Yoel 3:5 - The Holy Bible In Alur (Lur) Revised Orthography

⁵ Kum wugamu mola ma tar para ku mola ma kwar para, man wutero gin para ma ber ma pire tek de i hekalu mu,

Yoel 3:5 ပူးပေါင်းရင်းမြစ်များ

2 Ubimo 12:18

Man Yehoac m’ubimo mi Yuda gamu gin ma leng’ ceke ma Yehocafat ku Yehoram man Ahazia, ma kwaru pare, m’ubimo mi Yuda, uthiero, man gin ma leng’ pare gire, ku mola ma kwar ceke ma ginwang’u i kakanpiny mi ot pa Yehova, man mi ot p’ubimo, man eore ba Hazael m’ubimo mi Cami: e eai ku kum Yerusalem.

2 Ubimo 16:8

E Ahaz ugamu mola ma tar ku mola ma kwar ma junwang’u i ot pa Yehova, man i kakanpiny mi ot p’ubimo, man eore ni giramia ni ubimo mir Ascur.

2 Ubimo 24:13

Man eyaku pinym’akana ceke m’i ot pa Yehova, ku pinym’akana m’i ot p’ubimo woko ku keca, man etong’o agulu mi mola ma kwar ceke nziki nziki, ma Suleman m’ubimo mir Israel utimo i hekalu pa Yehova, calu Yehova wacu.

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Yeremia 23:7

Ka kumeno, nen, ceng’ ubino, Yehova wacu, ma gibiwacu ie kendo ngo kumae, Calu Yehova, m’uwodho nyithindho mir Israel kud i Misiri, ubedo kwo;

Yeremia 50:28

Dwal mi ju m’uringo man m’uboth kud i ng’om mi Babeli, kara giyer i Sayuni pi culokwor pa Yehova Mungu mwa, en e culokwor mi hekalu pare.

Yeremia 51:11

Pak athero, mak ban ki: Yehova thubo cwiny ju m’ubimo mi Jumedi; kum lembakeca pare en e kum Babeli, kara unyothe: kum en e culokwor pa Yehova, culokwor mi hekalu pare.

Ezekiel 37:12

Ka kumeno cu lembe, man iwac igi kumae, Rwoth Yehova wacu kumae: Nen, abiyabu liel mu, man abiketho wuai malu kud i liel mu, E dhanu para; man abikelowu i ng’om mir Israel.

Daniel 11:38

Ento i kakare ebiyungo mungu mi ot ma tek; man mungu ma weggi ng’eyo ngo ebiyungo ku mola ma kwar, man mola ma tar, man ku kidi ma pire tek ku gin ma nyayu mutoro.

Obadia 1:17

Ento i got Sayuni ju m’uboth bibedo nuti, man ebibedo leng’; man ot pa Yakobo bimwonyo piny migi.