Yohana 10:16 - The Holy Bible In Alur (Lur) Revised Orthography

¹⁶ Rombe para mange nuti, ma gi mi dwonduni ngo: gin bende akoakelgi be, man gibiwinjo dwanda; gibidoko udul acel de, ku jakwac acel.

Yohana 10:16 ပူးပေါင်းရင်းမြစ်များ

Thangambere 49:10

Uludhker biai ungo ba Yuda, Kadi uluth pa jabim ku kind tiende, Cil ma Cilo bino ko; Man woro mi kodhidhanu bibedo ire

Zaburi 86:9

Thek ceke m’itimo bibino man gibirwo i weng’i, E Rwoth; Man gibiyungo nyingi.

Eklizia 12:11

Lembe mi jurieko calu dindo; man lembe mi judongo mi cokri calu musumali ma juguro ma tek, m’uai ku ba jakwac acel.

Isaya 11:10

Man ebitimbre i ceng’ maeca, nia ulag Yese, m’ucungo ni abera ni kodhidhanu, thek biyenyo i bang’e; man kayom pare bibedo mi dwong’.

Isaya 43:6

abiwacu ni yor ariwa ma malu kumae, Wodhi; man ni yor ariwa ma piny kumae, Kud icer; kel wota ku bor, man nyiga kud i kajik mi ng’om;

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 52:10

Yehova wanyu bote ma leng’ i wang’ thek ceke; man kajik mi ng’om ngung’ uneno both pa Mungu mwa.

Isaya 56:8

Rwoth Yehova, m’ucoko ju ma jubayu mir Israel, uwacu kumae, Fodi abicoko jumange i bang’e, medo jupare ma dhe ma jucoko.

Ezekiel 34:12

Calu jakwac yenyo udul rombe pare i ceng’ m’eni i kind rombe pare m’ulal mba mba, abiyenyo rombe para kumeca; man abibodhogi kud i ka ceke ma gilal i ie i ceng’ mir afuru ma col de.

Ezekiel 34:23

Man abiketho jakwac acel i wigi, e e’oikakugi ku cam, en e jatic para ma Daudi; ebikakugi ku cemo, man ebibedo jakwac migi.

Ezekiel 34:6

Rombe para wire kud i gudi ceke, man wi ungulu gudi kubang’e kubang’e; eyo, rombe para lal wi wang’ ng’om ceke; e ng’atu moko mbe m’uyenyo kadi m’usayu tokgi.

Ezekiel 37:22

man abidwokogi ni thek acel i ng’om, wi gudi mir Israel; man ubimo acel bibedo ubimo migi ceke; e gibibedo thek ario kendo ngo, kadi gibipokri ker ario kendo ki ngo;

Ezekiel 37:24

Man jatic para ma Daudi bibedo ubimo i wigi; man kagi ceke gibibedo ku jakwac acel: gibiwotho i lembapoka para bende, man gibiworo cik para, gibitimogi de.

Hoseya 1:10

Ento wel mi nyithindho mir Israel bibedo calu kwio mi nam, ma pore ngo ma kwandre de ngo; man ebitimbre nia, i ka ma juwacu ie igi kumae, Wu dhanu para ngo, jubiwacu igi kumae, Wun wu wot Mungu ma kwo.

Zekaria 2:11

Man thek dupa gibiribri ba Yehova i ceng’ maeca, man gibibedo dhanu para; man abibedo i kindi, e ibing’eyo nia Yehova mir udul uora i beng’i.

Matayo 17:5

Kinde m’ebeweco, nen, afuru m’urieny uketho tipo i wigi: man nen, dwal uwacu ku i afuru kumae, Meni Woda ma jamerna, ma anyong’a nega i kume; wuwinje.

Luka 15:8

Kadi dhaku makani ma won sente apar, tek ng’ete acel urwinyo ire, ecwinyo thala ngo, eyweyo ot de, eyenyo mor mor ungo maram enwang’e ko?

Yohana 10:11

An a jakwac ma ber: jakwac ma ber mio kwo pare pi rombe.

Yohana 10:2

Ento ng’atu ma mondo ku dhugola en e jakwac mi rombe.

Yohana 10:27

Rombe para winjo dwanda, man ang’eyogi, gilubo ng’eya de:

Yohana 10:3

Jakur dhugola yabu ire; rombe de winjo dwande: man elwong’o rombe pare ma dhe ku nying’gi, etelo wigi de woko.

Yohana 10:4

Kan edaru wodho pare ma dhe ceke woko, etelo wigi, e rombe de gilubo ng’eye: kum ging’eyo dwande.

Yohana 10:5

Man gibilubo ng’ei welo ngo, ento gibipiei ire: kum ging’eyo dwand welo ngo.

Yohana 11:52

man pi thek kende ngo, ento kara ecok nyithindho pa Mungu m’ulal mba bende i acel.

Yohana 17:20

Joni kendgi ngo m’abekwayu pigi, endre pi ju m’ubeyio ira bende ni kum lem migi;

Yohana 6:37

Ceke ma Wego mio ira gibibino i bang’a: ng’atu m’ubino i bang’a de abibaye woko ki ngo.

Tic Mi Jukwenda 15:14

Simeon ugonyo iwa maram yang’ Mungu liewo ko Thekdhanumange ku kwong’a kara ewodh dhanu moko kud i kindgi pi nyinge.

Tic Mi Jukwenda 18:10

kum wanuti wakudi, ng’atu moko mbe de ma bitimo rac i kumi: kum abedo ku dhanu dupa i adhura nini.

Tic Mi Jukwenda 22:14

Man ewacu kumae, Mungu pa kwaruwa kethi kara ing’ei gin ma ie yenyo, inen Ng’atu ma Pwe de, man iwinj dwal m’uai i dhoge bende.

Jurumi 11:25

Kum ayenyo ngo, umego, ya wubed cobo ni giramung’a maeni, kara kud wubed riek i weng’wu giwu, nia ng’et nwang’cwiny upodho wi Israel, cil ma pong’ mi Thekdhanumange wok ko;

2 Jutesaloniki 2:13

Ento maku wami foyofoc ni Mungu thiri thiri piwu be, umego ma jumer pa Rwoth, kum nia Mungu goyo wiwu ku kwong’a ni both i dwokrileng’ mi Tipo ku yioyic mi lemandha:

Juebrania 13:20

Nie Mungu mi kwiocwiny, m’ekelo jakwac ma dit mi rombe kendo m’ecer ku kind ju m’utho ni kum rimo mi lembariba mi nja, en e Rwoth mwa ma Yesu,

1 Petro 2:10

wun ma naka wu dhanu ngo, ento kawono wu dhanu pa Mungu: wun ma naka fodi wunwang’u kisa ngo, ento kawono wudaru nwang’u kisa.

1 Petro 2:25

Kum nwang’u wubekiewo calu rombe; ento kawono wudwogo ba Jakwac ku Jalieu mi ng’eyong’ec mu.

1 Petro 5:4

E ka Jakwac ma dit binyuthre, wubigamu jamkermiwic mi dwong’ ma duny woko ngo.

Lembanyutha 3:20

Nen, acungo dhugola man adwong’o: tek ng’atu moko winjo dwanda man eyabu dhugola, abimondo i bang’e, man wabicamu wakude, en de kuda.