Yohana 5:4 - The Holy Bible In Alur (Lur) Revised Orthography

⁴ kum nindo moko malaika pa Rwoth loro piny i kut, man eketho pi dhenyni: e ng’atu ma tek ular umondo yo ng’ei dhenyni mi pi e tho ceke m’unyang’ i kume kei ndhu.

Yohana 5:4 ပူးပေါင်းရင်းမြစ်များ

2 Ubimo 5:10

E Elica uoro jakwenda i bang’e, ewacu kumae, Cidh ilog i Yordan wang’ abiro, e ring’kumi bidwogo kendo i beng’i, man ibibedo leng’.

Zaburi 119:60

Atimo pio, man agalu ngo, Kara awor lembang’ola peri,

Lembrieko 6:4

Kud iwek weng’i nindi, Kadi rip rip de kud umak biendweng’i;

Lembrieko 8:17

Amaru ju m’umara; Man ju m’uyenya ngili ngili gibinwang’a.

Eklizia 9:10

Gin ma tek cingi nwang’u mir atima, time ku tegoni; kum tic moko mbe, kadi bodho, kadi ng’eyong’ec, kadi rieko, i liel, m’icidho i ie.

Ezekiel 47:8

Elund ewacu ira kumae, Pi maeni mol yor i ng’om ma yo nyangu, man gibicidho piny i Araba; man gibicidho yor i nam; pi ma juketho uwok woko bicidho i nam; e jubicangu pige.

Hoseya 13:13

Remokum pa dhaku ma nyol biwok i wie: en e wodo ma riek ungo; kum en e nindo ma maku kud egal i ka ma nyithindho turo ma giwok ko woko.

Zekaria 13:1

I ceng’ maeca kulo m’udhenyni biyabre ni ot pa Daudi man ni ju m’ubedo i Yerusalem, pi dubo man pi cilo.

Zekaria 14:8

E ebitimbre i ceng’ maeca, nia pi mi kwo biai kud i Yerusalem: ng’ete kucel yo ba nam ma yo nyangu, ng’ete mucelo ke yo ba nam ma yo reto: ebibedo i nindo mi lietho man i nindo mi koyo.

Matayo 11:12

Ugambre i ceng’ pa Yohana ma Jabaputisi cil ku kawono de ker m’i polo rombo ku tego, dhanu ma jukero de gigame ku kero.

Matayo 6:33

Ento ma kwong’a wuyeny ker pare, ku bedopwe pare; man gin maeni ceke bimedre iwu.

Luka 13:24

Ponj mondo ku dhugola ma diny: kum dupa, awacu iwu, biponjo mondo i ie, e gibicopo ngo,

Luka 16:16

Cik ku jubila ginuti cil kum Yohana: ugambre i nindo maeca lembanyong’a ma juboth ko mi ker pa Mungu juyero, man ku ba dhanu nzu gimondo i ie ku kero.

Yohana 5:3

Udul ju ma kumgi lith uvuto i maeni, ku ju ma wang’gi cor, ku ju ma weg abala mi tielo, ku ju m’ulindri, ma gibekuro dhenyni mi pi:

Yohana 5:5

Nwang’u ng’atu acel nuti keca, m’ebedo ku mulima rundi pier adek wi abora.

Yohana 5:7

Ng’atu ma kume lith udwoko ire lembe kumae, Rwoth, ng’atu moko mbe ira, m’uketha i kut kinde ma pi bedhenyni: ento kinde ma abebino ng’atu mange lar loro ira.

1 Jukorinto 6:11

Jumoko m’i kindwu de naka gi wagi ju ma kumeni: ento julwokowu, ento judwokowu leng’, ento lembe m’i wiwu gonjre i nying Rwoth Yesu Kristu, man i Tipo pa Mungu mwa.

1 Yohana 1:7

ento tek wawotho i der, calu en eni i der, nwang’u wabedo ku ripocwiny ma man ku wadi man ku wadi, man rimb Yesu ma Wode ubelonyowa ni dubo ceke.