Yocuwa 7:25 - The Holy Bible In Alur (Lur) Revised Orthography

²⁵ Man Yocuwa wacu kumae, Isendowa nedi? Yehova bisendi tin. E Israel ceke gicanye ku kidi; man giwang’ugi ku mac, man gicanyugi ku kidi.

Yocuwa 7:25 ပူးပေါင်းရင်းမြစ်များ

Thangambere 34:30

E Yakobo wacu ni Simeon ku Lawi kumae, Wung’abu cwinya, kara wudwoka ni gin ma judagu ni ju m’ubedo i ng’ombuni, i kind Jukanani man Juperizi: man, kum welna nok, gibicokri gigi karacelo i kuma e gibigoya; man abinyothra, an ku juot para.

Thangambere 38:24

Man etimbre calu dwi adek yo ng’eye, nia juyero ni Yuda, juwacu kumae, Tamar ma ci wodi utimo asara; man ke, nen, egamu ie kud asara. E Yuda wacu kumae, Kele woko, man wek juwang’e.

I Lemkei 2:7

Man wot Karmi gi eni: Akar, ma jasend Israel, m’utimo dubo i gin m’akwong’a.

Lembrieko 1:19

Ku ba dhanu ceke ma ketho cwinygi hai kum kuloka yo migi bedo kumeni; Ekabu kwo migi gi ju ma gibedo ko.

Lembrieko 15:27

Ng’atu ma ketho cwinye kum kuloka, sendo ot pare gire; Ento ng’atu m’udagu jamblembe bibedo kwo.

Lembe Mi Julawi 20:14

Man tek ng’atu moko gamu dhaku ku min dhakune de, en e dubo: jubiwang’ugi ku mac, en ku gin; kara dubo moko kud ubed i kindwu.

Lembe Mi Julawi 20:2

Man kendo, iwac ni nyithindho mir Israel kumae, Ng’atu ma tek nuti ma mi nyithindho mir Israel, kadi mir umondo m’ubedo i kind Israel, m’umio nyikwaye ni Molek; jubiketho etho andha: dhanu m’i ng’om bicanye ku kidi.

Lembe Mi Julawi 21:9

Man nya jalam moko, tek ecidre gire kutimo tarwang’, ecido won: jubiwang’e ku mac.

Lembe Mi Julawi 24:14

Wodh ng’atu m’ukwong’o kwong’ woko ng’ei kagonjo; man wek dhanu ceke m’uwinje giketh cing’gi i die wie, man wek udul ceke gicanye ku kidi.

Jugalatia 5:12

Ayenyo nia ju m’uketho cwinywu beringo rr gjthumbri gigi.

Poi Mi Cik 13:10

Man icanye ku kidi etho, kum eponjo teli cen ku ba Yehova Mungu peri, m’uwodhi kud i ng’om Misiri, kud i ot mi ng’eca.

Poi Mi Cik 13:11

E Israel ceke biwinjo, man lworo binegogi, e gibitimo wadi dubo ma calu maeni kendo ngo i kindi.

Poi Mi Cik 17:5

ilund iwodh nico maeno kadi dhaku maeno, m’utimo gin ma rac maeni, ba dhugang’ peri, en e ng’atu ma nico kadi ma dhaku; e icanygi ku kidi githo.

Poi Mi Cik 21:21

E dhanu ceke mir adhura ma thugi bicanye ku Iddi m’etho ko: kab dubo cen kud i kindi kumeni; e Israel ceke biwinjo, man lworo binegogi.

2 Jutesaloniki 1:6

tek ebedo kumeno ya en e gin ma pwe ni Mungu y a ecul ruvwa ni ju m’unyayu ruvwa i kumwu,

Juebrania 12:15

ma wubed ko ku weng’wu kara ng’atu moko kud urem kum bero pa Mungu; kara ulag akece kud uwok m’unyai can i iwu, man uketh dupa gicid ni kume;

Yocuwa 6:18

Ento wun, ndhu wugwokru giwu ni gin m’akwong’a, kara ka wukwong’e, kud wugam kum gin m’akwong’a; wumaru ketho udul mir Israel ubed akwong’a, man wusende.

Yocuwa 7:15

Man ebibedo, nia ng’atu ma jugame ku gin m’akwong’a jubiwang’e ku mac, en ku gin ceke m’ebedo ko; kum ekadhu ku wi lembariba pa Yehova, man kum etimo kasegu i kind Israel.

1 Samwil 14:29

Yonathan ulund uwacu kumae, Vwa ng’abu cwiny ng’om: nen, akwayuwu, maram wang’a lero ko, kum abilo nyathi kic maeni.