Yocuwa 8:2 - The Holy Bible In Alur (Lur) Revised Orthography

² man ibitimo kum Ai kud ubimo pare calu m’itimo kum Yeriko kud ubimo pare: ento ayekine, ku lim mir adhurane, wubigamu ni giramaci iwu giwu: dong’ iketh weg adhi i ng’ei adhurane.

Yocuwa 8:2 ပူးပေါင်းရင်းမြစ်များ

2 Lemkei 13:13

Ento Yeroboam uketho adhi bino i ng’eigi: kum kumeno gini i wang’ Yuda, man adhi ni i ng’eigi.

2 Lemkei 20:22

Man kinde ma gimaku wero wer ku paku pak, Yehova ketho weg adhi kum nyithindho mir Arnon, ku Moab, man got Seir, ma gibino kum Yuda; e jugoyogi.

Zaburi 39:6

Andha ku ba dhanu ceke ng’atuman wotho calu tipopiny; Andha cwinygi ringo mananu: Edhuro lonyo, man eng’eyo ngo ng’atu ma bicokogi.

Lembrieko 13:22

Ng’atu ma ber weko aba ni nyithindho mi nyithindhe; Man piny pa jadubo kandre ni ju ma pwe.

Lembrieko 28:20

Ng’atu ma won bedo mandha bisagre ku mugisa; Ento ng’atu m’urikni kara elony bibedo mbe send ungo.

Yeremia 17:11

Calu aywer m’ubedo wi tonge m’enyolo ngo, ng’atu m’ulimo lonyo bedo kumeno, man atira ngo; i die nindo pare gibiweke, man i kajik pare ebibedo jakasegu.

Yeremia 51:12

Keth abera malu kum gang’kidi mi Babeli, dwok kume tek, keth jukurne, yik kapondo; kum Yehova keco man etimo gin m’eyero pi ju m’ubedo i Babeli.

Poi Mi Cik 2:35

ndhu lim e ma wamaku ni amaci iwa giwa, karacelo kud ayeki mir adhura ma wamaku.

Poi Mi Cik 20:14

ento mon, ku nyithindho ma thindho, ku lim, ku gin ceke ma ni i adhurane, en e ayekine ceke, ibigamu ni amaci iri; man icam ayeki mi judegi peri, ma Yehova Mungu peri mio iri.

Poi Mi Cik 3:2

E Yehova wacu ira kumae, Kud ilwore; kum amie, ku dhanu pare ceke, man ng’om pare, i cingi; man ibitimo i kume calu itimo kum Sihon m’ubimo mi Juamori, m’ubedo i Hecbon.

Yocuwa 10:1

Nie etimbre, kan Adonizedek m’ubimo mi Yerusalem uwinjo maram Yocuwa maku ko Ai, man maram enyothe ko pet (calu etimo kum Yeriko kud ubimo pare, etimo kum Ai kud ubimo pare kumeca), man maram dhanu m’ubedo i Gibeon gitimo ko kwiocwiny kud Israel, man nia gini i kindgi;

Yocuwa 10:28

Man Yocuwa maku adhura Makeda i ceng’ maeca, man egoye ku lak palamularu, kud ubimone: enyothogi pet ku ng’eyong’ec ceke ma ni i ie; eweko moko dong’ ungo; man etimo ni ubimo mi Makeda calu etimo kum ubimo mi Yeriko.

Yocuwa 11:14

Man ayeki ceke mir adhura maeno, ku lim, nyithindho mir Israel umaku ni amaci igi gigi; ento dhanu kubang’gi kubadg’gi gigoyo ku lak palamularu, cil ma ginyotho kogi kot, kadok aweka de giweko ng’atu moko ngo ma yuyo.

Yocuwa 6:21

E ginyotho gin ceke ma ni i adhura kot, co ku mon bende, nyithindho ku judongo de, man dhiang’ ku rombe, ku kana ginegogi ceke ku lak palamularu.

Yocuwa 8:12

E egamu dhanu ma yenyo romo rubanga abic, man eketho gikanu adhi i kind Beth-el ku Ai, yo reto ni adhura.

Yocuwa 8:14

Man etimbre, kinde m’ubimo mi Ai neno maeni, nia gitimo pio man giai pir kugweno, e dhanu mir adhurane giwok woko gikiedo kud Israel, en ku dhanu pare ceke, i nindo ma jung’olo, i wang’ Araba; ento eng’eyo ngo nia jukanu adhi i kume yo ng’ei adhurane.

Yocuwa 8:19

Man ju m’ukanu adhi giai pio ku ka ma gini i ie, e giringo kinde m’ecimo cinge, man gimondo i adhurane, gimake de; man gitimo pio e gigudo mac kum adhurane.

Yocuwa 8:24

Man etimbre, kinde ma Israel gidaru nego dhanu ceke mi Ai i thim, i yamba ka ma giriemogi i ie, man gipodho ceke ku lak palamularu, cil ma ginyothri ko ceke, nia Israel ceke gidwogo ba Ai, man gigoye ku lak palamularu.

Yocuwa 8:3

Kum kumeno Yocuwa ai malu, ku dhanu mir ali ceke, kara giidh malu ba Ai: e Yocuwa goyo wi dhanu rubanga pier adek, dhanu ma tek ma jurukara, man eorogi ku diewor.

Yocuwa 8:7

e wubiai malu ku ka ma wukanu ie adhi, man wubimwonyo adhurane: kum Yehova Mungu mu bimie i cingwu.

Yocuwa 8:8

Man ebibedo, kinde ma wumaku adhurane, nia wubiwang’u adhurane ku mac; wubitimo calku lembe pa Yehova: nen, ang’olo iwu.

Yocuwa 8:9

Man Yocuwa orogi; e gicidho i ka ma gikanu ie adhi, man gibedo i kind Beth-el ku Ai, yo reto ni Ai: ento Yocuwa gonjo diewor maeca i kind dhanu.

Yocuwa 9:3

Ento ka dhanu m’ubedo i Gibeon giwinjo gin ma Yocuwa timo kum Yeriko man kum Ai,