Yohana 4:14 - The Holy Bible In Alur (Lur) Revised Orthography

¹⁴ ento ng’atu ma tek umadhu pi m’amio ire rieu binege kendo ki ngo; ento pi m’abimio ire bidoko ni kulo ma dhenyni i ie ni kwo ma rondo ku rondo.

Yohana 4:14 ပူးပေါင်းရင်းမြစ်များ

Isaya 49:10

Kec kadi rieu de binegogi ngo; kadok lietho kadi ceng’ de bigoyogi ngo: kum ng’atu ma kisa nege i kumgi bitelo wigi, ebitelo wigi cil ba kulo mi pi.

Isaya 55:1

Ae, ku ba dhanu ceke ng’atu ma rieu benege, wubin ba pi, man ng’atu ma sente mbe kude; wubin, wung’ieu, man wucam; eyo, wubin, wung’ieu pigulok ku cak ma sente mbe man welpiny de mbe.

Isaya 58:11

e Yehova bitelo wii thiri thiri, man ebikwio ng’eyong’ec peri i ka m’uthwo, man ebidwoko cogoni tek; e ibibedo calu podho ma jukwoyo pi i wie, man calu kulo mi pi, ma pige dwono ngo.

Yeremia 2:13

Kum dhanu para timo lem ma rac ario: giweka, ma kulo mi pi mi kwo, man gitong’o igi kulo m’atong’a, kulo m’atong’a m’ung’eny, ma pi copo bedo i ie ngo.

Yeremia 31:25

Kum ayeng’o ng’eyong’ec m’uol, man adwoko ng’eyong’ec mi can kubang’e kubang’e.

Ezekiel 47:9

Man ebitimbre, nia ku ba gin ma kwo ceke ma nyai, i ka ceke kubang’e kubang’e ma kulo ma dit utundo i ie, gibibedo kwo; man udul rec ma dit hai bibedo nuti; kum pi maeni tundo kuca, man jubicangu pi mi nam, man gin ceke bibedo kwo i ka ceke ma tek kulo ma ditne tundo i ie.

Lembe Mi Julawi 11:36

Ento kulo kadi pi m’atong’a ma pi cokre i ie bibedo leng’: ento gin m’umulo avujgi bibedo m’ecido.

Matayo 25:46

E joni gibicidho migi i masendi ma rondo ku rondo: ento weg bedopwe i kwo ma rondo ku rondo.

Matayo 5:6

Mugisa ni ju ma kec ku rieu de benegogi kum bedopwe: kum gibiyeng’.

Yohana 10:10

Jakwo bino ngo, ndhu kara ekwal kwo, eneg nek, enyothi: an re abino kara gibed ku kwo, gibed kude dit apila.

Yohana 11:26

man ng’atu ma tek ubedo kwo en ke eyio ira ebitho ki ngo. Iyio maeni?

Yohana 4:10

Yesu dwoko lembe ewacu ire kumae, Tek ing’eyo giramia pa Mungu, ku ng’atu m’uwacu iri kumae, Mi ira amadhi; kuno di ipenje, man kuno di emio iri pi mi kwo.

Yohana 4:11

Dhakune wacu ire kumae, Rwoth, gin moko mbe i beng’i m’itwom ko, man kulone de thuth: ka kumeno inwang’u pi mi kwo maeni kani?

Yohana 4:13

Yesu dwoko lembe ewacu ire kumae, Ku ba dhanu ceke m’umadhu pi maeni rieu binege kendo:

Yohana 4:36

Ng’atu m’ukayu enwang’u sukulia, man ecoko nying’ ni kwo ma rondo ku rondo; kara ng’atu m’ucoyo ku ng’atu m’ukayu de anyong’a neggi karacelo.

Yohana 6:27

Kud wutim pi cam ma nyothre, endre pi cemo m’ubedo mi kwo ma rondo ku rondo ma Wod dhanu bimio iwu: kum Wego, ma Mungu, mwono ayi i kume.

Yohana 6:35

Yesu wacu igi kumae, An a kwen mi kwo: ng’atu m’ubino i bang’a kec binege ngo, ng’atu m’uyia de rieu binege ki ngo.

Yohana 6:58

Maeni kwen m’uai i polo loro piny: calu ma yang’ wego camu ngo, man githo; ng’atu m’ucamu kwen maeni re bibedo rondo ku rondo.

Yohana 7:37

Nie i kajikceng’, ma en e ceng’ ma dwong’ mir agba Yesu cungo ekok akoka, ewacu kumae, Tek rieu nego ng’atu moko, dong’ ebin i bang’a emadhi.

Jurumi 5:21

kara, calu dubo bimo bim i tho, cil kumeno bero ubim bim ni kum bedopwe ni kwo ma rondo ku rondo ni kum Yesu Kristu Rwoth mwa.

Jurumi 6:23

Kum sukulia mi dubo en e tho; ento giramia ma Mungu mio mananu re en e kwo ma rondo ku rondo ni kum Kristu Yesu Rwoth mwa.

2 Jukorinto 1:22

en bende m’eketho ayi i kumwa, man emio mukwatu mi Tipo i adundewa.

Juefeso 4:30

Man kud wunyai can i Tipo Maleng’ pa Mungu, ma juketho ayi i kumwu i ie cil i ceng mi war.

1 Petro 1:22

Kum wudaru dwoko adundewu leng’ i woro mu ma ba lemandha ni mer mir umego ma abombi mbe i ie, dong’ wumeru k’amora ku i adunde:

1 Yohana 5:20

Wang’eyo de nia Wod Mungu bino, emio iwa ng’eyong’ec de, kara wang’ei ng’atu ma en e mandha, wabedo de i ng’atu ma en e mandha, ndhu i Wode Yesu Kristu. Maeni Mungu mandha, ku kwo ma rondo ku rondo.

Lembanyutha 7:16

Kec binegogi kendo ngo, kadok rieupi de kendo ngo; kadok ceng’ de bigoyogi kendo ngo, kadi lietho moko:

Lembanyutha 7:17

kum Nyathi Rombo ma ni i kind komker ebibedo jakwac migi, man ebitelo wigi ba pi mi kwo ma dhenyni: man Mungu biyweyo piwang’ pet kud i wang’gi.