Yoel 3:9 - The Holy Bible In Alur (Lur) Revised Orthography

⁹ Wurwei lembe maeni i kind thek; wuyik ali; wuthub dhanu ma jutego; wek dhanu ceke mir ali gicor ceng’ni, wek giidh malu.

Yoel 3:9 ပူးပေါင်းရင်းမြစ်များ

Zaburi 96:10

Wuwac kind thek kumae, Yehova bimo: Ng’om bende cungo m’ecopo yengre ngo: Ebipoko lembe mi kodhidhanu pwe.

Isaya 34:1

Wubin ceng’ni, wu thek, kara wuwinji; man wuwinji, wu kodhidhanu: wek ng’om uwinji, kupong’ne; ng’om, ku gin ceke m’uai i bang’e.

Yeremia 31:10

Wuwinj lembe pa Yehova, E wu thek, man wuyer maeni i cula ma bor; man wuwac kumae, Ng’atu m’ulalu Israel bicoke, ebigwoke de, calu jakwac gwoko udul rombe pare.

Yeremia 50:2

Wuyer i kind thek man wurwei, wuketh abera malu de; wurwei, man kud wumung’: wuwac kumae, Jumaku Babeli, junyayu lewic wi Bel, cwiny Merodak ung’abre; junyayu lewic wi ayi gin m’acwia pare, jurwombo mungu m’araga pare piny.

Yeremia 51:11

Pak athero, mak ban ki: Yehova thubo cwiny ju m’ubimo mi Jumedi; kum lembakeca pare en e kum Babeli, kara unyothe: kum en e culokwor pa Yehova, culokwor mi hekalu pare.

Yeremia 51:27

Wuketh abera malu i ng’om, wukudh agwara i kind thek, wuyik thek i kume, wulwong’ ker mir Ararat, ku Mini, man Ackenaz karacelo i kume: wuketh jego i kume; wuketh riuni idh malu calu ukoko ma juyuke.

Yeremia 6:4

Wuyik ali i kume; wuai, man wek waidhu malu dieceng’. Can i wiwa! kum ceng’ uvoc, kum tipopiny mir uthieno umo piny.

Ezekiel 38:17

Rwoth Yehova wacu kumae: In i ng’atu m’ayero pire i nindo ma con ku dhu jutic para ma jubila mir Israel, m’uewo lembe i nindo maeca mi rundi dupa nia abikeli i kumgi?

Ezekiel 38:7

Bed ayika, eyo, yikri giri, in, ku njuru dhanu peri ceke m’ucokri i beng’i, man ibed jagwok migi.

Mika 3:5

Yehova wacu kumeni pi jubila m’uketho dhanu para kier; m’ukayu ku lakgi, m’uwacu de kumae, Kwiocwiny; man ng’atu ma tek uketho i dhoge ngo, giyiko ali i kume:

Hagai 2:7

man abiyengo thek ceke; man gin ma juketho cwiny i kume mi thek ceke bibino; e abipong’o ot maeni ku dwong’ Yehova mir udul uwacu.

Zekaria 14:2

Kum abicoko thek ceke utim ali kum Yerusalem; man jubimaku adhurane, e jubiyaku udi, man jubitimo mon rac; man ng’et adhurane bicidho i ng’eca, man dong’ dhanu bithumbri woko ngo ku i adhurane.

Zekaria 14:3

Yehova bilund cidho woko, man abitimo ali kum thek maeno, calu kan ekiedo i ceng’ mi lwiny.