Man etimbre yo ng’ei maeni, nia Daudi penjo ba Yehova, ewacu kumae, Abiidho malu i adhura moko mi Yuda? E Yehova wacu ire kumae, Idh malu. Man Daudi wacu kumae, Abiidho malu kakani? Man ewacu kumae, I Hebron.
Man Daudi penjo ba Yehova, ewacu kumae, Abiidho malu kum Jufilisti? ibimiogi i cinga? E Yehova wacu ni Daudi kumae, Idh malu; kum abimio Jufilisti i cingi andha.
Alund ang’olo wekocam keca, dhu kulo Ahava, kara wajwigra giwa i wang’ Mungu mwa, kara wayeny i bang’e yo m’atira iwa, man pi nyithindho mwa ma thindho, man pi piny mwa ceke.
Man iketh Urim ku Thumim i jambkor mi pokolembe; man gibibedo wi adunde Harun, kinde m’emondo i wang’ Yehova: man Harun biyeyo pokolembe mi nyithindho mir Israel wi adundene i wang’ Yehova thiri thiri.
Man ebicungo i wang’ Eleazar ma jalam, ma bipenjo pire ku lembapoka pa Urim i wang’ Yehova: ku lembe pare gibiwok woko, man ku lembe pare gibimondo, en, ku nyithindho mir Israel ceke karacelo kude, cil udul ceke.
Man etimbre yo ng’ei tho pa Yocuwa, nia nyithindho mir Israel gipenjo ba Yehova, giwacu kumae, Ng’a ma bilar idho malu piwa kum Jukanani, nikiedo kugi?
E nyithindho mir Israel giai malu, man giidho i Beth-el, e gikwayu lembapora ba Mungu; man giwacu kumae, Ng’a ma bilar idho malu piwa nikiedo ku nyithindho pa Benyamini? E Yehova wacu kumae, Yuda bilar idho.
man Finehaz, ma wod Eleazar, ma wod Harun, ucungo i wang’e i ceng’ maeca), ewacu kumae, Acidh kendo nikiedo ku nyithindho pa Benyamin m’umira, kadi aweki? Man Yehova wacu kumae, Idh malu; kum urwo abikethe i cingi.