Yohana 3:10 - The Holy Bible In Alur (Lur) Revised Orthography

¹⁰ Yesu loko lembe man ewacu ire kumae, In i japonji mir Israel, man ing’eyo gin maeni ngo?

Yohana 3:10 ပူးပေါင်းရင်းမြစ်များ

I Lemkei 29:19

man mi ni Suleman, ma woda adunde ma cu, kara ewor lembang’ola peri, ku lembatuca peri, man cik peri, man kara etim gin maeni ceke, man egom ot ma ber, m’ayiko piny pire.

Zaburi 51:10

Cwi adunde ma leng’ yor i ia, E Mu ngu; Man idwok cwinya nyen atira yor i ia.

Zaburi 51:6

Nen, iyenyo lemandha yor i ic; Man ibiketho ang’eyo rieko i ka m’aponda;

Zaburi 73:1

Andha Mungu en e ber ni Israel, En e ni wadi dhanu ma adundegi leng’.

Isaya 56:10

Jukur pare gin abinga, kagi ceke ng’eyong’ec umbe kugi; kagi ceke gi gwok m’ajuba, gicopo gbuyo ngo; ma gibeleko lek, givuto piny, gimaru nuro.

Isaya 9:16

Kum ju m’utelo wi dhanu maeni giketho gikier; man ju ma gitelo wigi junyothogi.

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Ezekiel 11:19

Man abimio igi adundegi acel, man abiketho tipo ma nyen yor i iwu; man abikabu adunde mi kidi kud i ring’kumgi, man abimio igi adunde mi ring’kum;

Matayo 11:25

I nindo maeno Yesu loko lembe ewacu kumae, Afoi, E Vwa, Rwoth m’i polo ku ng’om, nia ipanu gin maeni ni jurieko ku jung’eilembe bende, inyuthogi de ni mukere:

Matayo 15:14

Wekgi: gi jutelwidhanu ma gin de gin abinga. Man tek abinga telo wi abinga, gin ario de gibipodho i vur.

Matayo 22:29

Ento Yesu loko lembe ewacu igi kumae, Wukier, ma wung’eyo ko lembagora pa Mungu ngo, kadok tego pa Mungu de ngo.

Luka 2:46

Man etimbre, ka ceng’ adek ukadhu ginwang’e i hekalu, m’ebedo i kind jueuthecik, m’ewinjogi epenjogi ku lembe de:

Luka 5:17

E etimbre i ceng’ moko ma kind maeno, nwang’u ebeponjo; man Jufarisayo ku jueuthecik gibedo keca, ma giai ku ba pacu ceke mi Galilaya man Yahudi ku Yerusalem: man tego pa Rwoth ni i bang’e m’ecangu ko kum.

Yohana 3:9

Nikodemo dwoko lembe man ewacu ire kumae, Gin maeni copo timbre nenedi?

Tic Mi Jukwenda 5:34

Ento ng’atu acel ma Jafarisayo ai malu i kind dilo, ma nyinge Gamaliel, m’e jaeuthecik, m’e ng’atu ma pire ber ni dhanu ceke, man eng’olo ya gikogiketh joca cen tundu.

Jurumi 2:28

Kum en e Jayahudi ngo m’e Jayahudi ku yo woko; kadi maeno ma yo woko i kum de en e yaa ngo:

Poi Mi Cik 10:16

Ka kumeno tim yaa kum dendkumwu mir adundewu, man kud wucik ng’utwu kendo.

Poi Mi Cik 30:6

E Yehova Mungu perf bitimo yaa kum adundeni, man kum adunde kodhini, kara imar Yehova Mungu peri kud adundeni ceke, man ku ng’eyong’ec peri ceke, kara ibed kwo.

Jufilipi 3:3

kum wan wa weg yaa, ma warwo ku Tipo pa Mungu, e walula i Kristu Yesu, man wageno mwa kum ungo:

Jukolosai 2:11

i ie de jutimo yaa i kumwu bende ku yaa ma jutimo ku cing’ ungo, i roc ma kum mi ring’kum roc ko, i yaa pa Kristu;