7 Ka kumeno Yesu wacu igi kendo kumae, Andhandha, awacu iwu, An a dhugola mi rombe.
Wung’ei nia Yehova, en e Mungu: En e en m’etimowa, man wa pare; Wan wa dhanu pare, man rombe mi kwac pare.
Kum kumeno wan wa dhanu peri man rombe mi kwac peri Wabifoi mi nja: Wabinyutho pak peri ni dhanum’utuk ceke.
Kum en e Mungu mwa, Man wan wa dhanu mi kwac pare, man rombe mi cinge. Tinuni, a tek wubiwinjo dwande!
Kawa ceke wakier calu rombe; wakier kubang’wa kubang’wa ng’atuman i yoje gire man i yoje gire; man Yehova ketho kier mwa ceke i wie.
E wun wu rombe para, rombe mi kakwae para, wu dhanu, man an a Mungu mu, Rwoth Yehova wacu.
Calu udul lim mi lam, calu udul lim mi Yerusalem i agbane ma juketho, adhura mir uvuru bipong’ kud udul dhanu kumeca; e gibing’eyo nia an a Yehova.
Andhandha, ayero iwu kumae, ng’atu ma mondo i dwol mi rombe ku dhugola ngo, ento eidho ku yo ku mange, ng’atuca en e jakwo, man jayek.
An a dhugola; tek ng’atu moko mondo yor i bang’a, ebiboth, man ebimondo ebiwok woko de, ebinwang’u arusi de.
Yesu wacu ire kumae, An a yo ku lemandha, ku kwo de: Ng’atu acel de mbe ma bino ba Wego, ndhu ni kuma re.
kum ni kume wan ario wa nwang’u mondo mwa ma wamondo ko ba Wego i Tipo acel.