Yohana 10:9 - The Holy Bible In Alur (Lur) Revised Orthography

⁹ An a dhugola; tek ng’atu moko mondo yor i bang’a, ebiboth, man ebimondo ebiwok woko de, ebinwang’u arusi de.

Yohana 10:9 ပူးပေါင်းရင်းမြစ်များ

Zaburi 95:7

Kum en e Mungu mwa, Man wan wa dhanu mi kwac pare, man rombe mi cinge. Tinuni, a tek wubiwinjo dwande!

Isaya 40:11

Ebikwayu udul rombe pare calu jakwac, ebicoko nyithi rombe i bote, man ebiting’ogi i kore, man ebipeyo ju ma nyithindhgi nuti yo.

Ezekiel 36:38

Calu udul lim mi lam, calu udul lim mi Yerusalem i agbane ma juketho, adhura mir uvuru bipong’ kud udul dhanu kumeca; e gibing’eyo nia an a Yehova.

Zekaria 10:12

E abimio tego igi i Yehova; man gibiwotho malu ku piny i nyinge, Yehova wacu.

Yohana 10:1

Andhandha, ayero iwu kumae, ng’atu ma mondo i dwol mi rombe ku dhugola ngo, ento eidho ku yo ku mange, ng’atuca en e jakwo, man jayek.

Yohana 10:3

Jakur dhugola yabu ire; rombe de winjo dwande: man elwong’o rombe pare ma dhe ku nying’gi, etelo wigi de woko.

Yohana 10:7

Ka kumeno Yesu wacu igi kendo kumae, Andhandha, awacu iwu, An a dhugola mi rombe.

Yohana 14:6

Yesu wacu ire kumae, An a yo ku lemandha, ku kwo de: Ng’atu acel de mbe ma bino ba Wego, ndhu ni kuma re.

Juefeso 2:18

kum ni kume wan ario wa nwang’u mondo mwa ma wamondo ko ba Wego i Tipo acel.