Yohana 3:16 - The Holy Bible In Alur (Lur) Revised Orthography

¹⁶ Kum Mungu maru ng’om mumbe, ketho emio Wode kulong’, kara ng’atu ma tek uyie kud erwiny ki, endre ebed ku kwo ma rondo ku rondo.

Yohana 3:16 ပူးပေါင်းရင်းမြစ်များ

Thangambere 22:12

E ewacu kumae, Kud iketh cingi kum nyathin, kadi gin moko de kud itim i kume; kum kawono ang’eyo nia ilworo Mungu, kum ikwero wodi ngo ira, wodi kulong’.

Thangambere 22:2

Man ewacu kumae, Kawono gam wodi, wodi kulong’, m’imare, en e Isak, man icidh i ng’om Moria; man ithiere keca ni lam m’awang’a wi got moko m’abiyero pire iri.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Matayo 9:13

Ento wucidh wung’ei ka thelembe nini, ayenyo kisa, lam re ngo: kum abino lwong’o weg bedopwe ngo, endre judubo.

Marko 12:6

Udong’ ng’atu acel i bang’e, en e wode ma jamer: eore macen i bang’gi, ewacu kumae, Gibijwigri ni woda.

Luka 2:14

Dwong’ ni Mungu ma malu ngbir, Kwiocwiny de wi ng’om kind dhanu ma mutoro nege i kumgi.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 1:18

Ng’atu moko mbe ma foduneno Mungu nindo moko; Wode kulong’, m’eni i kor Wego, enyuthe.

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Yohana 10:28

amio igi kwo ma rondo ku rondo; man gibirwinyo ki ngo, ng’atu moko mbe de ma bimayugi kud i cinga.

Yohana 3:15

kara ng’atu ma tek uyio ubed ku kwo ma rondo ku rondo ni kume.

Yohana 3:18

Ng’atu m’uyie lem pare pokre ngo: ng’atu m’uyio ngo lem pare daru pokre rac, kum eyio nying Wod Mungu kulong’ ungo.

Yohana 3:36

Ng’atu m’uyio Wod ebedo ku kwo ma rondo ku rondo; ento ng’atu m’uworo Wod ungo bineno kwo ngo, ento kwinyo pa Mungu ni i wie.

Yohana 6:40

Kum maeni en e yeny ma i Vwa yenyo nia ceke kubang’gi m’uneno Wod, m’uyie de, ubed ku kwo ma rondo ku rondo; man abiting’e malu i kajikceng’.

Jurumi 5:10

Kum tek, kinde ma wa jukwor, jupoto kindwa waku Mungugi ni kum tho pa Wode, ma sagu dit, wan ma kindwa poto, wabiboth i kwo pare;

Jurumi 5:8

ento Mungu nyu tho mer pare gire iwa, kum, kinde ma fodi wa judubo, Kristu tho piwa.

Jurumi 8:32

Ng’atu ma kukwero ngo nimio Wode ma dhe, ento ewodhe piwa ceke, ebimio iwa gin ceke k’abamba bende karacelo kude ngo nedi?

Juefeso 2:4

ento Mungu, m’usagre ku kisa, ni kum mer pare ma dit m’emaru kowa,

2 Jutesaloniki 2:16

Nie Rwoth mwa ma Yesu Kristu en, man Mungu ma Wegwa m’emaruwa m’emio iwa juk mi nja ku genogen ma ber ni kum bero,

Tito 3:4

Ento ka bedober pa Mungu Jalar mwa, man mer pare m’emaru ko dhanu, uwoki,

Juebrania 2:9

Ento wanene ma judwoke piny nyanok ma sagu malaika, en e Yesu, ni kum sendri mi tho ma juketho jamkermiwic mi dwong’ man yung i wie, kara ni kum bero pa Mungu ebil tho pi dhanu ceke kubang’gi kubang’gi.

1 Yohana 3:1

Wunen maram mer ma Wego maru kowa bedo ko m’emio iwa, ketho julwong’owa nyithindho pa Mungu; wabedo kumeno de. Kum lembe nini ng’om ung’eyowa ngo, kum eng’eye ngo.

1 Yohana 4:19

Wamaru, kum elar emaruwa.

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;