Yohana 4:34 - The Holy Bible In Alur (Lur) Revised Orthography

³⁴ Yesu wacu igi kumae, Cemo para en e timo yeny ma i ng’atu m’uora yenyo, ku daru tic pare bende.

Yohana 4:34 ပူးပေါင်းရင်းမြစ်များ

Kitabu Pa Yob 23:12

Adok cen ungo kum lembang’ola mi dendhoge; Akanu lembe mi dhoge ma sagu cemo ma kapara.

Zaburi 40:8

Anyong’a nega kum timo yeny m’iyenyo, E Munguna; Eyo, cik peri ni yor i adundena.

Matayo 26:39

Ecidho yor i wang’gi nyanok, epodho de i wang’e, erwo, ewacu kumae, Vwa, tek ecopre, wek kikombe maeni kadh woko kud i bang’a: ento, calu ayenyo an ungo, endre calu iyenyo in.

Matayo 3:15

Ento Yesu loko lembe ewacu ire kumae, Yi maeni kawono: kum emaku piny iwa kumeno ya waketh bedopwe ceke timbre kakare. E elund eyie.

Matayo 9:19

E Yesu ai malu, man elubo ng’eye, giku julubne.

Luka 15:10

Cil kumeno, awacu iwu, Anyong’a nuti i wang’ malaika pa Mungu kum jadubo acel m’uloko cwinye.

Luka 19:10

Kum Wod dhanu bino niyenyo nilaru de ju m’urwinyo.

Luka 2:49

Ewacu igi kumae, Wuyenya nedi? wung’eyo ngo nia akoabed i tic pa Vwa be?

Yohana 17:4

Ayungi i ng’om, adaru timo tic m’imio ira atim.

Yohana 19:28

Yo ng’ei maeni, Yesu m’ung’eyo nia kawono gin ceke thum, kara lembagora pa Mungu timbre kakare, ewacu kumae, Rieu unega.

Yohana 19:30

Ka Yesu jolo picwa, ewacu kumae, Ethum: e ekulo wie, man eweko cwinye kadhu.

Yohana 4:32

Ento ewacu igi kumae, Cam para nuti mir acama ma wung’eyo ngo.

Yohana 5:30

Acopo timo gin moko gira ngo: calu awinjo, e apoko lembe: man pokolembe para de pwe; kum asayu yeny ma ia yenyo ngo, ento yeny ma i ng’atu m’uora yenyo re.

Yohana 5:36

Ento nyutholembe m’abedo ko e dit ma sagu Yohana; kum tic ma Wego mio ira adar, tic maeni m’atimo enyutho pira, nia Wego ora.

Yohana 6:33

Kum kwen pa Mungu en e maeno m’uai i polo loro piny, man; emio kwo de ni ng’om.

Yohana 6:38

Kum aloro kud i polo piny, nitimo yeny ma ia yenyo an ungo, ento yeny ma i ng’atu m’uora yenyo re.

Yohana 8:29

Man ng’atu m’uora eni karacelo kuda; eweka kenda ngo, kum atimo gin maeno thiri thiri ma nyayu mutoro i ie.

Tic Mi Jukwenda 20:35

I gin ceke amio iwu por, nia ku tic ma wumulu ko kumeni maku wukony ju ma ng’ic, wupoi de kum lembe pa Rwoth Yesu, nia ewacu en kumae, Mio en e mugisa ma sagu gamu.

Juebrania 12:2

ma wabeneno ko ba Yesu ma en e jathek ku jadar mi yioyic mwa, ma pi mutoro ma juketho i wang’e eciro yen m’athara, m’ecayu ko lewicne acaya man ejany yo ku cing’ ma yor acwic mi komker pa Mungu.