Yocuwa 8:1 - The Holy Bible In Alur (Lur) Revised Orthography

¹ Man Yehova wacu ni Yocuwa kumae, Kud ilwor, kadi cwinyi de kud ung’ abre: gam dhanu ceke mir ali karacelo kudi, man wuai, wuidh malu ba Ai; nen, amio ubimo mi Ai i cingi, ku dhanu pare, man adhura pare, ku ng’om pare;

Yocuwa 8:1 ပူးပေါင်းရင်းမြစ်များ

Zaburi 27:1

Yehova en e der para ku both para; i Abilworo ng’a? Yehova en e tego mi kwo para; Lworo binega kum ng’a?

Zaburi 44:3

Kum gimwonyo ng’om ungo ku pala mularu migi, Kadok botgi gigi de bodhogi en ungo; Ento cingi ma yor acwic, man boti, man der mi weng’i, Kum ibedo ku bero i kumgi.

Zaburi 46:11

Yehova mir udul ni kudwa; Mungu pa Yakobo en e kapondo mwa. [Sela.

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 43:2

Kinde m’ikadhu kud i pi, wabibedo wakudi; man kud i kulo ma dit, gibimwonyi ngo: kinde m’iwotho kud i mac, ibiwang’ ungo, kadok lebmac de biliel i kumi ngo.

Yeremia 46:27

Ento lworo kud unegi, E Yakobo ma jatic para, kadok cwinyi de kud ung’abre, E Israel: kum, nen, abibodhi ku bor, man kodhini kud i ng’om mi ng’eca migi; man Yakobo bidwogo, ebibedo museme de man yo, e ng’atu moko mbe ma binyayu lworo i ie.

Yeremia 49:3

Wugoi nduru, E Hecbon, kum judwoko Ai ni uvuru; wuywak, wu nyig Raba, wutwiru ku gonia: wuywaki, man wuring kun ku kun kind gang’; kum Malkam bicidho i ng’eca, julam pare man judongomawijo pare karacelo.

Daniel 2:21

Man eloko nindo ku oro; ekabu ju m’ubimo, man eketho ju m’ubimo; emio rieko ni jurieko, man ng’eyong’ec ni ju ma ng’eyothelembe ni kugi;

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:35

man dhanu ceke m’ubedo wi ng’om jukwanugi calu gin moko ngo; man etimo calu ie yenyo i udul m’i polo, man kind ju m’ubedo i ng’om; man ng’atu moko mbe ma copo cero cinge, kadi ma wacu ire kumae, Itimo ang’o?

Matayo 8:26

Man ewacu igi kumae, Lworo benegowu nedi, wun ma wunok i yioyici? Elund eai malu, man ejuko yamu ku nam; e piny ucungo ndhu ti.

Poi Mi Cik 1:21

Nen, Yehova Mungu peri ketho ng’om i weng’i; idh malu, e imwony, calu Yehova, Mungu pa kwaru, uyero iri; lworo kud unegi, kadok cwinyi de kud ung’abre.

Poi Mi Cik 31:8

E Yehova, en e ng’atu m’ucidho i weng’i; wubibedo wukude, ebirem iri ngo, kadok akuna de ebikuni ngo: lworo kud unegi, kadok cwinyi de kud ung’abre.

Poi Mi Cik 7:18

kud ilworgi: poi cu kum gin ma Yehova Mungu peri timo kum Farao, man kum Misiri ceke;

Poi Mi Cik 7:21

Lworo kud unegi i kumgi; kum Yehova Mungu peri ni i krndi, Mungu ma dwong’ ma jang’oindiri de.

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Yocuwa 10:7

Kum kumeno Yocuwa idho malu kud i Gilgal, en, ku dhanu mir ali ceke gikugi, ku dhanu ceke ma tek ma jurukara.

Yocuwa 10:8

E Yehova wacu ni Yocuwa kumae, Kud ilworgi: kum amiogi i cingi: ng’atu moko mbe m’i kindgi ma bicungo i weng’i.

Yocuwa 2:24

Man giwacu ni Yocuwa kumae, Andha Yehova mio ng’ombe ceke i cingwa; mange ke dhanu ceke m’i ng’ombe ging’oi i wang’wa.

Yocuwa 6:2

E Yehova wacu ni Yocuwa kumae, Nen, aketho Yeriko i cingi, kud ubimone de, ku dhanu ma tek ma jurukara.

Yocuwa 7:9

Kum Jukanani ku ju m’ubedo i ng’om ceke gibiwinjo pire, man gibitiekowa gbur man gibithumo nyingwa woko kud i ng’om: e ibitimo ang’o pi nyingi ma dwong’i?