Jufarisayo ku jugorcik ging’ur kum julubne, giwacu kumae, Wucamu wumadhu de ku weg ajok man judubo nedi?

Yohana 6:41

Ka kumeno Juyahudi ging’ur i kume, kum ewacu kumae, An a kwen m’uai i polo loro piny.

Yohana 6:61

Ento Yesu m’ung’eyo i ie gire ya julubne ging’ur kum maeni, ewacu igi kumae, Maeni ketho wukieri?

1 Jukorinto 10:10

Kadi kud wung’ur calu jumoko m’i kindgi ging’ur, man githo ni janyoth piny.

Jugalatia 5:16

Ento awacu kumae, Wuwoth ku Tipo, e wubiketho awanya ma rac mi kum timbre kakare ngo.

Jugalatia 5:24

Man ju ma gi pa Kristu Yesu giguro kum kud avane man awanya ma racne de kor yen m’athara.

Poi Mi Cik 1:27

e wung’ur i hema mu, man wuwacu kumae, Kum Yehova daguwa, ketho ewodhowa woko kud i ng’om Misiri, kara emiwa i cing’ Juamori, ginyothwa.

Jufilipi 2:14

Wutim gin ceke umbe ng’ ur umbe piem de;

1 Jutesaloniki 4:5

i ayiri mir awanya ma rac ungo, cil calu Thekdhanumange ma kung’eyo Mungu ngo;

1 Timoteo 6:5

ku dhau mi dhanu ma rieko migi nyothre ma gimbe ku lemandha, ma giwacu nyo bedo ma ayi Mungu ni kume en e yoj kuloka.

2 Timoteo 4:3

Kum rundi biwok ma gibiciro ie ponji ma alili ngo; ento, gi ju ma ithgi woi swa kum lembe, gibicoko juponji i bang’gi gigi ma awanya ma rac migi cal cal;

1 Petro 1:14

calu nyithindho mi woro, kud wuporu giwu kud awanya ma rac mu ma kwong’a mi cobo mu;

1 Petro 2:11

Jumer, akwayuwu calu jubedo man juwoth, ya wuceru ni awanya ma rac mi kum, ma kiedo kum ng’eyong’ec;

1 Petro 4:2

kara ugambre kawono i dong nindo m’udong’ kud wukwo i kum kud awanya ma rac mi dhanu, ento ku yeny ma Mungu yenyo.

2 Petro 2:10

ento ma sagu ju m’ulubo tok kum i awanya ma rac mir acidi, man m’ucayu kero. Ju ma wigi tek, m’udhuko, ma lworo cayu weg dwong’ negogi ngo:

2 Petro 2:18

Kum, ma gibeweco thwo lembe m’uyenyo ma kite mbe, gibidho ju m’umaku ringo ju m’ubedo i kier kud awanya ma rac mi kum ni kum tarwang’;

2 Petro 3:3

ma wung’eyo ko maeni, nia jucac gibibino ku cac i acokaceng’, ma gibelubo tok awanya migi ma rac,

Yuda 1:15

nipoko lembe wi ceke, man nipoko lembe wi ju ma ayi Mungu mbe kugi ceke kum tic migi ceke ma ayi Mungu mbe i kume, ma gitimo ma ayi Mungu mbe ko, man pi gin ma tek ceke ma judubo ma ayi Mungu mbe i kumgi giyero pire.

Yuda 1:18

ya giwacu iwu kumae, I dong nindo jucac bibedo nuti ma gibewotho ku lubo tok awanya migi ma rac ma ayi Mungu mbe i ie.