Yohana 1:14 - The Holy Bible In Alur (Lur) Revised Orthography

¹⁴ Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 1:14 ပူးပေါင်းရင်းမြစ်များ

Zaburi 2:7

Abiyero pi lembang’ola: Yehova wacu ira kumae, In i woda; Tin anyoli.

Zaburi 45:2

In i ber ma sagu nyithindho mi dhanu; Bero konjre i dendhogi: Ka kumeno Mungu mio mugisa iri mi nja.

Zaburi 85:9

Andha both pare ni ceng’ni ju m’ulwore, Kara dwong’ ubed i ng’om mwa.

Isaya 40:5

E dwong’ pa Yehova binyuthre, man weg kum ceke binene karacelo; kum dhu Yehova yero maeni.

Isaya 53:2

Kum edongo i wang’e calu girapidha ma ng’ic, man calu ulag piny kud i ng’om m’uthwo: kite kadi berone de mbe; man kinde ma wanene, bero moko mbe ma nia wayenye.

Isaya 7:14

Ka kumeno Rwoth en ebimio giranyutha iwu: nen, nyaku ma ng’won bigamu ie, man ebinyolo nyathin ma nico, e jubilwong’o nyinge Imanuel.

Ezekiel 37:27

Hema para bende bibedo karacelo kugi; man abibedo Mungu migi, man gibibedo dhanu para.

Matayo 1:16

Yakobo ke nyolo Yusuf ma cwar Mariamu, m’unyolo Yesu, ma julwong’o Kristu.

Luka 2:11

kum tinuni junyolo iwu i adhura pa Daudi Jalar, ma en e Kristu ma Rwoth.

Luka 2:7

Man enyolo wode ma kayu; eboye ku bongu mi mukere, man epiele i ka cemo mi dhiang’, kum kabedo mbe igi i odwelo.

Luka 9:32

Nie Petro giku ju ma ginuti gikugi nindo benurogi: ento ka giceu terere, gineno dwong’ pare ma dhe, ku juario ma gicungo gikugi.

Yohana 1:1

Ku kwong’a Lembe nuti, Lembe de bedo ku Mungu, Lembene de en e Mungu.

Yohana 11:40

Yesu wacu ire kumae, Awacu iri ngo, nia, tek iyio, ibineno dwong’ pa Mungu?

Yohana 14:6

Yesu wacu ire kumae, An a yo ku lemandha, ku kwo de: Ng’atu acel de mbe ma bino ba Wego, ndhu ni kuma re.

Yohana 14:9

Yesu wacu ire kumae, Nindo ma wabedo wakudu ie hai ngi e, fodi ing’eya ngo, Filipo? ng’atu m’uneno an nwang’u eneno Wego; nedi iwacu kumae, Nyuth iwa Wego?

Yohana 17:22

Man dwong’ m’idaru mio ira amio igi; kara gibed acel, cil calu wan wan acel;

Yohana 17:24

Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo.

Yohana 18:37

Pilato lund uwacu ire kumae, Kara in i ubimo? Yesu loko lembe kumae, Iyero dhe nia an a ubimo. Junyola pi maeni, man abino i ng’om de pi maeni, kara anyuth pi lemandha. Ku ba dhanu ceke ma mi lemandha winjo dwanda.

Yohana 2:11

Thekri mi giranyutha pare maeni Yesu timo i Kana mi Galilaya, man enyutho dwong’ pare; julubne de giyie.

Yohana 3:16

Kum Mungu maru ng’om mumbe, ketho emio Wode kulong’, kara ng’atu ma tek uyie kud erwiny ki, endre ebed ku kwo ma rondo ku rondo.

Yohana 3:18

Ng’atu m’uyie lem pare pokre ngo: ng’atu m’uyio ngo lem pare daru pokre rac, kum eyio nying Wod Mungu kulong’ ungo.

Yohana 6:51

An a kwen mi kwo m’uai i polo loro piny: tek ng’atu moko camu kwen maeni, ebibedo rondo ku rondo: eyo kwen de m’abimio en e ring’ kuma, pi kwo mi ng’om.

Yohana 8:32

man wubing’eyo lemandha, e lemandhane bigonyowu.

Tic Mi Jukwenda 13:33

nia Mungu ketho lembene timbre kakare ni nyithindho mwa, kum eketho Yesu cer; calu egore i zaburi mir arionde kumae, In i Woda, tin anyoli.

Jurumi 8:3

Kum gin ma copre ngo ni cik, kum ebedo ng’ic ni kum kum, Mungu, m’eoro Wode ma dhe i ayi kum mi dubo man pi dubo, epoko lembe rac kum dubo i kum:

Jurumi 9:5

ma kwaru en e migi, ma Kristu bende ai i bang’gi calku kum, ma ceke eni i wie, Mungu ma won mugisa ma nja. Amen.

1 Jukorinto 15:47

Ng’atu ma ma kwong’a ca eai i ng’om, en e mi ng’om; ng’atu ma mir arionde en e mi polo.

2 Jukorinto 12:9

Man ewacu ira kumae, Berona romi: kum tegona doko ndhu cu i ng’ic. Kum kumeno abilula kum ng’ic para kud anyong’a m’usagu dit, kara tego pa Kristu bed i kuma.

Jugalatia 4:4

ento ka nindo m’uromo wok, Mungu oro Wode, ma nyaku nyolo, ma junyolo the cik,

Juefeso 3:8

Bero maeni jumio ira, an nini m’a nok ma sagu jumaleng’ ceke, ya ayer pi lonyo pa Kristu ma yenjre ngo ni Thekdhanumange;

Jukolosai 1:19

Kum ebedo ber ni Wego ya pong’ mi gin ceke bed i ie;

Jukolosai 2:3

ma piny m’akana ceke mi rieko ku ng’eyong’ec de ubedo apana i ie.

Jukolosai 2:9

kum Rucwic upong’ thur i ie ma ku kum,

1 Timoteo 3:16

Ebedo mi piem ungo nia giramung’a mi bedo ma ayi Mungu ni kume e dit; Ng’atu m’unyuthre ku kum, Tipo nwang’u lembe pare ber, Malaika de gineno, Juyero pire de i kind thek, Juyic de i ng’om, Jujole de malu i dwong’.

Juebrania 1:3

en m’e car m’ucare mi dwong’ pare, man en e ayi mi kit kume, man gin ceke thiere ni kum lembe mi tego pare, kan etimo lwok mi dubo, ejany piny yo ku cing’ ma yor acwic mi Dwong’ ka ma malu;

Juebrania 1:5

Kum ni malaika makani m’eyero ire kumae, i nindo moko, In i Woda, I ceng’ maeni anyoli? man kendo, Abibedo ire ni Wego, Man ebibedo ira ni Wodo?

Juebrania 10:5

Kum kumeno kan ebino i ng’om, ewacu kumae, Lam ku giramia ayenyo ngo, Ento iyiko ira kum;

Juebrania 2:11

Kum en m’edwoko jo leng’ man ju ma judwokogi leng’ ceke giai ba ng’atu acel: kum lembe nini lewic unege ngo nilwong’ogi umego,

Juebrania 5:5

Kumeno Kristu bende yungre gire ngo ya jukethe ni jalam ma dit, ento ng’atu m’uyero ire kumae, In i Woda; Tin anyoli:

1 Yohana 4:14

E waneno man wanyutho lembe de nia Wego oro Wod ubed ni Jalar mi ng’om.

1 Yohana 4:9

I maeni mer pa Mungu nyuthre iwa, nia Mungu oro Wode kulong’ i ng’om kara wabed kwo ni kume.

2 Yohana 1:7

Kum weg awondi dupa giwok gimondo i ng’om, ndhu ju ma gituco ngo nia Yesu Kristu bino ku kum. Maeni en e jawondi man japiem Kristu.

Lembanyutha 19:13

Man eronjre ku kendi ma juvong’o rimo i kume; ma nyinge julwong’o Lembe pa Mungu.

Lembanyutha 21:3

Man awinjo dwal ma dit uai i komker uwacu kumae, Nen, hema pa Mungu ni karacelo ku dhanu, man ebibedo kugi, man gibibedo dhanu pare man Mungu ku kite bibedo karacelo kugi, ni Mungu migi: