Yohana 17:2 - The Holy Bible In Alur (Lur) Revised Orthography

² cil calu imio ire ng’ol wi kum nzu, kara emi kwo ma rondo ku rondo ni ceke m’imio ire.

Yohana 17:2 ပူးပေါင်းရင်းမြစ်များ

Zaburi 110:1

Yehova wacu ni Rwoth para kuimae, Jany yo ku cinga ma yor acwic, Maram aketh ko judegini ni kom mi tiendi.

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Matayo 11:27

Vwa mio ira gin ceke: ng’atu moko mbe de m’ung’eyo Wod, ndhu Wego re; kadok Wego de ng’atu moko mbe m’ung’eyo, ndhu Wod, man ng’atu ma tek Wod uyenyo enyuthe ire.

Matayo 25:46

E joni gibicidho migi i masendi ma rondo ku rondo: ento weg bedopwe i kwo ma rondo ku rondo.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Yohana 17:24

Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo.

Yohana 17:6

Anyutho nyingi ni ju m’imio ira kud i ng’om: gi peri, man imiogi ira: man gidara woro lembe peri.

Yohana 17:9

Akwayu pigi: akwayu pi ng’om ungo, ento pi ju m’imio ira; kum gi peri:

Yohana 3:35

Wego maru Wod, man emio gin ceke i cinge.

Yohana 4:14

ento ng’atu ma tek umadhu pi m’amio ire rieu binege kendo ki ngo; ento pi m’abimio ire bidoko ni kulo ma dhenyni i ie ni kwo ma rondo ku rondo.

Yohana 6:27

Kud wutim pi cam ma nyothre, endre pi cemo m’ubedo mi kwo ma rondo ku rondo ma Wod dhanu bimio iwu: kum Wego, ma Mungu, mwono ayi i kume.

Yohana 6:37

Ceke ma Wego mio ira gibibino i bang’a: ng’atu m’ubino i bang’a de abibaye woko ki ngo.

Yohana 6:39

Man maeni en e yeny ma i ng’atu m’uora yenyo re, ya kum ceke m’emio ira moko kud urwiny ira, endre aketh ecung i kajikceng’.

Jurumi 6:23

Kum sukulia mi dubo en e tho; ento giramia ma Mungu mio mananu re en e kwo ma rondo ku rondo ni kum Kristu Yesu Rwoth mwa.

1 Jukorinto 15:25

Kum ebikocamu ker be, cil m’ebiketho ko jukwoje ceke the tiende.

Juefeso 1:20

m’etimo i Kristu, kan eting’e ku kind ju m’utho, man eketho ejany yo ku cinge ma yor acwic i ka mi polo,

Jufilipi 2:10

kara i nying’ Yesu cong ceke rum, m’i polo ku m’i ng’om ku ma the ng’om,

1 Timoteo 1:16

endre kum lembe maeni anwang’u kisa, kara Yesu Kristu nyuth mwonyolembe pare ceke m’emwonyo hai i kuma, ma an a jaditne, ni lembapora ni ju ma bidong’ yie cen, cil i kwo ma rondo ku rondo.

Juebrania 1:2

i dong’ nindo maeni eyero iwa i Wode, m’ekethe ni jacampacu mi gin ceke, piny bende ecwio ni kume;

1 Petro 3:22

m’eni yo ku cing’ Mungu ma yor acwic, m’edaru cidho i polo; ma juketho malaika ku ng’ol ku tego de bed wor ire.

1 Yohana 1:2

(kwone de nyuthre, e wadaru neno, wanyutho lembe de, wayero iwu de pi kwo, kwo ma rondo ku rondo, m’ubedo ku Wego, man enyuthre iwa de);

1 Yohana 2:25

Maeni lembang’ola m’eng’olo iwa, cil kwo ma rondo ku rondo.

1 Yohana 5:20

Wang’eyo de nia Wod Mungu bino, emio iwa ng’eyong’ec de, kara wang’ei ng’atu ma en e mandha, wabedo de i ng’atu ma en e mandha, ndhu i Wode Yesu Kristu. Maeni Mungu mandha, ku kwo ma rondo ku rondo.

Yuda 1:21

wukuru giwu i mer pa Mungu, ma wubekio ko kisa pa Rwoth mwa Yesu Kristu ni kwo ma rondo ku rondo.