Yohana 6:57 - The Holy Bible In Alur (Lur) Revised Orthography

⁵⁷ Calu Wego ma kwo ora, man abedo de ni kum Wego; kumeno ng’atu m’ucama en bende ebibedo ni kuma.

Yohana 6:57 ပူးပေါင်းရင်းမြစ်များ

Zaburi 18:46

Yehova bedo kwo; man mugisa bed wi cana para; Man dwong’ ubed ni Mungu mi both para,

Yeremia 10:10

Ento Yehova en e Mungu mandha; en e Mungu ma kwo, man Ubimo mi nja: ng’om yengre ni kwinyo pare, man thek copo ciro ng’ecwiny pare ngo.

Matayo 16:16

E Simon Petro loko lembe ewacu kumae, In i Kristu, Wod Mungu ma kwo.

Yohana 14:19

Fodi nyanok, e ng’om binena kendo ngo; ento wun wunena: kum abedo kwo, wun bende wubibedo kwo.

Yohana 14:6

Yesu wacu ire kumae, An a yo ku lemandha, ku kwo de: Ng’atu acel de mbe ma bino ba Wego, ndhu ni kuma re.

Yohana 17:21

kara gin ceke gibed acel; cil calu in, Vwa, ini i ia, an de ani ii, kara gin de gibed i iwa: kara ng’om uyi nia iora.

Yohana 3:17

Kum Mungu oro Wode i ng’om ungo ya upok lembe m’i ng’om rac; endre kara ng’om uboth ni kume.

Yohana 5:26

Kum calu Wego bedo ku kwo i ie gire, cil kumeno emio ni Wod bende ku kwo i ie gire:

Yohana 6:29

Yesu loko lembe ewacu igi kumae, Maeni tic pa Mungu ya wuyi ng’atu m’eoro.

Yohana 6:38

Kum aloro kud i polo piny, nitimo yeny ma ia yenyo an ungo, ento yeny ma i ng’atu m’uora yenyo re.

1 Jukorinto 15:22

Kum calu i Adamu dhanu ceke tho, e kumeno bende i Kristu dhanu ceke binwang’u kwo.

1 Jukorinto 15:45

Egore kumeno bende kumae, Ng’atu ma kwong’a ma Adamu doko ni ng’eyong’ec ma kwo. Adamu macen udoko ni tipo ma mio kwo.

2 Jukorinto 13:4

kum jugure i ng’ic, endre ebedo kwo ni kum tego pa Mungu. Kum wan bende wa ng’ic i ie, endre wabibedo kwo wakude ni kum tego pa Mungu yor i beng’wu.

Jugalatia 2:20

An judaru gura waku Kristu; man en e an kendo ngo m’ukwo ento Kristu e m’ubedo i ia; man kwo maeno m’abedo ko i kum akwo i yioyic, yioyic ma ni i Wod Mungu, m’umara, m’umire gire pira.

1 Jutesaloniki 1:9

Kum joni giyero piwa gigi pi mondo mwa m’i beng’wu maram ebedo ko; man ke maram wulokru ko ni Mungu ku kum ayi gin m’acwia, kara wutim ni Mungu ma kwo mandha de,

Juebrania 9:14

e rimb Kristu, m’ewodhre gire ma mulima mbe ni Mungu kum Tipo Maleng’ ma nja, bilwoko pidocwinywu ni tic m’utho kara wutim ni Mungu ma kwo sagu dit apila ngo?

1 Yohana 4:9

I maeni mer pa Mungu nyuthre iwa, nia Mungu oro Wode kulong’ i ng’om kara wabed kwo ni kume.