Yoel 2:2 - The Holy Bible In Alur (Lur) Revised Orthography

² ceng’ mi mudho man mi piny ma gbuku, ceng’ mir afuru man mi mudho ma mbitu, calu piny ma ru moire wi gudi; dhanu ma dongo ma jutego de; fodi gibedo calu maeni ngo, kadok yo ng’eigi de bibedo kumeni ngo cil i rundi mi dhanum’utuk dupa.

Yoel 2:2 ပူးပေါင်းရင်းမြစ်များ

Zaburi 10:6

Ewacu i adundene kumae, Lembe moko mbe ma bidieng’o cwinya; Ruvwa bikwanya ngo ku ba dhanum’utuk ceke.

Zaburi 97:2

Afuru ku mudho tieke gbur: Bedopwe ku pokolembe gi thepiny mi komker pare.

Ai 10:14

E bonyone idho malu wi ng’om Misiri ceke, man gipoto wi kieu mi Misiri ceke; gi rac dit; bonyo ma wadi maeca mbe m’ular uwok, kadi yo ng’eigi de moko mbe ma biwok kumeca.

Ai 10:6

e udi peri bipong’, ku udi mi jutic peri ceke, ku udi mi Jumisiri ceke; calu kadok kwaru peri, kadok kwaru mi kwaru peri gineno ngo, ugambre i ceng’ ma gini wi ng’om cil i ceng’ maeni. E elokre, man eai kud i vut Farao.

Ai 20:21

E dhanune gicungo ku bor, man Musa eoro ceng’ni ba mudho ma bii ka ma Mungu ni i ie.

Isaya 5:30

E gibiwoi i kumgi i ceng’ maeca calu woi mi nam: man tek ng’atu moko neno ba ng’om, nen, mudho ku lem ma tek; man der ucido i afurune.

Isaya 8:22

e gibineno yo ba ng’om, man, nen, lem ma tek ku mudho yimpiny mi ndiba; man jubiriemogi cen i mudho ma bii.

Yeremia 13:16

Mi dwong’ ni Yehova Mungu mu, ma fok’ewodho mudho, man ma fodi tiendwu kukier ungo wi gudi mi mudho, man, kinde ma wukio der, eloke ni tipopiny mi tho, man edwoke ni mudho ma bii.

Yeremia 13:6

Man etimbre yo ng’ei nindo dupa, nia Yehova wacu ira kumae, Ai, cidh i Frati, man igam thondhpier ku kuca, m’ang’olo iri ya ipan kuca.

Ywak 1:12

En e gin moko ngo iwu, wu ju ma wukadhu akadha ceke? Wunen, man wung’i tek can moko nuti ma calku can para, ma jukelo i wia, Ma Yehova senda kudo i ceng’ mi ng’ecwiny pare ma lake tek.

Ezekiel 32:7

Man kinde m’abideri, abiumo polo, man abidwoko cerone ni mudho; abiumo ceng’ kud afuru, man dwi bimio deroe ngo.

Ezekiel 34:12

Calu jakwac yenyo udul rombe pare i ceng’ m’eni i kind rombe pare m’ulal mba mba, abiyenyo rombe para kumeca; man abibodhogi kud i ka ceke ma gilal i ie i ceng’ mir afuru ma col de.

Ezekiel 38:9

Man ibiidho malu, ibibino calu wavuvu, ibibedo calu afuru ma umo ng’om, in, kud udul peri ceke, man kodhidhanu dupa karacelo kudi.

Daniel 12:1

Man i nindo maeca Mikael bicungo, jaditmawijo ma dwong’ m’ucungo kum juthu; man nindo mi masendi bibedo nuti, ma fokuwok ungo ugambre i thekri mi thek cil i nindo nino m’ubino: man i nindo maeca jubibodho juthu, ku ba dhanu ceke ma junwang’u egore i kitabu.

Daniel 9:12

Man etimo lembe pare kakare, m’eyero i kumwa, man i kum jupoklembe mwa ma gipoko lembe i wiwa, ku kelo lembe ma’rac dit i wiwa; kum the polo ceke gin moko mbe m’utimbre calu m’utimbre kum Yerusalem.

Yoel 1:6

Kum thek uidho wi ng’om para, ma tek, man ma welne mbe; lake en e lak umvor, man lake m’i lwokni en e pa min umvor.

Yoel 2:25

Man abidwoko iwu rundi ma bonyo camu i ie, ku nyathi bonyo, man nyathin abirbir, ku kukun, njuru asikari para ma dit m’aoro i kindwu.

Yoel 2:31

Ceng’ bilokre ni mudho, dwi de ni rimo, ma fodi ceng’ ma dit pa Yehova mi ndiri fok’uwok ungo.

Yoel 2:5

Calu ba magali die wi gudi gipor apora, calu ba lebmac m’uwang’u soka, calu dhanu ma tek ma juthero ni lwiny.

Yoel 3:4

Eyo, man wun ang’o ira, E Turo, man Sidon, ku ng’om ceke mi Filistia? wubiculo ira? man tek wuculo ira, abidwoko cul mu i wiwu tho man pio.

Amos 4:13

Kum, nen, ng’atu m’ung’ino gudi, m’ucwio yamu de, man m’uyero ni dhanu maram pidoic pare bedo ko; m’uloko kugweno ni mudho, man m’unyono ka ma malu mi ng’om, Yehova, Mungu mir udul, en e nyinge.

Zefania 1:7

Bed ling’ i vut Rwoth Yehova; kum ceng’ pa Yehova ni ceng’ni: kum Yehova yiko lam, elonyo welo pare.

Zekaria 14:6

E ebitimbre i ceng’ maeca, nia der bibedo mbe; ju m’urieny bicori cen:

Matayo 24:21

kum i nindo maeno masendi ma dit bibedo nuti, ma wagi maeno fokuwok ungo ugambre i thekri mi ng’om cil ku kawono de, ungo, kadi cil rondo ku rondo de biwok ungo.

Marko 13:19

Kum masendi bibedo nuti i ceng’ maeno, ma wagi maeno ubedo umbe ugambre i thangambere mi giracwia ma Mungu cwio cil ku kawono nini de, man ebibedo nuti kendo de ngo.

Poi Mi Cik 32:7

Poi kum nindo ma con, Poi kum rundi mi dhanum’utuk dupa: Penj wuru, e ebinyutho iri; Judongo peri, e gibiyero iri.

Juebrania 12:18

Kum wubino ngo ba got ma jucopo mulo, man m’uwang’ ku mac, man ni piny ma col bii, ku mudho, man wavuvu,

Yuda 1:13

gi mukura m’i nam ma dhongo, ma gibedhuro lewic migi gigi; gi cero m’ubewire rr, ma mudho ma col bii kandre igi mi rondo ku rondo.

Lembanyutha 9:2

Man eyabu dhu vur mi longro ma there mbe; e yiro thwogre kud i vur woko, calu yiro mir uka ma dit; man ceng’ ku lietho de uyutho ni kum yiro mi vur.