Yocuwa 7:4 - The Holy Bible In Alur (Lur) Revised Orthography

⁴ Kum kumeno kind dhanu ma yenyo romo rubanga adek uidho kuca: e giringo i wang’ dhanu mi Ai.

Yocuwa 7:4 ပူးပေါင်းရင်းမြစ်များ

Zaburi 89:43

Eyo, iloko lak palamularu pare cen, Man iketho ecungo ngo i lwiny.

Isaya 30:17

Rubanga acel biringo ni kum cim pa ng’atu acel; wubiringo ni kum cim mi juabic: cil ma wubedo ko calu mbegi wi usimbru got, man calu abera wi ungulu got.

Isaya 59:2

ento kier mu poko kindwu ku Mungu mu, man dubo mu panu wang’e iwu, ketho nia ebiwinjo ngo.

Lembe Mi Julawi 26:17

Man abiketho wang’a i kumwu, jubigoyowu de i wang’ judegiwu: ju m’udaguwu bibimo wiwu; e wubiringo ma ng’atu moko mbe m’uriemowu.

Poi Mi Cik 28:25

Yehova biketho jugoi i wang’ judegi peri; ibiwok i yo acel i wigi, man ibiringo i yo abiro i wang’gi: man jubikethi kun ku kun i kind thek ceke mi ng’om.

Poi Mi Cik 32:30

Ng’atu acel copo riemo rubanga nenedi, Man juario tugo rubanga apar ku ng’wec nenedi, Tek Cana migi ku ng’iewogi ngo, Man Yehova miogi ngo?

Yocuwa 7:3

Man gidwogo ba Yocuwa, man giwacu ire kumae, Dhanu ceke kud uidh malu; ento wek dhanu ma yenyo romo rubanga ario kadi adek giidh malu gigoi Ai; kud wuketh dhanu ceke gisendri ku tic kuca; kum dhanune gi nok.