Yohana 10:1 - The Holy Bible In Alur (Lur) Revised Orthography

¹ Andhandha, ayero iwu kumae, ng’atu ma mondo i dwol mi rombe ku dhugola ngo, ento eidho ku yo ku mange, ng’atuca en e jakwo, man jayek.

Yohana 10:1 ပူးပေါင်းရင်းမြစ်များ

Yeremia 14:15

Ka kumeno Yehova wacu kumae pi jubila m’uewo ku nyinga, man aorogi ngo, ento giwacu kumae, Palamularu ku ndru bibedo i ng’om maeni ngo: Jubila maeno bithum ku palamularu ku ndru.

Yeremia 23:21

Aoro jubila maeni ngo, ento giringo: ayero igi ngo, ento giewo.

Yeremia 23:32

Nen, agoyo kora kum ju ma ewo lek mi ndra, Yehova wacu, man ma giyero lekne, man ma giketho dhanu para kier ku ndra migi, man ku kulula migi mananu: ento aorogi ngo, kadi ang’olo igi de ngo; kadi kulokagi de ki mbe ni dhanu maeni, Yehova wacu.

Yoel 2:9

Gipiei wi adhura; giringo wi gang’kidi; giidho malu i udi; gimondo ku wang’ot calu jakwo.

Matayo 7:15

Wukuru ni jubila mi ndra, m’ubino i beng’wu ku kendi mi rombe, ento ku yor i igi gin urudi m’uwor.

Yohana 10:7

Ka kumeno Yesu wacu igi kendo kumae, Andhandha, awacu iwu, An a dhugola mi rombe.

Yohana 3:3

Yesu dwoko lembe ewacu ire kumae, Andhandha, awacu iri kumae, Tek junyolo dhanu nyen ungo, ecopo neno ker pa Mungu ngo.

Jurumi 10:15

man gibiyero nenedi, tek juorogi ngo? cil calu egore kumae, Ei karamb ber mi tiend ju m’ukelo lembanyong’a ma juboth ko mi gin ma ber!

Jurumi 16:18

Kum ju ma kumeno gitimo ni Rwoth mwa Kristu ngo, endre ni usauigi gigi: man giwondo adunde mi ju m’ung’eyo lembe ngo ku wec migi ma mit ma yom de.

Tito 1:11

ma jukojumi dhoggi be; ku ju ma giredho udi kpo, ma giponjo gin ma maku ku giponji, ni kuloka ma rac.

Juebrania 5:4

Man ng’atu moko mbe m’ugamu yung maeni ire gire, ento kan elwongre ni kum Mungu, cil calu Harun.

1 Petro 1:10

Pi both maeni jubila gisayu man giyenyo cu, ma giewo pi bero ma bibino i beng’wu:

2 Petro 2:1

Ento jubila mi ndra bende wok i kind dhanu, calu i kindwu bende juponji mi ndra bibedo nuti, ma gibikelo ponji mi ndra mi nyoth nyalwe, ma gikwero ko cil Rwoth m’ung’iewogi, ma gikelo ko nyoth pio i wigi gigi.

2 Petro 2:3

I kethocwiny ma giketho hai kum piny gibitimo i kumwu ku lembabombi kara ginwang’ kuloka: ma pokolembe migi gambre con ugalu ngo, nyoth migi de nindo ngo.

1 Yohana 4:1

Jumer, kud wuyi tipo ceke, ento wuponj tipo, tek giai ba Mungu, kum jubila mi ndra dupa cidho nge nge i ng’om.