Yohana 5:23 - The Holy Bible In Alur (Lur) Revised Orthography

²³ kara dhanu ceke giyung Wod cil calu giyungo Wego. Ng’atu m’uyungo Wod ungo eyungo Wego m’uore de ngo.

Yohana 5:23 ပူးပေါင်းရင်းမြစ်များ

Zaburi 2:12

Wucwi limb wod, ng’ecwiny umaru nege, man wunyothru i yo, Kum kwinyo pare dhingo opo. Mugisa ni dhanu ceke m’upondo i bang’e.

Isaya 42:8

An a Yehova, maeni nyinga; man dwong’ para abimio ni ng’atu mange ngo, kadok pak para de abimio ngo ni ayi gin m’acwia m’ang’ika.

Isaya 44:6

Yehova, m’Ubimo mir Israel, man Jawar pare, Yehova mir udul, uwacu kumae: An a ma kwong’a, man kajik; man Mungu moko mbe m’umeda.

Isaya 45:15

Andha in i Mungu m’ipondo giri, E Mungu mir Israel ma Jalar.

Isaya 45:21

Wuyer, man wuwodhe woko; eyo, wek gipor lembe karacelo: ng’a m’unyutho maeni ugambre i nindo ma coni? ng’a m’uyero maeni ugambre coni? an ungo, Yehova? man Mungu mange mbe m’umeda, Mungu ma pwe man Jalar; ng’atu moko mbe m’umeda.

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.

Matayo 10:37

Ng’atu m’umaru won kadi min ma sagu an eromo kuda ngo; ng’atu m’umaru wode kadi nyare de ma sagu an eromo kuda ngo.

Matayo 11:27

Vwa mio ira gin ceke: ng’atu moko mbe de m’ung’eyo Wod, ndhu Wego re; kadok Wego de ng’atu moko mbe m’ung’eyo, ndhu Wod, man ng’atu ma tek Wod uyenyo enyuthe ire.

Matayo 12:21

Man i nyinge Thekdhanumange bigeno.

Matayo 15:8

Dhanu maeni giyunga ku dendhoggi; Ento adundegi tung’ i kuma.

Matayo 28:19

Ka kumeno wucidhi, wuketh thek ceke dok julub, wumi igi baputisi ku nying Wego ku Wod man Tipo Maleng’:

Luka 10:16

Ng’atu m’uwinjowu nwang’u ewinjo an; ng’atu m’ukwerowu nwang’u ekwero an; man ng’atu m’ukwero an nwang’u ekwero ng’atu m’uora.

Yohana 14:1

Adundewu kud upidi: wuyi Mungu, i wuyi an bende.

Yohana 16:14

Ebiyunga: kum ebigamu kum gin ma para, man ebiyero iwu.

Yohana 17:10

man gin ceke ma para gi peri, man ma peri de gi para: abedo dwong’ de ni kumgi.

Jurumi 1:7

ni dhanu ceke ma gini i Rumi, ma jumer pa Mungu, ma julwong’ogi gibed jumaleng’: Bero iwu man kwiocwiny m’uai ba Mungu Wegwa man Rwoth Yesu Kristu.

Jurumi 15:12

Man kendo, Isaya wacu kumae, Ulag Yese bibedo nuti, Man ng’atu ma biwok nibimo wi Thekdhanumange; Thekdhanumange de bigeno i kume.

Jurumi 6:22

Ento kawono ma dong’ jugonyowu ni dubo man wudoko jutic pa Mungu, e wubedo ku nyingwu ni dwokrileng’, man kajikne kwo ma rondo ku rondo.

Jurumi 8:9

Ento wun wuni i kum ungo ento wuni i Tipo, tek Tipo pa Mungu bedo i iwu. Ento tek ng’atu moko Tipo Kristu mbe kude, meca en e pare ngo.

1 Jukorinto 1:3

Bero iwu ku kwiocwiny m’uai ba Mungu Wegwa man Rwoth Yesu Kristu.

1 Jukorinto 10:31

Ka kumeno kadok wucamu, kadi wumadhu, kadi gin ceke ma tek wutimo, wutim ceke ni dwong’ pa Mungu.

1 Jukorinto 16:22

Tek ng’atu moko maru Rwoth ungo, wek ebed anathema. Maranatha.

1 Jukorinto 6:19

Kadi wung’eyo ngo ya kumwu en e hekalu pa Tipo Maleng’ ma ni i iwu, ma wubedo ko m’uai ba Mungu? man ke wu mu giwu ngo;

2 Jukorinto 1:9

eyo, wan giwa wabedo ku lembang’ola mi tho yor i iwa giwa, kara ku wagendra giwa, ento i Mungu re ma ting’o ju m’utho:

2 Jukorinto 13:14

Bero pa Rwoth Yesu Kristu, ku mer pa Mungu, man ribri pa Tipo Maleng’, ubed i beng’wu kpo.

2 Jukorinto 5:14

Kum mer pa Kristu becwaluwa; kum wang’olo kumeni, ya acel utho pi ceke, ka kumeno ceke tho;

2 Jukorinto 5:19

en e kumeni, ya Mungu ni i Kristu m’ebepoto ng’om ire gire, ma k’ebekwanu kier migi igi ngo, nwang’u emio iwa lembe mi pot.

Juefeso 6:24

Bero bed ba ju m’umaru Rwoth Yesu Kristu mwa ceke ku mer ma nyothre ngo.

2 Timoteo 1:12

Kum lembe nini abemula ku can kum giki maeni bende: endre lewic ubenega ngo; kum ang’eyo ng’atu m’ayio, man ang’eyo andhandha nia ecopo gwoko lembe m’aketho i kore cil i ceng’ maeca.

Juebrania 1:6

Man kan ekelo kayu kendo i ng’om ewacu kumae, E dong’ malaika pa Mungu ceke girwo ire.

2 Petro 1:1

Simon Petro, jamiru man jakwenda pa Yesu Kristu, ni ju ma ginwang’u yioyic ma calacel ma pire tek karacelo kudwa i bedopwe pa Mungu mwa man Jalar Yesu Kristu:

2 Petro 3:18

Ento wudong i bero ku ng’eyong’ec pa Rwoth mwa man Jalar Yesu Kristu. Dwong’ ubed ire kawono man rondo ku rondo. Amen.

1 Yohana 2:23

Ng’atu ma tek ukwero Wod ng’atuca bedo ku Wego ngo: ng’atu m’utuco Wod, ebedo ku Wego bende.

2 Yohana 1:9

Ng’atu ma tek jawipiro ma en ke eni i ponji pa Kristu ngo, nwang’u Mungu mbe kude: ng’atu ma ni i ponji nini, e ng’atuni e m’ubedo ku Wego man Wod bende.