Yohana 9:1 - The Holy Bible In Alur (Lur) Revised Orthography

¹ Kan ebekadhu, eneno ng’atu ma wang’e cor ugambre i kanyol pare.

Yohana 9:1 ပူးပေါင်းရင်းမြစ်များ

Isaya 35:5

E wang’ abinga bilund yabre, man ith udhing’ bilund yabre.

Matayo 20:30

Man nen, dhanu ario ma abinga gibedo dhu yo, ka giwinjo nia Yesu bekadhu, gikok akoka, giwacu kumae Rwoth, bed ku kisa i kumwa, in i wod Daudi.

Matayo 9:27

E ka Yesu ai ku kakeca, dhanu ario m’abinga gilubo ng’eye, gikok akoka, giwacu kumae, Bed ku kisa i kumwa, in i wod Daudi.

Marko 9:21

E epenjo won kumae, Gin maeni make ugambre awene? Man ewacu ire kumae, Ma fodi e nyathin.

Luka 8:43

Dhaku m’ubedo rundi apar wi ario ku tho ma rimo mol ko dit i kume, m’emio ceke m’etungre kudo ba jukeikum, man acel de mbe ma copo keyo kume,

Yohana 5:5

Nwang’u ng’atu acel nuti keca, m’ebedo ku mulima rundi pier adek wi abora.

Yohana 8:59

Gilund giting’o kidi nik gicanye ko: ento Yesu pale gire, man ewok ku i hekalu.

Yohana 9:2

Man julubne gipenje, giwacu kumae, Japonji, ng’a m’udubo, ng’atuni, kadi junyodo pare, ketho junyole ma wang’e cori?

Tic Mi Jukwenda 14:8

Nwang’u ng’atu moko bedo i Lustra, ma won abala i tiende, abalane gambre kud i min, ma fokewotho ki ngo.

Tic Mi Jukwenda 28:4

Ka dhanu ma saine gineno yedi m’uliere kum cinge, giwacu gigi kumae, Kuno nyo ng’atuni en e janek, ma, kadok eboth kud i nam, ento Pokolembe ma pwe weke ngo ebed kwo.

Tic Mi Jukwenda 4:22

Kum ng’atu ma musana mi kum acanga timbre i kume, nwang’u rundi pare sagu pier ang’wen.

Tic Mi Jukwenda 9:33

Enwang’u ng’atu acel keca ma nyinge Ainea, m’uvuto ru avuta doko rundi abora; kum kume tho nding’.