Yohana 4:23 - The Holy Bible In Alur (Lur) Revised Orthography

²³ Ento saa bino, man enuti kawono, ma ju ma jurwo mandha gibirwo ni Wego i tipo man i lemandha: kum Wego yenyo wagi ju maeni e ma gibed jurwo ire.

Yohana 4:23 ပူးပေါင်းရင်းမြစ်များ

I Lemkei 29:17

Ang’eyo bende, Mungu para, nia iponjo adunde, man anyong’a negi i bedopwe. An gira, i bedopwe mir adundena athiero ku beroewinya gin maeni ceke: man kawono aneno kud anyong’a dhanu peri, ma ginuti keni, githiero iri ku berocwiny.

Zaburi 147:11

Ju m’ulwore nyayu mutoro i Yehova, Ju m’ugeno mer mi bero pare.

Zaburi 17:1

Winj lembe m’atira, E Yehova, cik ithi kum ywak para; Cik ithi kum rwo para, m’uai kud i dendhok mir abombi ngo.

Zaburi 32:2

Mugisa ni ng’atu ma Yehova kwanu kier pare ngo, Man ma tipone mbe kud abombi.

Zaburi 51:6

Nen, iyenyo lemandha yor i ic; Man ibiketho ang’eyo rieko i ka m’aponda;

Lembrieko 15:8

Lam pa jadubo en e ginmajudagu ni Yehova; Ento rwo pa ng’atu m’atira nyayu mutoro i ie.

Wer Pa Suleman 2:14

E akuru para, m’ini i um cana, I kapondo mi ka ma lung’, Wek anen weng’i, Wek awinj dwendi; Kum dwendi mit, man weng’i leng’.

Isaya 10:20

Man ebtimbre i ceng’ maeca, nia dong Israel m’udong’, ku ju m’uboth mi ot pa Yakobo, bijengri kendo ngo kum ng’atu m’ugoyogi, ento gibijengri kum Yehova, Ng’atu Maleng’ mir Israel, i lemandha.

Isaya 29:13

E Rwoth uwacu kumae, Kum dhanu maeni eoro ceng’ni i vuta man giyunga ku dhoggi man ku dendhoggi, ento gicoro adundegi bor kuda, man lworo migi ma gilwora ko en e lembang’ola mi dhanu ma juponjogi ko;

Isaya 43:21

dhanu m’ang’ino pira gira, kara ginyuth pak para.

Isaya 58:2

Ento giyenya ku ba rupiny ku ba rupiny, man anyong’a negogi kum ng’eyo yo para: calu thek ma timo bedopwe, man m’uweko lembapoka pa Mungu migi ngo, gipenjo lembapoka ma pwe i bang’a; anyong’a negogi kum eoro ceng’ni Mungu.

Yeremia 3:10

Man kadok maeni ceke bedo nuti Yuda ma nyamin ma jabombi dwogo i bang’a ngo ku cwinye ceke, ento kud abombi, Yehova wacu.

Yeremia 4:2

man ibikwong’o kwong’ kumae, Calu Yehova bedo kwo, i lemandha, i pokolembe, man i bedopwe; man thek bimio mugisa igi gigi ni kume, man gibiluli ni kume.

Ezekiel 22:30

Man ayenyo dhanu i kindgi, ma bigomo gang’kidi, ma bicungo i ka m’urwombre de i wang’a pi ng’ombe, kara kud anyothe; ento anwang’u moko ngo.

Yohana 1:17

Kum cik umire ni kum Musa; bero ku lemandha bino ni kum Yesu Kristu.

Yohana 12:23

Yesu loko lembe igi, ewacu kumae, Saa wok, ma jubiyungo ie Wod dhanu.

Yohana 16:2

Gibiwodhowu woko kud i cokri: eyo, saa bebino, nia ng’atu m’unegowu biwacu nyo ethiero rwo ni Mungu.

Yohana 16:32

Nen, saa bebino, eyo, edaru wok, ma jubilaluwu i ie, ng’atuman thugi man thugi, man wubiweka dong’ kenda; ere abedo kenda ngo, kum Wego ni i bang’a.

Yohana 4:21

Yesu wacu ire kumae, Dhaku, yia, saa bino, ma wubirwo ie ni Wego wi goduni ngo, kadok i Yerusalem de ngo.

Yohana 5:25

Andhandha awacu iwu kumae, Saa bebino, man enuti kawono, ma ju m’utho biwinjo ie dwand Wod Mungu; man ju m’uwinjo gibibedo kwo.

Yohana 5:28

Iwu kucj uwang’ kum lembe maeni: kum saa bebino, ma ju m’i liel ceke biwinjo ie dwande,

Jurumi 1:9

Kum Mungu m’atimo ire yor i cwinya i lembanyong’a ma juboth ko pa Wode, en e jamulembe para, maram aweko lwong’o ko nyingwu ki ngo i rwo para thiri thiri

Jurumi 8:15

Kum wujolo tipo mi ng’eca kendo ngo ni lworo, ento wujolo tipo mi dwok ma judwoko kowu ni nyithindho, ma walwong’o ko kumae, Abba, Vwa.

Jurumi 8:26

Man Tipo bende konyo ng’ic mwa kumeca: kum wang’eyo ngo ram warwo ko calu ma maku warwo: ento Tipo gire ekwayu piwa ku cur acura ma aweca ngo;

Jugalatia 4:6

Man kum wubedo wote, Mungu oro Tipo pa Wode i adundewa, m’uywak kumae, Abba, Vwa.

Juefeso 6:18

ku rwo man kwayukwac ceke ma wuberwo ko ku ba nindo ceke i Tipo, ma wubekuro bang’e awe, ku kwayu kwac de pi jumaleng’ ceke,

Jufilipi 3:3

kum wan wa weg yaa, ma warwo ku Tipo pa Mungu, e walula i Kristu Yesu, man wageno mwa kum ungo:

Yocuwa 24:14

Ka kumeno kawono wulwor Yehova, man wutim ire umbe abombi man i lemandha; man wukab mungu ma kwaruwu timo igi loka Kulo, man i Misiri cen; man wutim ni Yehova.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

1 Samwil 12:24

Ndhu wulwor Yehova, man wutim ire andha kud adundewu ceke; kum wupoi pi gin ma dit m’etimo iwu.