Yohana 2:22 - The Holy Bible In Alur (Lur) Revised Orthography

²² Ka kumeno ka juting’e ku kind ju m’utho, julubne gipoi nia yang’ eyero lembe maeni; e giyio lembagora pa Mungu, ku lembe ma Yesu yero de.

Yohana 2:22 ပူးပေါင်းရင်းမြစ်များ

Zaburi 16:10

Kum ibiweko ng’eyong’ec para ngo i liel: Kadi ng’atu maleng’ peri de ibiweko ngo ya enen top.

Luka 24:26

Kristu kousendre be ku gin maeni ngo kan emond i dwong’ pare?

Luka 24:44

Man ewacu igi kumae, Maeni en e lembe para m’ayero iwu, ma fodi ani i beng’wu, nia gin ceke koutimbre be kakare, m’ugore pira i cik pa Musa, ku jubila, ku i zaburi de.

Yohana 12:16

Julub ular ung’eyo gin maeni ngo: ento ka Yesu daru doko dwong’, e gilund gipoi nia gin maeni yang’ ugore pire, man nia gitimo gin maeni ire.

Yohana 14:26

Ento Jajuk, ma Tipo Maleng’, ma Wego bioro ku nyinga, ebiponjowu ku gin ceke, man ebipoyowu kum lembe ceke m’ayero iwu.

Yohana 16:4

Ento ayero giki maeni iwu, kara ka saa migi bino, wupoi pigi, nia ayero iwu. Gin maeni ayero iwu ku kwong’a ngo, kum wanuti wakudu.

Yohana 2:11

Thekri mi giranyutha pare maeni Yesu timo i Kana mi Galilaya, man enyutho dwong’ pare; julubne de giyie.

Yohana 2:17

Julubne poi nia egore kumae, Ava ot peri bicama.

Yohana 2:2

julwong’o Yesu bende, giku julubne de i ambadhane.

Tic Mi Jukwenda 11:16

E apoi pi lembe pa Rwoth, maram ewacu ko kumae, Yohana mio baputisi andha ku pi; ento wun re wubimaku baputisi ku Tipo Maleng’.

Tic Mi Jukwenda 13:33

nia Mungu ketho lembene timbre kakare ni nyithindho mwa, kum eketho Yesu cer; calu egore i zaburi mir arionde kumae, In i Woda, tin anyoli.