Yohana 10:3 - The Holy Bible In Alur (Lur) Revised Orthography

³ Jakur dhugola yabu ire; rombe de winjo dwande: man elwong’o rombe pare ma dhe ku nying’gi, etelo wigi de woko.

Yohana 10:3 ပူးပေါင်းရင်းမြစ်များ

Zaburi 80:1

Cik ithi, E Jakwac mir Israel, In m’itelo wi Yusuf calu udul rombe; In m’ibedo malu wi kerubi, irieny.

Ai 33:17

E Yehova wacu ni Musa kumae, Abitimo gin maeni bende m’iyero; kum inwang’u bero i wang’a, man ang’eii ku nyingi.

Lembrieko 27:23

Bed kud amora m’ing’ei ko maram udul rombe peri bedo ko, Man inen kum udul lim peri cu:

Wer Pa Suleman 8:13

In m’ibedo i podho, Juwedu ciko ithgi kara giwinj dwendi: Keth awinje.

Isaya 40:11

Ebikwayu udul rombe pare calu jakwac, ebicoko nyithi rombe i bote, man ebiting’ogi i kore, man ebipeyo ju ma nyithindhgi nuti yo.

Isaya 42:16

Man abikelo abinga kud i yo ma ging’eyo ngo; abipeyogi i yo ma ging’eyo ngo; abidwoko mudho ni der i wang’gi, man abitiro ka m’ugondre. Abitimo gin maeni, man abikunogi ngo.

Yohana 10:14

An a jakwac ma ber; man ang’eyo para ma dhe, para ma dhe de ging’eya,

Yohana 10:16

Rombe para mange nuti, ma gi mi dwonduni ngo: gin bende akoakelgi be, man gibiwinjo dwanda; gibidoko udul acel de, ku jakwac acel.

Yohana 10:4

Kan edaru wodho pare ma dhe ceke woko, etelo wigi, e rombe de gilubo ng’eye: kum ging’eyo dwande.

Yohana 10:9

An a dhugola; tek ng’atu moko mondo yor i bang’a, ebiboth, man ebimondo ebiwok woko de, ebinwang’u arusi de.

Yohana 6:37

Ceke ma Wego mio ira gibibino i bang’a: ng’atu m’ubino i bang’a de abibaye woko ki ngo.

Yohana 6:45

Egore i lem jubila kumae, Gin ceke gibinwang’u ponji ba Mungu. Dhanu ceke kubang’gi m’uwinjo ba Wego, m’ugamu ng’eyo de gibino i bang’a.

Jurumi 8:30

man ju m’elar ekethogi, elwong’ogi bende: man ju m’elwong’o egonyo lembe m’i Wigi bende: man ju m’egonyo lembe m’i wigi, joca e m’eyungogi bende.

1 Jukorinto 16:9

kum Mungu daru yabu ira dhugola ma dit mi kuloka ma dit, man ke judegi gi dupa.

Jufilipi 4:3

Eyo, akwei ma tek bende, jatic ma ku mberembere andha, kony mon maeni, kum wamula ku tic wakugi i lembanyong’a ma juboth ko, ku Klement bende, man jutic wada m’udong’ de, ma nying’gi ni i kitabu mi kwo.

Jukolosai 4:3

karacelo ku maeni wurwo iwa bende, kara Mungu yab iwa dhugola ni lembe, kara wayer giramung’a pa Kristu, ma an bende ani i kol pire;

2 Timoteo 2:19

Ento ther ukungu lembe pa Mungu cungo ki, m’ebedo kud ayi mae, Rwoth ung’eyo ju ma gi jupare: man, dong’ dhanu ceke kubang’gi kubang’gi ma gilwong’o nying Rwoth giwek tic ma en e tic mi bedopwe ngo.

1 Petro 1:12

M’unyuthre igi, nia igi gigi ngo, ento iwu, gitimo gin maeni, ma kawono uyere iwu ni kum ju ma giyero iwu lembanyong’a ma juboth ko ku Tipo Maleng’ ma juore kud i polo; ma malaika giyenyo ging’i i ginde.

1 Yohana 4:6

Wan wa pa Mungu: ng’atu m’ung’eyo Mungu winjowa; ng’atu ma pa Mungu ngo winjowa ngo. Kum maeni wang’eyo tipo mi lemandha, ku tipo mi kier.

3 Yohana 1:14

ento ageno ya fodi nyanok abineni, man wabiweco ma wanendra ku wang’wa.

Lembanyutha 20:15

Man tek ng’atu moko junwang’u nyinge kugore i kitabu mi kwo ngo, jubaye i nammac.

Lembanyutha 3:20

Nen, acungo dhugola man adwong’o: tek ng’atu moko winjo dwanda man eyabu dhugola, abimondo i bang’e, man wabicamu wakude, en de kuda.

Lembanyutha 7:17

kum Nyathi Rombo ma ni i kind komker ebibedo jakwac migi, man ebitelo wigi ba pi mi kwo ma dhenyni: man Mungu biyweyo piwang’ pet kud i wang’gi.