Yoel 2:12 - The Holy Bible In Alur (Lur) Revised Orthography

¹² Ento cil kawono, Yehova wacu, wulokru i bang’a kud adundewu ceke, man ku wekocam, man ku ywak, ku goyonduru de:

Yoel 2:12 ပူးပေါင်းရင်းမြစ်များ

2 Samwil 24:10

E adunde Daudi goye yo ng’ei kwanu dhanu m’ekwanu. Man Daudi wacu ni Yehova kumae, Adubo dit kum gin maeni m’atimo: ento kawono, E Yehova, akwei, cor kier pa jatic peri cen; kum atirtio kasegu dit.

2 Lemkei 30:6

Kum kumeno jukwenda gicidho ku waraga m’uai bang’ ubimo ku judongomawijo pare i kind Israel ceke mba mba ku Yuda, man calku lembang’ola p’ubimo, m’uwacu kumae, Wu nyithindho mir Israel, wulokru kendo ba Yehova, Mungu pa Ibrahim, kud Isak, man Israel, kara elokre ba dong’ kindwu m’uboth kud i cing ubimo mir Ascur.

2 Lemkei 6:27

dong’ ilund iwinj kud i polo, man iwek dubo mi jutic peri woko, man mi dhanu peri Israel, kinde m’iponjogi ku yo ma ber ma maku giwoth i ie; man ior koth wi ng’om peri, m’imio ni dhanu peri ni aba.

Ester 4:16

Cidhi, icok Juyahudi ceke ma ginuti i Cucan, man wuwek cam pira, man kud wucam kadok amadha de i nindo mi ceng’ adek, diewor kadi dieceng’: an bende ku jutic para ma nyir wabiweko cam kumeno; e kumeno abimondo bang’ ubimo, ma en e calku cik ungo: man tek arwinyo, de arwiny.

Ai 33:5

Man Yehova wacu ni Musa kumae, Wac ni nyithindho mir Israel kumae, Wu dhanu ma ng’utwu tek; tek aidho malu i kindi i kinde ma nyathigi, abijigo wii: ka kumeno kawono wodh ruko peri cen, kara ang’ei gin m’atim i beng’i.

Isaya 22:12

Man i ceng’ maeca Rwoth, Yehova mir udul, ulwong’o ywak ubed nuti, ku goyonduru, ku wie m’uwang’, man twic ma ku gonia:

Isaya 58:4

Nen, wukwiro cam mi yakni ku piem, man kara wugoi kud adhong mi dubo: wukwiro cam i ceng’ maeni ngo kara wuketh dwendwu winjre malu.

Yeremia 3:22

Wulokru, wu nyithindho m’ucoro cen, abicangu corocen mu. Nen, wabino i beng’i; kum in i Yehova Mungu mwa.

Yeremia 36:7

Kuno nyo gibithiero kwac migi i wang’ Yehova, man gibilokri kubang’gi kubang’gi ng’atuman kud i yo pare ma rac; kum ng’ecwiny man kwinyo ma Yehova ng’olo kum dhanu maeni e dit.

Yeremia 4:1

Tek ibidwogo, E Israel, Yehova wacu, tek ibidwogo i bang’a, man tek ibicoro ginmajudagu peri kud i wang’a; jubilund dakuwu ngo;

Yeremia 4:2

man ibikwong’o kwong’ kumae, Calu Yehova bedo kwo, i lemandha, i pokolembe, man i bedopwe; man thek bimio mugisa igi gigi ni kume, man gibiluli ni kume.

Ezekiel 33:11

Wac igi kumae, Calu abedo kwo, Rwoth Yehova wacu, anyong’a nega ngo kum tho pa jadubo; ento ya jadubo lokre kud i yo pare man ebed kwo: wulokru, wulokru kud i yo mu ma rac; kum wubitho nedi, E ot mir Israeli?

Daniel 9:3

Man aketho wang’a yo ba Rwoth Mungu, kara ayeny ku rwo man kwac, ku wekocam ku kendo usuba man vuru.

Hoseya 12:6

Ka kumeno lokri ba Mungu peri: gwok kisa ku lembapoka, man ikur Mungu peri thiri thiri.

Hoseya 12:7

En e jakuloka, mukero mir abombi ni i cinge: epiaru dimo wijo.

Hoseya 14:1

E Israel, dwog ba Yehova Mungu peri; kum ipodho kum kier peri.

Hoseya 6:1

Wubin wadwoga ba Yehova; kum eyeco, man ebicanguwa; egoyo, man ebiriwo wang’ kumwa.

Yoel 1:13

Wutwi usuba i pierwu, man wuywaki, wu julam; wugoi nduru, wu jutim mi pemblam; wubin, wuvut diewor soro i usuba, wu jutic pa Mungu para: kum girathiera mi mogo ku girathiera m’amadha jucero ni ot pa Mungu mu.

Zekaria 7:3

man kara giwec ku julam mi ot pa Yehova mir udul, man ku jubila, giwac kumae, Maku aywak i dwi mir abije, m’akoira ko gira, calu abedatimo i rundi dupa maeni?

Zekaria 7:5

Wac ni dhanu ceke m’i ng’om, man ni julam, wac kumae, Ka wuweko cam wuywak de i dwi mir abije man i dwi mir abirone, cil rundi pier abiro maeni, wukwiro cam ira pi gin moko, cil ira?

Malaki 1:9

Man kawono, akwayuwu, wukwai ngisi pa Mungu, kara ebed ku bero i kumwa: gin maeni wok ni kumwu: ebijolo kind kumwu moko? Yehova mir udul uwacu.

Tic Mi Jukwenda 26:20

ento ku kwong’a ayero ni ju ma Dameski, i Yerusalem de, kud i ng’om Yahudi ngung’ bende, ni Thekdhanumange bende, nia gilok cwinygi man gilokri ba Mungu, gitim tic de m’uromo ku lokocwiny.

Jupoklembe 2:4

Man etimbre, kinde ma malaika pa Yehova yero lembe maeni ni nyithindho mir Israel ceke, nia dhanune ting’o dwandgi malu, man giywak.

Jupoklembe 20:26

Nyithindho mir Israel ceke, ku dhanu ceke, giidho malu, man gibino Beth-el, e giywak, man gibedo keca i wang’ Yehova, man giweko cam i ceng’ maeca cil uthieno; man githiero lam m’awang’a ku lam mi kwiocwiny i wang’ Yehova.

1 Samwil 7:3

Man Samwil uyero ni ot mir Israel ceke, ewacu kumae, Tek wulokru ba Yehova kud adundewu ceke, e dong’ wukab mungu ma juwirok kud Actaroth cen kud i kindwu, man wudwok adundewu ba Yehova, man wutim ire kende; e ebibodhowu kud i cing’ Jufilisti.

1 Samwil 7:6

Man gicokri karacelo i Mizpa, e gitwomo pi, man gikonje woko i wang’ Yehova, e giweko cam i ceng’ maeca, man giwacu kumae keca, Wadubo ni Yehova. Man Samwil upoko lembe mi nyithindho mir Israel i Mizpa.