Yoel 1:7 - The Holy Bible In Alur (Lur) Revised Orthography

⁷ Enyotho ulok para, man ealu apoka yendubolo para: edwoke temble, man ebaye woko; jangene judwoko tar.

Yoel 1:7 ပူးပေါင်းရင်းမြစ်များ

Zaburi 105:33

Egoyo ulok migi bende man yendubolo, Man eturo yedhi mi kieu migi.

Ai 10:14

E bonyone idho malu wi ng’om Misiri ceke, man gipoto wi kieu mi Misiri ceke; gi rac dit; bonyo ma wadi maeca mbe m’ular uwok, kadi yo ng’eigi de moko mbe ma biwok kumeca.

Ai 10:15

Kum giumo wang’ ng’om ngung’, ketho nia ng’om ucido; e gicamu uboko ceke kubang’e kubang’e m’i ng’ombe, ku nying yen ceke ma pei weko: man gin ma mimu moko mbe m’udong’; kadok yen kadi uboko m’i pothi, i ng’om Misiri ngung’.

Isaya 24:7

Pigulok ma nyasa ywak, ulok uvoc, ju ma anyong’a negogi ceke gigamu cwinygi.

Isaya 32:12

Gibigoyo korgi kum pothi ma ber, pir ulok ma cek hai.

Isaya 5:6

e abidwoke ni uvuru; jubilwere ngo kadi afura de ngo; ento ucok kud ukudho bitwi: abing’olo ni afuru bende kara ku gikonj koth moko i wie.

Yeremia 8:13

Abidarugi pet, Yehova wacu: nyingulok bibedo mbe kum ulok, kadi nyingubolo de wi yendubolo, man ith yen biner: e gin m’amio igi bikadhu cen kud i kumgi.

Hoseya 2:12

Man abinyotho ulok pare ku yendubolo pare, m’ewacu pire kumae, Maeni sukulia para ma jumer para gimio ira; man abidwokogi ni luli, e yedi m’i thim bicamugi.

Yoel 1:12

Ulok de tal, man yendubolo voc; yendulemo, thith bende, man yenduru, en e yen ceke m’i podho giner: kum mutoro jung’ kud i wot dhanu.

Amos 4:9

Agoyowu ku motho man laimo: ukoko camu udul pothi mu man podho mir ulok mu ku yendubolo mu man yendulam mu: ento wudwogo ngo i bang’a, Yehova wacu.

Habakuk 3:17

Kum kadok yendubolo bithiwo ngo, Kadok nyingulok de bibedo mbe kum ulok; Kadok tic mir ulam de bijwik, Man pothi bicego cemo moko ngo; Udul rombe de bithumbre woko kud i kwac. Man dhok bibedo mbe i dwol:

Malaki 3:11

Man abijuko jacam piny piwu, man ebinyotho nying’ ng’om mu ngo; kadok ulok mu de bioyo nyinge ngo i podho ma fodi nindone kutundo ngo, Yehova mir udul uwacu.