Yocuwa 8:8 - The Holy Bible In Alur (Lur) Revised Orthography

⁸ Man ebibedo, kinde ma wumaku adhurane, nia wubiwang’u adhurane ku mac; wubitimo calku lembe pa Yehova: nen, ang’olo iwu.

Yocuwa 8:8 ပူးပေါင်းရင်းမြစ်များ

2 Samwil 13:28

Man Absalom ung’olo ni jutic pare, ewacu kumae, Wunen kawono, kinde ma pigulok umero adunde Amnon; man kinde m’awacu iwu kumae, Goi Amnon, e wunege; lworo kud unegwu; ang’olo iwu ngo? wubed ku tegocwiny, man wubed jiurukara.

Poi Mi Cik 20:16

Ento mir adhura mi kodhidhanu maeni, ma Yehova Mungu peri mio iri ni aba, kud ibodh gin moko ma yuyo ma kwo;

Yocuwa 1:16

E giloko lembe ni Yocuwa, giwacu kumae, Gin ceke m’ing’olo iwa wabitimo, man ka ceke ma tek iorowa wabicidho.

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Yocuwa 6:24

Man giwang’u adhurane ku mac, ku gin ceke ma ni i ie; ndhu mola ma tar, ku mola ma kwar, man agulu mi mola ku mi nyunyu, e ma giketho i kakanpiny mi ot pa Yehova.

Yocuwa 8:13

Kum kumeno giketho dhanu, en e udul ceke ma gini yor ariwa ma malu ni adhura, man dhanu migi ma weg adhi ma gini yo reto ni adhura; man Yocuwa cidho diewor maeca i die poga.

Yocuwa 8:2

man ibitimo kum Ai kud ubimo pare calu m’itimo kum Yeriko kud ubimo pare: ento ayekine, ku lim mir adhurane, wubigamu ni giramaci iwu giwu: dong’ iketh weg adhi i ng’ei adhurane.

Yocuwa 8:22

Man jumange giai kud i adhurane i kumgi; kum kumeno gini i dier Israel, jumoko ni yo kuni, jumoko ke yo kuca: e gigoyogi, ma giweko ko moko ngo i kindgi m’udong’ kadi m’uboth.

Yocuwa 8:28

Kum kumeno Yocuwa wang’u Ai, man edwoke ni udhuru mi susu mi nja, en e uvuru, cil i ceng’ ma tin.

Yocuwa 8:7

e wubiai malu ku ka ma wukanu ie adhi, man wubimwonyo adhurane: kum Yehova Mungu mu bimie i cingwu.

Yocuwa 8:9

Man Yocuwa orogi; e gicidho i ka ma gikanu ie adhi, man gibedo i kind Beth-el ku Ai, yo reto ni Ai: ento Yocuwa gonjo diewor maeca i kind dhanu.

Jupoklembe 4:6

Man eoro elwong’o Barak ma wod Abinoam kud i Kedec-naftali, man ewacu ire kumae, Yehova, Mungu mir Israel ung’olo ngo, ewacu kumae, Cidh icor ceng’ni got Tabor, man igam dhanu rubanga apar i kind nyithindho pa Naftali man mi nyithindho pa Zebulun wuci wukugi?