Yohana 10:18 - The Holy Bible In Alur (Lur) Revised Orthography

¹⁸ Ng’atu moko mbe ma kabe kud i bang’a, ento amie gira. Abedo ku tego m’amie ko, man abedo ku tego m’agame ko kendo. Ajolo cik maeni ba Vwa.

Yohana 10:18 ပူးပေါင်းရင်းမြစ်များ

Yohana 10:11

An a jakwac ma ber: jakwac ma ber mio kwo pare pi rombe.

Yohana 10:15

cil calu Wego ng’eya, an de ang’eyo Vwa; man amio kwo para pi rombe.

Yohana 10:17

Ka kumeno Vwa mar a, kum amio kwo para, kara agame kendo.

Yohana 14:31

ento kara ng’om ung’ei nia amaru Wego, man calu Wego mio ira cik, e an bende atimo kumeno. Wuai, wacidhu.

Yohana 15:10

Tek wuworo cik para, wubibedo i mema; cil calu aworo cik pa Vwa, abedo de i merne.

Yohana 19:11

Yesu loko lembe ire kumae, Tego peri mbe m’itimo ko gin moko i kuma, tek emire iri ku malu ngo: ka kumeno ng’atu m’uciba iri dubo pare sagu.

Yohana 5:26

Kum calu Wego bedo ku kwo i ie gire, cil kumeno emio ni Wod bende ku kwo i ie gire:

Yohana 5:30

Acopo timo gin moko gira ngo: calu awinjo, e apoko lembe: man pokolembe para de pwe; kum asayu yeny ma ia yenyo ngo, ento yeny ma i ng’atu m’uora yenyo re.

Yohana 6:38

Kum aloro kud i polo piny, nitimo yeny ma ia yenyo an ungo, ento yeny ma i ng’atu m’uora yenyo re.

Tic Mi Jukwenda 2:24

ma Mungu ketho ecer, m’egonye ko ku i masendi mi tho: kum ecopre ngo ya ebed kudo.

Tic Mi Jukwenda 2:32

Yesu maeni Mungu ketho ecer, ma kawa ceke de wa jumulembene.

Tic Mi Jukwenda 3:15

man wunego Jathek kwo; ma Mungu ketho ecer ku kind ju m’utho; wa jumulembe de kum maeni.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Juebrania 2:9

Ento wanene ma judwoke piny nyanok ma sagu malaika, en e Yesu, ni kum sendri mi tho ma juketho jamkermiwic mi dwong’ man yung i wie, kara ni kum bero pa Mungu ebil tho pi dhanu ceke kubang’gi kubang’gi.