Yoel 2:1 - The Holy Bible In Alur (Lur) Revised Orthography

¹ Wukudh agwara i Sayuni, man wugoi nduru i got para ma leng’; wek dhanu ceke m’ubedo i ng’om kumgi miel: kum ceng’ pa Yehova bino, kum eni ceng’ni;

Yoel 2:1 ပူးပေါင်းရင်းမြစ်များ

I Lemkei 15:28

E kumeno Israel ceke kelo sanduk mi lembariba pa Yehova malu ku muzira, man ku badwal mir agwara, man kud agwara ma tung’, man kud umbukulumbu m’uwinjre dit, kud adungu man nanga.

Zaburi 119:120

Ring’kuma miel kum lworoni; Man lworo nega kum lembapoka peri.

Zaburi 87:1

Thepiny pare ni gudi ma leng’.

Ai 10:14

E bonyone idho malu wi ng’om Misiri ceke, man gipoto wi kieu mi Misiri ceke; gi rac dit; bonyo ma wadi maeca mbe m’ular uwok, kadi yo ng’eigi de moko mbe ma biwok kumeca.

Isaya 13:6

Wugoi nduru; kum ceng’ pa Yehova ni ceng’ni; ebibino calu nyoth m’uai ba Jategokpo.

Isaya 13:9

Nen, ceng’ pa Yehova bino, ma kisa mbe kude, ku kwinyo man ng’ecwiny ma lake tek; kara edwok ng’om ni uvuru, man kara enyoth judubone kud i ie.

Isaya 2:12

Kum ceng’ pa Yehova mir udul bibedo nuti wi jukuhaya ceke, man wi ju ma wigi pek ceke, man wi dhanu ceke m’utingri; e jubinyone piny;

Isaya 66:2

Kum gin maeni ceke cinga timo en, e kumeni gin maeni ceke wok, Yehova wacu: ento abineno ba ng’atu maeni, en e ba ng’atu ma jacan man mi cwiny mi lokri, man ma kume miel kum lembe para.

Isaya 66:5

Winj lembe pa Yehova, wun ma kumwu miel kum lembe pare: Utumegwu m’udaguwu, m’ubayuwu ni kum nyinga, giwacu kumae, Wek juyung Yehova, kara wanen mutoro mu; ento en e gin e ma jubinyayu lewic i wigi.

Yeremia 16:10

Man ebitimbre, kinde m’ibinyutho lembe maeni ceke ni dhanu maeni, man gibiwacu iri kumae, Pirang’o Yehova ng’olo lem ma rac ma dit maeni i wiwa? kadi kier mwa en e ang’o? kadi dubo mwa en e ang’o ma wadubo ni Yehova Mungu mwa?

Yeremia 16:7

kadi dhanu de bing’wenyo i kwen ungo pigi i ywak, kara ujukgi pi ju m’utho; kadi dhanu bimio igi kikombe mi juk de ngo ya gimadh pi weggi kadi pi meggi.

Yeremia 4:5

Wuyer ni Yuda, man wurwei i Yerusalem; man wuwackumae, Wukudh agwara i ng’oni: wukok ma tek man wuwac kumae, Wucokru giwu, man wuwek wamond i adhura ma tek.

Yeremia 5:22

Wulwora ngo? Yehova wacu: kumwu bimiel ungo i wang’a m’aketho kwio ni kieu mi nam, ku cik mi nja, kara kud ekadhi? man kadok mukurane thore, ento gicopo sagu ngo; kadok giwoi, ento gicopo kadhe ngo.

Ezekiel 12:23

Ka kumeno yer igi kumae, Rwoth Yehova wacu kumae: Abijigo lembabola maeni, man gibitime kendo ngo calu lembabola i kind Israel; ento wac igi kumae, Nindo ni ceng’ni, ku timbre kakare mi ginmawokiwang’ kubang’e kubang’e.

Ezekiel 21:12

Ywaki man igoi nduru, wod dhanu; kum en e wi dhanu para, en e wi judongomawijo ceke mir Israel: jumiogi ba palamularu ku dhanu para; ka kumeno goi benibi.

Ezekiel 30:3

Kum cenge ni ceng’ni, en e ceng’ pa Yehova m’eni ceng’nine; ebibedo ceng’ mir afuru nindo mi thek.

Ezekiel 33:3

tek, kinde m’eneno palamularu wok wi ng’ombe, ekudho agwara, man epoyo dhanu;

Ezekiel 33:6

Ento tek jakur uneno palamularu bino, man ekudho agwara ngo, e jupoyo dhanu ngo, man palamularu bino, man ekabu ng’atu moko kud i kindgi; jukabe cen i kier pare, ento rimo pare abilwong’o i cing jakur.

Ezekiel 7:10

Nen, ceng’, nen, ebino: nindo ma rac peri wok woko; uluth uthiwo, kuhaya kudo.

Ezekiel 7:12

Nindo bino, ceng’ ucoro ceng’ni: anyong’a kud uneg jang’ieu piny, kadi jalok piny de kud uywaki; kum kwinyo ni wi udulne ceke.

Daniel 6:26

Atimo cik, nia i bimobim ceke mi ker para kum dhanu miel man lworo neggi i wang’ Mungu pa Daniel; kum en e Mungu ma kwo, man ebedo tek mi nja, ker pare de en e ker ma binyothre ngo; bimobim pare de bibedo cil i kajikne.

Daniel 9:16

E Rwoth, calku bedopwe peri ceke, akwei, dong’ iwek ng’ecwiny peri ku kwinyo peri lokre woko ku kum adhura peri Yerusalem, got peri ma leng’; kum ni kum dubo mwa, man ni kum dubo pa wegwa, Yerusalem ku dhanu peri gidoko ni cac ni dhanu ceke m’utiekowa gbur.

Daniel 9:20

Man kinde m’abeweco, man aberwo, abetuco dubo para ku dubo mi juthuwa Israel, ku wodho kwac para i wang’ Yehova Mungu para pi got ma leng’ pa Mungu para;

Hoseya 5:8

Wukudh agwara i Gibeya, man agwara i Rama: wugoi nduru i Beth-aven; i ng’ei, E Benyamin.

Hoseya 8:1

Keth agwara i dhogi. Calu acur ebino kum ot pa Yehova, kum gituro lembariba para, man gidubo kum cik para.

Yoel 1:15

Aka cenge! kum ceng’ pa Yehova ni ceng’ni, man calu nyoth ma ai ba Jategokpo ebibino.

Yoel 2:11

Man Yehova wodho dwande wang’ udul asikari pare; kum kagonjo pare e dit apila; kum e tek m’etimo lembe pare; kum ceng’ pa Yehova e dit man eng’oyo ndiri ma dit; man ng’a ma copo cire?

Yoel 2:15

Wukudh agwara i Sayuni, wudwok wekocam leng’, wulwong’ cokri mi rwo;

Yoel 2:31

Ceng’ bilokre ni mudho, dwi de ni rimo, ma fodi ceng’ ma dit pa Yehova mi ndiri fok’uwok ungo.

Yoel 3:14

Udul dhanu, udul dhanu i poga mi kethocwiny! kum ceng’ pa Yehova ni ceng’ni i poga mi kethocwiny.

Yoel 3:17

Ka kumeno wubing’eyo nia an a Yehova Mungu mu, m’abedo i Sayuni got para ma leng’: Yerusalem bilund bedo leng’, man juwirok moko bikadhu kud i kinde kendo ngo.

Amos 3:6

Jubikudho agwara i adhura, ma lworo kunego dhanu ngo? lem ma rac bipodho kum adhura, ma Yehova kutime en ungo?

Amos 5:18

Can i wiwu wun ma wuyenyo ceng’ pa Yehova! Pirang’o wuyenyo wubed ku ceng’ pa Yehova? En e mudho, der ungo.

Amos 8:2

Man ewacu kumae, Amos, ineno ang’o? man awacu kumae, Katoko mi nying’ cwir. Yehova lund uwacu ira kumae, Kajik uwok wi dhanu para Israel; abikadhu akadha kud i ng’etgi kendo ngo.

Obadia 1:15

Kum ceng’ pa Yehova ni ceng’ni wi thek ceke: calu itimo, ebitimbre iri; cul peri bidwog i wii giri.

Zefania 1:14

Ceng’ ma dwong’ pa Yehova ni ceng’ni, eni ceng’ni man etimbre pio, en e dwand ceng’ pa Yehova; dhanu ma tek ywak keca ku can.

Zefania 1:16

ceng’ mir a wara ku lemndiri, kum adhura ma tek mang kum gang’ m’utingre.

Zefania 1:7

Bed ling’ i vut Rwoth Yehova; kum ceng’ pa Yehova ni ceng’ni: kum Yehova yiko lam, elonyo welo pare.

Zefania 3:11

I ceng’ maeca jubiketho lewic i wii ngo kum tic peri ceke m’idubo ie ira; kum i nindo maeca abikabu dhanu peri m’uyungre kud i kindi, man ibibedo jakuhaya kendo ngo i got para ma leng’.

Zekaria 14:1

Nen, ceng’ pa Yehova bino, ka jubipoko ayeki i kindi.

Zekaria 8:3

Yehova wacu kumae: Adwogo Sayuni, man abibedo i kind Yerusalem: e jubilwong’o Yerusalem Adhura mi lemandha; man got pa Yehova mir udul kumae, Got ma leng’.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Kitabu Mir Ang’wende Pa Musa Wel 10:2

Tim agwara ario iri mi mola ma tar; timgi ku tic m’afoda: man ibilwong’o kudo udul, man mi woth mi gonjo.

Kitabu Mir Ang’wende Pa Musa Wel 10:3

Man kinde ma gibikudhogi, udul ceke bicokri gigi i beng’i i dhugola mi hema mi cokri.

1 Jukorinto 14:8

Kum tek agwara kuywak ku dwande ma cu ngo, ng’a ma biyikre gire mir ali?

Jufilipi 2:12

Kum kumeno, jumerna, cil calu wubeduworo thiri thiri, calu i vuta kende ngo, ento kawono m’usagu dit m’ambe, wutim tic mi both mu giwu ku lworo ku mielkum;

1 Jutesaloniki 5:2

Kum wung’eyo giwu cu nia ceng’ pa Rwoth ubino kumeno calu jakwo ku diewor.

Yakobo 5:8

Wun bende dong’ wutwi cwinywu; wuketh adundewu nyang’: kum bino pa Rwoth udhingo.

1 Petro 4:7

Ento kajik mi gin ceke dhingo ceng’ni: ka kumeno wubed ku pidoiwu ma cu, wubed nger de ni rwo ni Mungu:

Lembanyutha 6:17

kum ceng’ ma dwong’ mi kwinyo migi wok; man ng’a ma copo cungo?