Yohana 15:7 - The Holy Bible In Alur (Lur) Revised Orthography

⁷ Tek wubedo i ia, lem para de bedo i iwu, wupenj gin ma tek wuyenyo, manebitimbre iwu.

Yohana 15:7 ပူးပေါင်းရင်းမြစ်များ

1 Ubimo 3:5

Mungu nyuthre ni Suleman ku wang’ lek ku diewor: e Mungu wacu kumae, Penj gin m’abimio iri.

Kitabu Pa Yob 22:26

Kum anyong’a bilund negi kum Jategokpo, Man ibiting’o weng’i malu ba Mungu.

Kitabu Pa Yob 23:12

Adok cen ungo kum lembang’ola mi dendhoge; Akanu lembe mi dhoge ma sagu cemo ma kapara.

Zaburi 119:11

Akanu lembe peri i adundena, Kara kud adub iri.

Zaburi 37:4

Anyong’a bende negi giri i Yehova; Man ebimio iri yeny ma adundeni yenyo.

Lembrieko 10:24

Lworo pa jadubo, ebiwok i wie; Man yeny ma ju ma pwe yenyo bimire.

Lembrieko 4:4

Man eponja, man ewacu ira kumae: Wek adundeni mok kum lembe para: Wor lembang’ola para, man ibed kwo;

Isaya 58:8

E der peri bilund dhenjre calu rupiny, man cang peri biwodhre pio; bedopwe peri de bicidho i weng’i; dwong’ pa Yehova bibedo ni jamgwok i ng’ei.

Yeremia 15:16

Junwang’u lembe peri, man acamugi; e lembe peri bedo ni mutoro man ni anyong’a mir adundena: kum julwong’a ku nyingi, E Yehova, Mungu mir udul.

Matayo 7:7

Wukwai, man ebimire iwu; wuyeny, e wubinwang’u; wudwong’, e ebiyabre iwu:

Yohana 14:13

Man gin ma tek wubikwayu ku nyinga e abitimo ginde, kara Wego dok dwong’ i Wod;

Yohana 15:16

Wugoyo wia ngo, ento an e m’agoyo wiwu, akethowu de, kara wucidh wuceg nyingwu, nyingwune de dong’: kara gin ma tek wukwayu ba Wego ku nyinga, emi ginde iwu.

Yohana 16:23

I ceng’ maeno wubipenja ku penji moko ngo. Andhandha, ayero iwu kumae, Tek wubikwayu gin moko ba Wego, ebimie iwu ku nyinga.

Yohana 8:31

Ka kumeno Yesu wacu ni Juyahudi maeno m’uyie kumae, Tek wubedo i lem para, nwang’u wu julubna mandha;

Yohana 8:37

Ang’eyo nia wu kodhi Ibrahim; ento wuyenyo ka nega, kum ka lembe para mbe i iwu.

Jugalatia 4:2

ento eni the cing’ jugwokne ku jukurpiny bende cil i nindo ma won ung’olo.

Jugalatia 5:16

Ento awacu kumae, Wuwoth ku Tipo, e wubiketho awanya ma rac mi kum timbre kakare ngo.

Poi Mi Cik 6:6

E lembe maeni, m’ang’olo iri tin, bibedo wi adundeni;

Jukolosai 3:16

Wek lembe pa Kristu sagre i iwu; i rieko ceke ma wubeponjru man wubejukru ku lembwer man wer ku wer mi tipo, ma wubewero ku bero i adundewu ni Mungu.

1 Yohana 2:14

Agoro iwu, wego, kum wung’eyo ng’atu ma nuti ugambre ku kwong’a. Agoro iwu, awobi, kum wubedo tek, lembe pa Mungu de bedo i iwu, man wuloyo ng’atu ma rac.

1 Yohana 2:27

Ento wun re, wir ma wujolo i bang’e bedo i iwu, man can ponji ma nia ng’atu moko ponj kowu negowu ngo; ento calu wir pare ponjowu pi gin ceke, man en e andha, en e ndra de ngo, man cil calu eponjowu, wubed i ie.

1 Yohana 3:22

man gin ma tek wakwayu wagamu i bang’e, kum waworo cik pare watimo de gin ma nyayu mutoro i wang’e.

1 Yohana 5:14

Man maeni tegocwiny ma wabedo ko yor i bang’e, nia, tek wakwayu gin moko calku yeny ma ie yenyo, ewinjowa: