Yuda 1:15 - The Holy Bible In Alur (Lur) Revised Orthography

¹⁵ nipoko lembe wi ceke, man nipoko lembe wi ju ma ayi Mungu mbe kugi ceke kum tic migi ceke ma ayi Mungu mbe i kume, ma gitimo ma ayi Mungu mbe ko, man pi gin ma tek ceke ma judubo ma ayi Mungu mbe i kumgi giyero pire.

Yuda 1:15 ပူးပေါင်းရင်းမြစ်များ

Zaburi 139:20

Kum giyero rac i kumi, Man judegi peri giyero nyingi mananu.

Zaburi 149:9

Kara utim lembapoka m’ubedo agora i wigi: Jumaleng’ pare ceke gibedo ku yung maeni. Wupak Yehova.

Zaburi 31:18

Wek dendhok mi ndra ubed ajuba, Ma yero lem ma tek kum weg bedopwe, Ku kuhaya man cac.

Zaburi 37:6

Man ebiwodho bedopwe peri calu der, Man pokolembe peri calu dieceng’.

Zaburi 73:9

Giketho dhoggi i polo, Man lebgi wotho kud i ng’om.

Zaburi 94:4

Gilulo, giyero ku tingri: Jutimkier ceke giluli gigi.

Zaburi 98:9

wang’ Yehova; kum ebino nipoko lembe mi ng’om. Ebipoko lembe mi piny ku bedopwe, Man kodhidhanu ku lem m’atira.

Ai 16:8

E Musa wacu kumae, Maeni bibedo, kinde ma Yehova bimio ring’o uthieno wucam, man kwen kugweno wuyeng’ ko; kum Yehova winjo ng’ur mu ma wung’ur ko i kume: man wan wa ng’a? ng’ur mu en e i kumwa ngo, ento i kum Yehova.

Eklizia 11:9

Anyong’a negi, E jalawobi, i aradu peri, man wek adundeni nyai anyong’a ii i nindo mir awobi peri, man iwoth i yo mir adundeni, man i nenopiny mi weng’i; ento ing’ei, nia Mungu biboli i pokolembe pi gin maeni ceke.

Eklizia 12:14

Kum Mungu bikelo kwai tic ceke i titi, ku gin m’ubedo amung’a ceke kubang’e kubang’e, tek ebedo ber, kadi tek ebedo rac.

Ezekiel 35:13

Man wutingru giwu i kuma ku dhogwu, man wumedo lembe mu i kuma: awinjo maeni.

Daniel 11:36

Man ubimo bitimo calu ie yenyo; man ebiyungre gire, man ebikethre dwong’ wi mungu kubang’gi ceke, man ebiyero lembe ma wang’uic kum Mungu mi mungu; man lembe pare bibedo miero cil ma ng’ecwiny bithum ko; kum maeno m’ukethre ebitimbre.

Daniel 7:20

man pi tunge apar ma ni i wie, man tunge mange m’uidho malu, ma adek de podho i wang’e, cil tunge maeno m’ubedo ku wang’e, ku dhoge m’uyero gin ma dit, ma nenne dit ma sagu juwagi.

Yohana 5:27

man emio ire ng’ol m’etim ko lembapoka, kum en e Wod dhanu.

Tic Mi Jukwenda 17:31

kum eketho ceng’ m’ebipoko ie lembe mi ng’om i bedopwe ku ng’atu m’eketho: kum maeni emio gin ma ketho kwiocwiny ni dhanu ceke, kum eketho ecer ku kind ju m’utho.

Jurumi 14:10

Ento in, ipoko lembe wi umeru pirang’o? kadi in kendo, icayu umeru pirang’o? kum kawa ceke wabicungo nyim kom mi pokolembe pa Mungu.

Jurumi 2:16

i ceng’ ma Mungu bipoko lembe wi lembamung’a mi dhanu, calku lembanyong’a para ma juboth ko, ni kum Yesu Kristu.

Jurumi 2:5

Ento ku lubo adundeni ma nwang’ ma lokre ngo ikanu kwinyo iri giri i ceng’ mi kwinyo ku nyuthonyuth mi pokolembe ma pwe pa Mungu:

1 Jukorinto 4:5

Kum kumeno kud wupok lembe moko ma fodi nindone kutundo ngo, cil ma Rwoth biwok ko, m’ebiwodho gin m’i mudho m’upondo uwok i der, man ke ebinyutho lembapora mir adunde; e ku ba dhanu ku ba dhanu man bilund bedo ku pak pare m’uai ba Mungu.

1 Jukorinto 5:13

Ento ju ma gini woko re Mungu poko lembe migi en. Dong’ wukab jadubo nino woko kud i kindwu.

1 Timoteo 1:9

ma wang’eyo ko lembe nini, ya cik juciko ni ng’atu ma pwe ngo, ento ni ju ma juco, ku ju ma giwor ungo, man ni ju ma ayi Mungu mbe i kumgi, ku judubo bende, ni ju ma leng’ ungo, ku ju ma yero lembacidi, man ni ju ma nego wego, ku ju ma nego mego, ni ju ma nego nek,

Yuda 1:16

Joni gi jung’ur, gi jupir, ma gilubo tok awanya migi ma rac (ma dhoggi yero lembe ma dit ma yenyo) ma dhanu bedo tung’ tung’ i wang’gi ni kum kuloka.

Lembanyutha 13:11

Man aneno yedi mange ai i ng’om uidho malu; tunge ario calu pa nyathi rombo, man eweco calu ng’ec.

Lembanyutha 22:20

Ng’atu m’utuco gin maeni wacu kumae, Eyo, abino pio. Amen. Bin Rwoth Yesu.

1 Samwil 2:3

Kud wuwec ku kuhaya m’apila kumeno kendo; Kud wuwek tingri wok woko kud i dhogwu; Kum Yehova en e Mungu mi ng’eyong’ec, Man tic pore ni kume.