ento, Calu Yehova, m’uwodho man m’utelo kodhi mi ot mir Israel kud i ng’om ma yor ariwa ma malu, man kud i ng’om ceke m’ariemogi i ie, ubedo kwo. E gibibedo i ng’om migi ma dhe.
Ka kumeno kud ilwor, E Yakobo ma jatic para, Yehova wacu; kadok cwinyi de kud ung’abre, E Israel: kum, nen, abibodhi ku bor, man kodhini kud i ng’om mi ng’eca migi; e Yakobo bidwogo, man ebibedo museme man yo, man ng’atu moko mbe ma binyayu lworo i ie.
Ka kumeno dhanu ceke m’ucemi jubicamugi; man jusend peri ceke, kubang’gi kubang’gi, gibicidho i ng’eca; man ju m’uyeki bidoko ni ayeki, man dhanu ceke m’umei abimiogi ni amaci.
Nen, abigamugi kud i ng’om ma yor ariwa ma malu, man abicokogi kud i ng’et ng’om ma wi tung’, man karacelo kugi ju ma abinga ku weg abala, dhaku ma ku nyathin man dhaku ma ku remokum mi nyodo gikude: udul ma dit gibidwogo keni.
Nen, abicokogi kud i ng’om ceke, m’ariemogi i ie ku ng’ecwiny para, man ku kwinyo para, man ku thungo ma dit; e abikelogi kendo kakeni, man abiketho gibedo museme.
Yo ng’ei nindo dupa jubiliewi: i rundi ma cen ibibino i ng’om ma judwoko ku ba palamularu, ma jucoko ku kind kodhidhanu dupa, wi gudi mir Israel, ma bedo ni uvuru thiri thiri; ento juwodhe woko ku kind kodhidhanu, man gibibedo museme, kagi ceke.
Tek ng’atu moko en e jathebkol, e ecidho i kol: tek ng’atu moko binego ku palamularu, en de jubikonege be ku palamularu. Twiocwiny ku yioyic mi jumaleng’ ni keni.
kum poko lembe pare gin andha man pwe; kum epoko lembe pa dhaku ma won asara ma dit, en m’enyotho ng’om ku tarwang’ pare, man eculo wang’ rimb jumiru pare i cinge.
Man Adoni-bezek uwacu kumae, Ubimo pier abiro, ma juthumo dwong’ lwet cing’gi ku dwong’ lwet tiendgi woko, gikwanyu cemo migi the mesa para: calu atimo, e Mungu timo i kuma kumeca. Man gikele i Yerusalem, e etho kuca.
E Samwil uwacu kumae, Calu palamularu peri ketho mon ubedo umbe nyithindho, e meru bibedo umbe nyithindho kumeca i kind mon. Man Samwil utong’o Agag i wath i wath i wang’ Yehova i Gilgal.