Yohana 3:18 - The Holy Bible In Alur (Lur) Revised Orthography

¹⁸ Ng’atu m’uyie lem pare pokre ngo: ng’atu m’uyio ngo lem pare daru pokre rac, kum eyio nying Wod Mungu kulong’ ungo.

Yohana 3:18 ပူးပေါင်းရင်းမြစ်များ

Marko 16:16

E ng’atu m’uyio m’umaku baputisi de ebiboth; ento ng’atu m’uyio ngo jubipoko lembe pare rac.

Yohana 1:12

Ento ju m’ujole ceke, emio igi tego ma gidoko ko nyithindho pa Mungu, ni ju ma giyio nyinge:

Yohana 1:18

Ng’atu moko mbe ma foduneno Mungu nindo moko; Wode kulong’, m’eni i kor Wego, enyuthe.

Yohana 20:31

ento maeni gore kara wuyi nia Yesu en e Kristu, ma Wod Mungu; man kara ka wuyio wubed ku kwo i nyinge.

Yohana 3:16

Kum Mungu maru ng’om mumbe, ketho emio Wode kulong’, kara ng’atu ma tek uyie kud erwiny ki, endre ebed ku kwo ma rondo ku rondo.

Yohana 3:36

Ng’atu m’uyio Wod ebedo ku kwo ma rondo ku rondo; ento ng’atu m’uworo Wod ungo bineno kwo ngo, ento kwinyo pa Mungu ni i wie.

Yohana 5:24

Andhaandha, awacu iwu kumae, Ng’atu m’uwinjo lem para, m’uyio ng’atu m’uora de, kwo ma rondo ku rondo ni kude, man ebino ngo i pokolembe, ento ekadhu kud i tho emondo i kwo.

Yohana 6:40

Kum maeni en e yeny ma i Vwa yenyo nia ceke kubang’gi m’uneno Wod, m’uyie de, ubed ku kwo ma rondo ku rondo; man abiting’e malu i kajikceng’.

Yohana 6:47

Andhandha, ayero iwu kumae, Ng’atu m’uyio ebedo ku kwo ma rondo ku rondo.

Jurumi 5:1

Ka kumeno wan ma lembe m’i wiwa gonjre ni kum yioyic, wabedo ku kwiocwiny ku Mungu ni kum Rwoth mwa Yesu Kristu;

Jurumi 8:1

Kum kumeno kawono dong’ pokolembe ma rac umbe wi ju ma gini i Kristu Yesu.

Jurumi 8:34

ng’a ma poko lembe raci? en e Kristu Yesu m’utho, eyo ma sagu, ma juting’e ku kind ju m’utho, m’eni yo ku cing’ Mungu ma yor acwic, m’ekwayu bende piwa.

Juebrania 12:25

Wunen nia kud wukwer ng’atu m’ubeyero. Kum tek giboth ungo ka gikwero ng’atu m’utwong’ogi i ng’om, e wan ma walokra ku ba ng’atu m’utwong’owa kud i polo wabiboth ungo ma sagu dit:

Juebrania 2:3

e wabiboth nenedi, tek wagalu kum thwo both ma rokeni ngi? ma Rwoth ular ukwong’o yero, ma ju m’uwinjo uketho ecungo iwa:

Juebrania 3:19

E waneno nia gicopo mondo ngo kum yioyic m’umbe.

1 Yohana 3:23

Maeni de cik pare, nia wayi nying Wode Yesu Kristu, man wamara cil calu emio iwa cik.

1 Yohana 4:9

I maeni mer pa Mungu nyuthre iwa, nia Mungu oro Wode kulong’ i ng’om kara wabed kwo ni kume.

1 Yohana 5:10

Ng’atu m’uyio ni Wod Mungu ebedo ku lembanyutha i ie: ng’atu m’uyio Mungu ngo eketho ebedo jandra; kum eyio lembanyutha ngo ma Mungu nyutho pi Wode.

1 Yohana 5:12

Ng’atu m’ubedo ku Wod ebedo ku kwo; ng’atu m’ubedo ku Wod Mungu ngo nwang’u kwo mbe kude.