Yohana 13:8 - The Holy Bible In Alur (Lur) Revised Orthography

⁸ Petro wacu ire kumae, Ibilwoko tienda ki ngo. Yesu loko lembe ire kumae, Tek alwoki ngo, nwang’u maka peri mbe i bang’a.

Yohana 13:8 ပူးပေါင်းရင်းမြစ်များ

Thangambere 42:38

Man ewacu kumae, Woda biloro piny karacelo kudu ngo; kum umin utho, man edong’ e kende: tek gin ma rac utimbre i kume i yo ma wucidho i ie, wubilund tero lwar para ku can i liel.

2 Samwil 20:1

Man lembe podho nia ng’atu ma rac ni keca, ma nyinge Ceba, ma wod Bikri, ma Jabenyamini: e ekudho agwara, man ewacu kumae, Ka mwa mbe ba Daudi, kadok aba de mbe kudwa ba wod Yese: dhanu ceke kubang’gi kubang’gi ng’atuman udok i hema pare, E Israel.

1 Ubimo 12:16

E kinde ma Israel ceke neno nia ubimo winjo dwandgi ngo, e dhanu loko lembe ni ubimo, giwacu kumae, Makapiny mwa ang’o ma ni ba Daudi? kadok aba de ma nia wabed ko ba wod Yese: ba hema mu, E Israel: dong’ icung kum ot peri giri, Daudi. Kum kumeno Israel udck ba hema migi.

Zaburi 51:2

Lwoka ndhu ma njwa ni kier para, Man dwoka leng’ ni dubo para.

Zaburi 51:7

Dwoka leng’ kud alagi, man abibedo leng’: Lwoka, man abibedo tar sagu pei.

Isaya 4:4

nwang’u Rwoth ulwoko cilo mi nyig Sayuni cen, man eyweyo rimo mi Yerusalem kud i diere, ku tipo mi pokolembe, man ku tipo mi mac m’uwang’.

Ezekiel 36:25

Man abikiro pi ma leng’ i kumwu, e wubibedo leng’: abidwokowu leng’ ni cilo mu ceke, man ni mungu m’araga mu ceke.

Zekaria 13:1

I ceng’ maeca kulo m’udhenyni biyabre ni ot pa Daudi man ni ju m’ubedo i Yerusalem, pi dubo man pi cilo.

Matayo 16:22

Petro de game, emaku juke de, ewacu kumae, Maeni kud uwok i kumi, Rwoth: maeno biwok i kumi ki ngo.

Matayo 21:29

Man eloko lembe ewacu de kumae, Ayenyo ngo; ento macen elokre, ecidho de.

Matayo 26:33

Ento Petro loko lembe ewacu ire kumae, Kadok ceke bikier ni kumi, an re abikier ki ngo.

Matayo 26:35

Petro wacu ire kumae, Kadok atho karacelo kudi ngi, abikweri ngo. Julub ceke bende giwacu kumeca.

Yohana 13:6

Elund ebino ba Simon Petro; Ewacu ire kumae, Rwoth, ilwoko tienda?

Yohana 13:9

Simon Petro wacu ire kumae, Rwoth, tienda kende ngo, ento cinga ku wia bende.

Yohana 3:5

Yesu dwoko lembe kumae, Andhandha, awacu iri kumae, Tek jukunyolo dhanu ku pi ku Tipo de ngo, ecopo mondo i ker pa Mungu ngo.

Tic Mi Jukwenda 22:16

Kawono igalu nedi? ai malu, mak baputisi, lwok dubo peri woko, m’ilwong’ ko nyinge bende.

1 Jukorinto 6:11

Jumoko m’i kindwu de naka gi wagi ju ma kumeni: ento julwokowu, ento judwokowu leng’, ento lembe m’i wiwu gonjre i nying Rwoth Yesu Kristu, man i Tipo pa Mungu mwa.

Juefeso 5:26

kara edwoke leng’, m’edaru lonye ku lwok mi pi ku lembe,

Poi Mi Cik 12:12

Man anyong’a negwu i wang’ Yehova Mungu mu, wun, ku wotwu, ku nyigwu, man jumiru mu, ku bong’ mu, man Jalawi ma ni i dhugang’ mu, kum makapiny pare mbe kadok aba de mbe karacelo kudu.

Jukolosai 2:18

Ng’atu moko kud umai giragama mi kwaya mu ku yeny ma ie yenyo mi molcwiny ku rwo ma ni malaika de, m’ebedo ndhu i gin m’eneno, m’etingre mananu kum pidoic mi kum,

Jukolosai 2:23

Gin maeni bedo andha ni giranena mi rieko i rwo ma ijo maru, ku jwigri gijo, ku sendo kum: ento gin maeni kulokane mbe ma dhiro wi awanyakum.

Tito 3:5

ku tic ma i bedopwe ngo, ma watimo wan, ento calku kisa pare ebodhowa, ni kum lwok mi nyol ma nyen man mi dwokonyen mi Tipo Maleng’,

Juebrania 10:22

dong’ wacoru ceng’ni kud adunde mandha i pong’ mi yioyic ma adundewa bedo akira ni pidocwiny ma rac: ma kumwa de bedo alwoka ku pi ma leng’,

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 7:14

Man awacu ire kumae, Rwoth para, ing’eyo. Man ewacu ira kumae, Maeni gi ju m’uai i masendi ma dit, man gilwoko kendi migi, gidwokogi tar de i rimo pa Nyathi Rombo.