Yohana 1:12 - The Holy Bible In Alur (Lur) Revised Orthography

¹² Ento ju m’ujole ceke, emio igi tego ma gidoko ko nyithindho pa Mungu, ni ju ma giyio nyinge:

Yohana 1:12 ပူးပေါင်းရင်းမြစ်များ

2 Samwil 7:24

Man iketho dhanu peri Israel ginyang’ iri kara gibed ni dhanu iri mi nja; man in, Yehova, idoko Mungu migi.

Isaya 56:5

Abimio igi nying’ mi poi i ot para man yor i gang’kidi para ma sagu nyithindho ma co ku nyithindho ma nyir; abimio igi nying’ mi nja, ma bikabre woko ngo.

Yeremia 3:19

Ento awacu kumae, Abikethi nenedi i kind nyithindho, m’ami ko iri ng’om ma ber, aba ma ber mir udul mi thek mire! man awacu kumae, Wubilwong’a Vwa, man wubilokru cen kum luba ngo.

Hoseya 1:10

Ento wel mi nyithindho mir Israel bibedo calu kwio mi nam, ma pore ngo ma kwandre de ngo; man ebitimbre nia, i ka ma juwacu ie igi kumae, Wu dhanu para ngo, jubiwacu igi kumae, Wun wu wot Mungu ma kwo.

Matayo 10:40

Ng’atu m’ujolowu nwang’u ejolo an, man ng’atu m’ujolo an nwang’u ejolo ng’atu m’uora.

Matayo 12:21

Man i nyinge Thekdhanumange bigeno.

Matayo 18:5

Man ng’atu ma tek bijolo nyathin ma nok acel ma kumeni i nyinga meca ejolo an.

Yohana 1:11

Ebino ba pare ma dhe, man ju ma gi pare ma dhene re gijole ngo.

Yohana 1:7

Ng’atuni bino pi nyuth, kara enyuth lembe mi der, kara dhanu ceke giyi ni kume.

Yohana 11:52

man pi thek kende ngo, ento kara ecok nyithindho pa Mungu m’ulal mba bende i acel.

Yohana 2:23

Nie kinde m’eni i Yerusalem i kadhukuwijo, i nindo mir agba, dhanu dupa giyio nyinge, ma gineno giranyutha pare m’etimoi.

Yohana 20:31

ento maeni gore kara wuyi nia Yesu en e Kristu, ma Wod Mungu; man kara ka wuyio wubed ku kwo i nyinge.

Yohana 3:18

Ng’atu m’uyie lem pare pokre ngo: ng’atu m’uyio ngo lem pare daru pokre rac, kum eyio nying Wod Mungu kulong’ ungo.

Tic Mi Jukwenda 3:16

Man ni kum yic mi nyinge e nyinge dwoko ng’atuni tek, ma wuneno wung’eyo de: eyo, yioyic ma ni kume e m’uketho ng’atuni doko cu ma ndhu i vutwu ceke.

Jurumi 8:14

Kum ku ba dhanu ceke ma Tipo Mungu telo wigi, maeni gi wot Mungu.

Jurumi 8:16

Tipo gire enyutho lembe karacelo ku tipo mwa, ya wa nyithindho pa Mungu:

Jurumi 8:19

Kum genogen mi giracwia pa Mungu ma kud avane ubekuro nyuthonyuth mi wot Mungu.

Jugalatia 3:26

Kum wun ceke wu wot Mungu, ni kum yioyic, i Kristu Yesu.

Jugalatia 4:6

Man kum wubedo wote, Mungu oro Tipo pa Wode i adundewa, m’uywak kumae, Abba, Vwa.

Jukolosai 2:6

Ka kumeno calu wudaru jolo Kristu Yesu ma Rwoth, e wuwoth i ie kumeno,

2 Petro 1:4

kum maeni emio iwa lembang’ola pare ma pire tek ma dwong’ apila de; kara ni kum maeni wudok jurib mi kura Rucwic, ma wudaru both ni nyoth ma ni i ng’om ni kum awanya ma rac.

1 Yohana 3:1

Wunen maram mer ma Wego maru kowa bedo ko m’emio iwa, ketho julwong’owa nyithindho pa Mungu; wabedo kumeno de. Kum lembe nini ng’om ung’eyowa ngo, kum eng’eye ngo.

1 Yohana 3:10

I maeni nyithindho pa Mungu nyuthri, man nyithindho pa wonabali: ng’atu ma tek timo bedopwe ngo nwang’u en e pa Mungu ngo, kadok ng’atu m’umaru umin ungo bende.

1 Yohana 3:2

Jumer, kawono wa nyithindho pa Mungu, endre fodi enyuthre ngo nia wabibedo ni ang’o. Wang’eyo nia, tek ebinyuthre, wabibedo calkude; kum wabinene cil calu ebedo.

1 Yohana 3:23

Maeni de cik pare, nia wayi nying Wode Yesu Kristu, man wamara cil calu emio iwa cik.